Manny Pacquiao ug Sugar Shane Mosley pasado sa weigh in.

Pulos nakapasar sa gipahigayon nga weigh in sila si Manny Pacquiao ug si Sugar Shane Mosley didto sa MGM Grand sa Las Vegas Nevada.

Si Manny Pacquiao nitimbang ug 145 libras samtang si Shane Mosley nitimbang ug 147 libras.

Si Manny Pacquiao nisaad nga iyang hatagan ug makalingaw nga salida ang mga fans sa boxing.

Samtang si Shane Mosley nibahad nga mukulit siya ug kasaysayan sa boxing pinaage sa pagbuntog ni Manny Pacquiao.

( Najib M. Cubio )

Chicago Bulls nakabintaha na sa semi final round sa NBA batok sa Atlanta hawks.

GISUNGAG SA CHICAGO BULLS ANG ATLANTA HAWKS SA GAME 3 SA SEMI FINAL ROUND NBA PINAAGE SA ISKOR NGA 99-82.

WA MUSALIR ANG PWERSA NILA NI JAMAL CRAWFORD UG KAUBANAN GIKAN SA NAGBAGANG OPESIBA NILA NI DERRICK ROSE UG KAUBANAN.

NAKABINTAHA NA KARON SA BEST OF SEVEN SEMI FINAL ROUND ANG CHICAGO BULLS 2 KONTRA 1 SA ATLANTA HAWKS.

( Najib M. Cubio )

Low Pressure Area nahimo nang bagyo.

Nahimo nang bagyo ang low pressure nga nasigpatan sa eastern visayas.

Ang bagyo gipanganlan ug Bebeng.

Suma pa sa PAGASA ang bagyong Bebeng adunay gikusgon nga 55 kilometros matag takna duol sa tunga-tunga ug nagasibog kini sa gikusgon nga 16 kilometros matag oras.

Si Al Acazar ang weather forecaster sa PAGASA niingon gipaubos na sa public storm warming signal number 1 ang musunod nga mga dapit :

• Camarines Sur
• Albay
• Catanduanes
• Sorsogon
• Masbate (including Ticao and Burias Islands)
• Leyte
• Eastern Samar
• Samar
• Northern Samar
• Biliran

Sanchez giilang patron sa organic farming

Nakadawat og pasidungog ang namatay nga Bise Gobernador Gregorio Sanchez isip
giilang patron sa natura farming sa grupong Cebu Coalition for Food Security.

Ang kanhi administrador sa Siyudad sa Sugbo Bimbo Fernandez nga aktibo sa
organic farming mihulagway nga dako kaayo og natampo ang Bise Gobernador sa
natural farming sa Sugbo.

Gihulagway ni Fernandez ang negosyo ni Sanchez nga LactoPafi nga usa sa
nakatampo pagpalambo sa natural faming.

Ang CCPS nga gilangkoban og sobra sa 20 ka mga organisasyon sa organic farming
miila kang Sanchez nga Patron sa kinaiyanhon nga pag-uma.  (Marlon Bellita)

Mga anak ni Sanchez way plano sa politika

Giklaro sa kamagwangang anak Grecilda "Gigi" Sanchez-Zaballero nga wala siyay
plano o bisan usa sa ilang pamilya nga musunod sa lakang sa ilang amahan.

Mitataw sab siya nga wala maghisgot ang Presidente sa ilang panagtagbo kon duna
bay buot sa ilang pamilya nga musunod sa Bise Gobernador.

Matud ni Zaballero bugtong niyang hangyo sa mopoli sa pwesto sa iyang amahan nga
ipatigbabaw ang kamandoan sa balaod nga gipaningkamotan sa iyang amahan.

Iyang gihulagway nga ang paghikaw sa unsay angayan alang sa buhatan sa Bise
Gobernador angayan nga ipatigbabaw og panalipdan sa muhulip sa pwesto.  (Marlon
Bellita)

Election protest nakapasagmuyo sa pamilyang Sanchez

Alang sa kamagwangan anak ni Bise Gobernador Gregorio Sanchez Grecilda "Gigi"
Sanchez-Zaballero gidalidali ang election protest nga naa pa sila sa
pagbangotan.

