Gatosan ang Nakatrabaho

Maayong balita.

213 ang  nakatrabaho sa local ug 137 ang nadawat sa overseas sa Kapamilya Job Fair sa Liloan, Cebu karong adlawa.  (Leo Lastimosa)

RTC Clerk Balik Na sa Trabaho

Gilibkas na sa SC ang suspension order batok sa clerk of court sa RTC Cebu City.

Nahibalik na sa trabaho kagahapong adlawa si Atty Jeoffrey Joaquino human nga nasuspenso sud sa unom ka buwan tungod sa pag implementar sa usa ka desisyon sa korte nga aduna pay gisang-at nga appeal. (RC Dalaguit)

DFA Seminar Batok Drugas

Gitinguha sa kanhi DDB Vice Chairman Clarence Oaminal nga ang DFA mupahigayon og seminar kalabot sa mga balaod batok sa illegal nga drogas sa nagkadaiyang mga nasud atol sa pagkuha og passport.

Buot usab niya nga ang Bureau of Immigration and Deportation ang mupaubos sa mga langyaw og drug test atol sa ilang pag-abot dinhi sa Pilipinas. (RC Dalaguit)

QC Jail Warden Gitangtang

Gitangtang sa posisyon ang warden sa Quezon City Jail tungod sa pasangil nga adunay special treatment sud sa bilangguan ang akusado sa pagpatay nga si Jason Ivler.

Kasamtangan nga anaa sa "floating status" si Sen. Supt. Hernan Grande samtang ipahigayon ang imbestigasyon. (RC Dalaguit)

Lunes Pa Mahukman

Tiwason karong Lunes ang husay sa mosyon pagbasura sa search warrant batok sa bag-ong mga sinumbong sa pagdagit ug pagpatay ni Ellah Joy Pique.

Dugang mga saksi ang ipresentar sa prosekusyon ug depensa. (Leo Lastimosa)

Published with Blogger-droid v1.6.8

Lisod ang Segregation

Cebu City Councilor Nida Cabrera niangkon nga lisod ang pagpatuman sa garbage segregation sa unang semana.

Matod ni Cabrera kinahanglan nga hingusgan ang pag-edukar sa katawhan paglahi sa mga basurang malata ug di malata.  (Leo Lastimosa)

Noynoy Nangayo sa Lista sa mga Kawani sa Gobyerno

Inihap na lang ang mga adlaw sa pekeng mga kawani sa gobyerno.

Gimandoan ni Presidente Noynoy Aquino ang Department of Budget and Management sa paghimo og database sa tanang mga kawani.

Gusto ni Aquino nga mabadlong na ang pagpanguwarta ug pagpaburot sa burukrasya. (Ferdinand Mañus)

Canteen sa Mandaue Police Gibungkag

Daghang atraso ang canteen sa Mandaue City Police Office:

• Una, way business permit gikan sa City Hall; ug
• Ikaduha, naa tukora ibabaw sa sapa.

Wa mosupak ang kapolisan sa demolisyon sa ilang canteen.

Gusto sa kapolisan nga mahimo silang ehemplo sa ubang mga iskuwater sa Mandaue. (Ferdinand Mañus)

Mga Tanod sa Opon Gipasidunggan

Gipanghatagan og P2,000 matag usa ang mga barangay tanod nga nakadiskubre sa P3 milyones nga balor sa corals sa Punta Engaño sa Lapulapu City.

Gipasidunggan silang Alejandro Viloria, Marcelito Eyas, Castor Sagan, Marlon Perez ug ang hepe sa Mactan Police Station nga si Sr. Inspector Junnel Caadlawon. (Ferdinand Mañus)

Giuli nga Basura

Gibalibaran sa Inayawan Sanitary Landfill ang garbage trucks sa duha
ka barangay sa Dakbayan sa Sugbo sayo ganinang buntag.

Kini tungod sa kapakyas sa mga opisyal sa Mambaling ug Basak San
Nicolas pagbuwag nang daan sa basurang malata ug di malata.

Gidawat hinuon ang basura gikan sa 11 ka barangay nga nakapatuman na
sa segregation.

Pormal nang gitak-opan karong adlawa ang Sanitary Landfill gikan sa wa
pa mabuwag nga mga basura. (Leo Lastimosa)

Liloan Job Fair

Kaliboan ka trabaho ang maaplayan sa Kapamilya Local ug Overseas Job
Fair sa Liloan, amihanang Sugbo.

Ang tibuok adlaw nga kalihokan karong Sabado, Abril 2, himuon sa
Panphil Frasco Memorial Complex.