Gihulagway ni Zaballero nga samtang bise sila sa pag-atiman sa haya sa iyang
amahan dili lalim nga samoksamokon pa sila sa politika.

Matud ni Zaballeo ilang itugyan sa mga sugboanon ang pagtimbangtimbang sa dagan
sa protesta sa kadaugan sa iyang amahan.

Dili man sila mohatag og dakong bili sa protesta apan duna silay tawo nga
tahasan nga moatiman sa problema.

Sa pangotana kon kinsay angayan nga muholip sa iyang amahan wala man siya
moklaro apan tataw nga pabor siya sa paglingkod ni Bokal Agnes Magpale.  (Marlon
Bellita)

Pnoy midayon ug bisita sa haya ni Bise Gov. Sanchez

Alas 9.56 miabot sa Crystal Palace sa Cosmopolitan Funeral Homes si Presidente
Benigno "Noynoy" Aquino pagbisita sa haya ni Bise Gobernador Greg Sanchez.

Uban sa presidente ang pango sa Liberal Party sa Sugbo Junjun Davide, Cebu City
Mayor Michael rama, Mandaue City Mayor Jonas Cortes ug si Senador Mar Roxas.

Lakip sa miubay sa presidente sila si Kongresista Luigi Quisumbing, Kongresista
Benhur Salimbangon ug Tuburan Municipal Mayor Democrito Diamante.

Kamagwangan anak sa Bise Gobernador Gresilda "Gigi" Sanchez-Zaballero maoy
mihangop sa presidente.

Mediritso si Pnoy sa haya sa Bise Gobernador ug dayon misulod sa privadong
kwarto diin iyang nakauban ug nahinabi ang pamilyang Sanchez.

Si Zaballero pormal nga mitugyan sa Presidente sa sulat sa iyang amahan nga wala
kapirmahi sa Bise Gobernador ug ubang dokumento sa mga nag-ong-ong nga proyekto
sa namatay nga opisyal.

Lakip sa nahatag sa anak ang mga dokumento sa kontrobersiyal Balili isyu.

Matud ni Zaballero walay gipasalig ang presidente apan misaad sa pagsusi sa mga
punto ug isyu nga gipaabot sa Bise gobernador sa iyang atensiyon. 

14 minutos lang ang pagbisita sa Presidente sa haya ni sanchez nga mibiya sab
dayon sa Crystal Palace.(Marlon Bellita)

Presyo sa krudo misaka og peso

Misaka ug peso matag litro ang presyo sa krudo.

Mga pump boy sa Petron gasoline station sa North Reclamation sa Siyudad sa
Mandae mitug-an nga udto pa silang mipaumento sa miaging adlaw.

Gikan sa 47.55 nahimo nang 48.55 ang matag litro sa krudo.

Gawas sa Petron Gasoline station duha ka gagmay nga kompaniya sa lana
nagpaumento sab sa presyo.

Ang Jitti ug Total gasoline station mipasaka sab ug peso sa ilang presyo.

Pump boy sa Jitti gasoline station nangangkon nga giusab lang nila ang presyo sa
karatola apan pabilin pang 47.50 ang ilang baligya sa publiko.  (Marlon
Bellita) 

Pipila ka bahin sa Mindanao gitay-og og linog

Pipila ka pag tay-og ang nasinati sa nagkadaiyang bahin sa Mindanao
karong adlawa.
Ang Philippine Institute of Volcanology and Seismology kon PHILVOCS
miingon nga 4.6 magnitutde ang mitay-og sa Jabonga Agusan del Norte
alas 11:46 sa buntag.

Samtang intensity 4 ang nasinati didto sa Mainit Surigao del Norte ug
intensity 3 nasinati didto sa Surigao ug sa dakbayan sa Butuan.

Kaganihang kaadlawon nasinati sab ang 2.7 magnitude sa dakbayan sa Dipolog.

Wa hinooy gikareport nga mga casualties ug mga aftershocks.(June Berongan)

Closure order sa golf academy gitabonan

Dali dali nga gilangkat sa koreana nga nagbantay sa Cebu Golf Academy ang
gitabon sa closure order nga gipapilit sa ilang establishemento.

Dihang nibalik pagsusi ang legal team sa Dakbayan sa Mandaue kon mihunong ba ang
operasyon sa golf course human gipasirad-an.

Gipahimangnoan lang hinoon ang mga tagdumala nga dili na tabunan ang notisya
human usab makompermar sa grupo ni Atty. James Calipayan nga gihunong gyud ang
operasyon.

Ang golf course gireklamo sa mga mulopyo sa Banilad tungod kay dunay mga bola
nga molosot og motogpa sa mga kabalayan.

Usa ka tuig nga nag-operate ang golf course nga walay permit human girevoke ang
ilang permiso sa tuig 2009  tungod sa reklamo.  (Marlon Bellita)

14 ka mga tindahan gisirad-an sa Mandaue

14 ka mga establishemento ang giisyuhan og closure order sa Dakbayan sa Mandaue
sa may dalan M.C. Briones.

Si Atty. James Calipayan maoy nango pagpatuman sa closure order ganihang buntag.

Walay apektado nga mibabag apan wala sad kapugngi ang pagpadayag sa ilang
sentimento nga nagdudang gisentro sila sa implementasyon tungod sa kontrobersiya
sa luna.

Usa sa mulopyo nga si Benita Daniel nagduda nga ang kaso sa luna nga ilang
nahimutangan batok sa pamilyang King maoy hinungdan nga gisigingsiging sila
karon sa Dakbayan.

Apan matud ni Calipayan dili tinuod nga gisentro lang nila ang mga gagmay nga
tindahan.

Gani matud ni Calipayan usa sa ilang gipasirad-an ang Cebu Golf Academy sa
Banilad nga gireklamo sab sa mga molopyo.

Duna hinooy kahigayonan ang mga nasirad-an nga mangable pag-usab kon ilang
mahikay ang ilang permit.  (Marlon Bellita)

LTO manakop nag taxi nga wala pa marecalibrate

Giplano na sa Land Tansporation Office ang pagpanakop na sa mga taxi nga wala
magparecalibrate sa LTFRB.

Atol sa tigom sa LTO, LTFRB ug CITOM alang sa pagpangandam sa Road Safety Month
nadesisyonan nga molusad na og operasyon ang ahensiya karong semanaha.

Matud ni LTO Regional Director Raul Aguilos makig-alayon sila sa kapolisan alang
sa operasyon.

Sa iyang bahin matud ni LTFRB Regional Director Ahmed Cuison dunay 4,945 ka mga
taxi ang narecalibrate.

Nagpasabot ni nga duna pay usa ka libo ka mga taxi nga pabiling kulorom kon
basehan ang data sa ahensiya nga dunay narehistrong 6,050 ka mga taxi.

Ang naulahi pagparecalibrate sa LTFRB makamulta na og 5 mil pesos og patong nga
125 pesos matag semana.  (Marlon Bellita)

Water works sa Manipis giplano na sa Siyudad

Pagtukod og water works sa Barangay Manipis gisugdan na pagtuon sa kagamhanan sa
Dakbayan sa Talisay.

Matud ni Kapitan Renato Manayon nagpaabot na lang sila nga mohimo og inspection
ang mga enheniyero sa Dakbayan alang sa program of works sa proyekto.

Sa Sitio Campinsa giplanohan nga magtukod og atabay aron mao nay mosupply og
tubig sa mga mulopyo sa Barangay.

Kon mapatuman na ang proyekto gipaabot nga dili na maglisod ang mga mulopyo sa
supply sa tubig bisan kon dunay huwaw.  (Marlon Bellita)

Tinubdan sa tubig sa Manipis nihinay

Miminus na ang supply sa tubig sa mga tubod sa Barangay Manipis bukirang bahin
sa Dakbayan sa Talisay.