Lain na sab ning hinugpong proyekto sa Munisipyo sa Liloan ug sa DYAB
Abante Pa, Bisaya! (Leo Lastimosa)

Halad Alang sa Kabataan

Pagpanalipod sa kabataan gikan sa mga pangabuso ang sentro sa Halad sa
Kapamilya karong Sabado.

Ang sinemanang programa sa telebisyon makita sa ABS-CBN Channel 3 sa
Sugbo matag alas-7 sa buntag.

Ang Halad karong Sabado manukad sa rehiyonal nga buhatan sa DSWD
Central Visayas.

Kalunasan Job Fair

Hingpit nang pangandam alang sa Kapamilya Local Job Fair sa Kalunasan,
Cebu City.

Gatosan ka trabaho ang maaplayan tibuok adlaw karong Sabado, Abril 2, 2011.

Lain ning hinugpong nga proyekto sa DMDP, Cebu ug DYAB Abante Pa, Bisaya!

SC Ratings Nitibugsok

Namenosan ang pagsalig sa katawhang Pilipinhon sa Korte Suprema, suma
sa labing uwahing survey sa SWS.

Gituohan nga nanukad ni sa mga pasangil nga ang mayoriya sa mga
mahistrado sa labawng hukmanan nanalipod sa interes ni kanhi
presidente Gloria Arroyo. (Leo Lastimosa)

Kalihim sa DILG nia sa sugbo

DILG Sec. Jesse Robredo makigtagbo ni Gob. Gwendolyn Garcia sa Kapitolyo karong buntag.

Niabot si Robredo sa Mactan airport mga alas 8:40 ang takna karong buntag.

Usa sa posibleng hisgutan mao ang issue sa 93-1.(June Perez)

 

   

Transport Group Wala Mahimuot sa Fuel Subsidy

Transport group sa sugbo wala mahimuot sa fuel subsidy alang sa transport sector.

Ang NADSU miingon nga klarong pag-ulog-ulog ang gihimo sa gobierno

Magpadayon ang NADSU sa pagdemanda sa pagpapas sa oil deregulation law.

Ikiha nang Nadakpang Suspitsadong mga Durugista

Pasakaan na ug kaso karong adlawa ang lima ka gidudahang mga durugista nga nadakpan sa Mandaue police.

Ang kaso ipasaka batok sa gidudahang drug queen ug upat ka sakop sa sindikato.

Gisusi na usab sa kapolisan kung diin ug tinubdan sa ulegal drugs ang grupo. (June Perez)

Mamumuno sa American National Nitahan

Nisurender na ang gitumbok nga gunman sa pagpatay sa American national.

Tulo na ka suspect sa krimen ang nadakpan sa kapolisan.

Wala pa masikop ang mastermind nga batan-ong babaye nga giingong uyab sa langyaw. (June Perez)

Basurahan sa Inayawan Serado Na

Hingpit nang gitak-opan ang Sanitary landfill sa Inayawan, Cebu City sugod karong adlawa.

 

600 ka mga basurero ang nabalaka sa ilang panginabuhi.

 

23 lang sa 80 ka barangay sa Cebu City ang andam sa pag-segregate sa ilang mga basura.  (Leo Lastimosa)

Hustisya ni Ellah Joy

Masaligon ang kapolisan nga mahatagan na og hustisya ang pagdagit ug pagpatay ni Ellah Joy Pique.

 

Pormal nang gipasakaan og kaso ang bag-ong mga suspitsado, silang Bella Santos ug Ian Griffiths.

 

Matod sa Task Force Ellah Joy niinsistir nga mas lig-on ang ilang mga ebidensiya ug mas katuohan ang ilang mga saksi ning higayona.  (Leo Lastimosa)

Pakyas ang Transport Strike sa Sugbo

Nagpadayon ang normal nga dagan sa transportasyon sa Sugbo karong adlawa.

Napakyas ang transport caravan sa Nadsu ug ubang mga pundok pag-inutil sa transportasyon.

Nagprotesta ang transport groups sa Sugbo atubangan sa mga buhatan sa DOE ug LTO.  (Leo Lastimosa)

Subsidy Alang sa Transport Groups

Giaprobahan ni Presidente Noynoy Aquino ang paghatag og hinabang
pinansiyal sa transport groups sa Sugbo ug ubang bahin sa nasud.

Kini aron nga di kinahanglan nga pasakaan ang plitehan bisan kon
magpadayon ang pag-usbaw sa presyo sa lana sa merkado sa kalibotan.

Sa dugang detalye, tan-aw sa DYAB Cebu Webcast: http://www.stickam.com/dyab1512