Naapektahan matud ni Kapitan Renato Manayon sa grabeng init nga nasinati sa
nanglabayng mga adlaw.

Matud sa Kapitan igo pa hinoon nga magamit sa iyang mga mulopyo ang tinubdan
apan posebling magkuwang na kon magdugay pa ang kainit.

Ang Barangay Manipis nagsalig lang sa supply sa ilang tubig sa mga tinubdan sa
sapa. (Marlon Bellita)

Mga opisyal sa Comelec sa Kabisay-an ug Mindanao ania sa Sugbo

Gitapos karong adlawa ang duha ka adlaw nga panagtigum sa mga opiysal
sa Comelec sa Kabisay-an ug Mindanao.

Tuyo sa kalihokan mao ang pag umol og mga programa sa mosunod nga lima ka tuig.

Ang Asst. Regional Director sa Comelec 7 Atty. Veronico Petalcoren
miingon nga mahinungdanon ang papel sa mga opisyal sa comelec sa pag
umol sa mga programa.

Gituki sab ang mga balaud nga gikinahanglang usbon aron mas epektibo
pa ang maong ahensya sa pagpatuman sa hapsay ug limpyo nga piniliay.
(June Berongan).

Pag atake sa mga terorista sa Central Visayas gipakaminus sa kasundalohan

Gamay ang kahigayonan sa pagpangatake sa mga terorista dinhi sa
Central Visayas human sa kamatyon ni Osama Bin Laden.

Ang tigpamaba sa Central Command Lt. Col. Christopher Tampus miingon
nga way mga teroristang grupo nga nagbase dinhi sa sugbo.

 Apan kapolisan sa rehiyon 7 di mokompyansa sa report hinoon mipahugot
pa sa pagbantay sa mga vital installations ug sa mga lugar nga
tapukanan sa katawhan.

Samtang  gipahugtan na sab sa Bureau of Immigration ang pagbantay sa
mga langyaw nga moabut sa tugpahanan sa Mactan.(June Berongan).

Operasyon sa talisay Police Station bag-o na

Dili na ang desk officer maoy motubag sa mga tawag sa telepono nga maoy naandan
sa buhatan sa kapolisan.

Giusab ni OIC Chief Eddie Ricamara ang pamaagi nga iyang gihulagway nga
mas epektibo.

Ang operator na sa communication center sa estasyon mao nay motubag og mao nay
modeploy sa mga polis pagrespondi.

Matud ni Ricamara makaiban ni sa kalangay pagrespondi og mga alarma.

Gihulagway sab sa opisyal nga makatabang ni sa desk officer nga makasentro sa
iyang pagtagad sa mga reklamo.  (Marlon Bellita) 

Suspetsado ni Po1 Manggubat ipagukod sa hepe

Ang pagdakop buhi man o patay sa nagpatay ni Po1 William Manggubat usa sa hagit
sa konseho sa bag-ong hepe sa Talisay.

Miangkon si Chief Inspector Eddie Ricamara nga usa ni sa hangyo ni Bise Mayor
Alan Bucao.

Bisan og wala kini magikan sa mayor matud ni Ricamara duna na siyay plano sa
kaso.

Nagtuo si Ricamara nga ang mga gikatahapan mobalik ra sa Sitio kawatan ubos sa
taytayn sa Mananga.

Matud ni Ricamara usa ni sa buot niyang lamposon ining iyang pagdumala sa
kapolisan sa Talisay.  (Marlon Bellita)

Konseho sa Talisay mag-obserbar sa bag-ong hepe

Obserbahan sa konseho sa Dakbayan sa Talisay ang labok sa bag-ong OIC Chief sa
kapolisan Chief Inspector Eddie Ricamara.

Si Ricamara pormal nga miatubang sa mga opisyal sa Siyudad kagahapon pagpahibalo
sa iyang pag-asumer isip bag-ong hepe sa Talisay.

Matud ni Bise Mayor Alan Bucao dili pa siya makabasa sa abilidad ni Ricamara.

Apan kon magpakita og maayong trabaho makapaabot kini sa sinto porsiyento nga
suporta sa kagamhanan.  (Marlon Bellita)

Mayor Rama nanumpa na isip pangulo sa RDC

Pormal nang naumpa karong hapon si Cebu City Mayor Michael Rama isip bag-ong pangulo sa Regional Development Council kon RDC.

 

Si Rama gikuyogan sa iyang mga anak nga sila  Mikel ug Michelin ug ang iyang ig-agaw nga si Anabelle Rama.

 

Ang mayor sa dakbayan sa sugbo gitudlo isip chairman sa RDC niadtong Marso 31 hulip kang Negros Oriental Governor Augustin Percdices nga namatay sa stomach cancer. (June Berongan)

 

 

 

Usbaw sa presyo sa lana gipatuman

 

Nakalitan ang mga motorista karong buntag sa dihang gipatuman sa mga oil companies ang dakong usbaw sa presyo sa lana.

Piso ug kuarenta sentabos ang gipatuman nga usbaw sa gasolina sa Pilipinas Shell ug Petron.

Walay pasiunang pahibalo nga giluwatan ang duha ka higanteng kompaniya sa lana.

Ang usbaw nisunod sa pagpatuman sa Shell sa usbaw sa presyo sa LPG gahapon.

Hangtod karong mga orasa, walay pay abiso ang Petron hangtod karong orasa.

(June Perez) 

 

Hollywood film sa kinabuhi ni Osama Bin Ladin

Giandam na ang pelikula sa kinabuhi ni Osama Bin Ladin.

Award winning direktor miandam na sa pagshoot sa pelikula.

Si Kathryn Begilow, moapil sa pelikula sa covert operation sa US Navy seal nga niresulta sa pagkapatay ni Bin ladin.

(June Perez)

Dakong usbaw sa presyo sa lana gipatuman

Nakalitan ang mga motorista karong buntag sa dihang gipatuman sa mga oil companies ang dakong usbaw sa presyo sa lana.

Piso ug kuarenta sentabos ang gipatuman nga usbaw sa gasolina sa Petron ug Pilipinas Shell.

Walay pasiunang pahibalo nga giluwatan ang duha ka higanteng kompaniya sa lana.

Ang usbaw nisunod sa pagpatuman sa Shell sa usbaw sa presyo sa LPG gahapon.

Hangtod karong mga orasa, walay pay abiso ang Chevron, ang kanhi Caltex.

(June Perez) 

Lolo Gipusil Patay

Naglingkod lamang sa gawas sa iyang panimay si Anaclito Abaquita sa dihang gipusil sa may Sitio San Isidro sa Brgy. Bulacao sa Dakbayan sa Sugbo. Nagmotorsiklong lalaki ang namusil sa ulo ni Abaquita. Matud sa anak sa biktima way kaaway iyang amahan. Apan mga silingan ni Abaquita nagduda nga may kalambigitan sa iyang pagpamaligya og mga manok igtatatri ang krimen.  (RC Dalaguit)

Staff ni Sanchez Hashasan

Posibleng adunay mataktak o mapabilin sa mga staff sa mitaliwang Bise Gobernador Sanchez. Kini subay sa ipahigayon nga evaluation sa muhulip si Sanchez nga si BM Agnes Magpale. Adunay 62 ka mga posisyon ubos sa Office of the Vice Governor.  (RC Dalaguit)

Necrological Service Alang kang Sanchez

Gipasiugdahan sa Sangguniang Panlalawigan ang Necrological service alang kang Bise Gobernador Greg Sanchez. Mga kanhi bise gobernador, Atty Democrito Barcenas ug Enrique Rama, ang mihatag og mensahe uban sa pipila ka mga sakop sa SP.   Gikalipay sa mga anak ni Sanchez ang maayong nga butang nga ilang nadungog kabahin sa ilang amahan.  (RC Dalaguit)

Staff ni Sanchez Hashasan

Posibleng adunay mataktak o mapabilin sa mga staff sa mitaliwang Bise Gobernador Sanchez. Kini subay sa ipahigayon nga evaluation sa muhulip si Sanchez nga si BM Agnes Magpale. Adunay 62 ka mga posisyon ubos sa Office of the Vice Governor.  (RC Dalaguit)

Katumanan sa Tran-axial Higway Gihandum

Giisip sa mga anak ni Bise Gobernador Greg Sanchez nga legacy sa ilang amahan ang proyekto sa Trans-axial Highway. Matud ni Grecilda "Gigi" Zaballero nga ang ilang banay hugot nga mu-monitor sa proyekto, nga gihingusdan sa ilang amahan. Nagtuo si Zaballero nga dako ang matabang niini sa mga kabus nga makapahimus sa Trans-axial Highway.  (RC Dalaguit)

Pangaliya ni John Paul II

Ang mga Sugbuanon makapatabang na karon ni Beato John Paul II sa ilang pangaliya.

Kini tungod kay giisip na siyang duol sa Diyos ug makatubag na sa mga petisyon.

Giawhag ni Cebu Archbishop Jose Palma ang mga Katoliko pagsunod sa mga mithi sa Beato.

Labi na sa iyang pag-debosyon ni Birhen Maria.  (Leo Lastimosa)

Sugbo Mopasidungog ni John Paul II

Giawhag sa mga Sugbuanon nga usbon ang ngan sa IT Park sa Apas, Cebu City.

Kini aron mapasidunggan si Beato Juan Pablo Dos nga nakamisa sa IT Park.

Si Cebu City Mayor Mike Rama nagplanong ang Juan Luna Avenue sa Mabolo maoy nganlan og John Paul II.

Ang dan maoy gisubay sa prosesyon sa Beato paingon sa IT Park nga Lahug airport niadto.  (Leo Lastimosa)

Kapamilya Job Fair sa Buhisan

Mga molupyo sa Buhisan, Cebu City maoy duolon sa gatosan ka trabaho.

Ang Kapamilya Job Fair himuon sa Buhisan tibuok adlaw karong Sabado, Mayo 7.

Matod ni DMDP Head Fidel Magno may mga trabaho bisan alang sa high school graduates.

Hinugpong nga proyekto sa DMDP Cebu City ug DYAB Abante Pa, Bisaya!  (Leo Lastimosa)

Kapamilya Operation Tuli

Hangtod 300 ka mga bata ang libreng matuli karong Sabado, Mayo 7.

Ang Kapamilya Operation Tuli himuon sa Eversley Childs Sanitarium, Jagobiao, Mandaue sugod alas-6 sa buntag.

Hinugpong ning proyekto sa Lions Club ug ABS-CBN Cebu.

Kabahin sa libreng tuli makita live sa Halad sa Kapamilya sa Channel 3 sugod alas-7 sa buntag.  (Leo Lastimosa)

Kapamilya Job Fair sa Moalboal

Kaliboan ka trabaho ang maaplayan sa mga molupyo sa Moalboal ug kasilinganang kalungsoran.

Ang Kapamilya Local ug Overseas Job Fair himuon sa Moalboal Covered Court.

Tibuok adlaw karong Sabado, Mayo 7, himuon ang kalihokan.

Hinugpong ning proyekto sa Munisipyo sa Moalboal ug DYAB Abante Pa, Bisaya!  (Leo Lastimosa)

Way Areglo sa mga Durano

Madayon ang paghusay sa kasong sibil sa managsuong Durano.

Nagdumili silang Mayor Ramon Durano Jr. ug Bise Mayor Ramon Durano III pag-areglo sa kaso.

Nipasangil si Durano Jr. nga gustong ilugon ni Durano III ang iyang gahom.

Nisumbalik si Durano III nga giduphan ni Durano Jr. ang ilegal nga kalihokan sa Danao.  (Leo Lastimosa)

Subsidy sa Tricycle Drivers Hapit Na

Mahatag na karong buwana ang fuel subsidy alang sa tricycle drivers.

Nipasalig si DILG 7 Director Pedro Noval nga moabot nang kuwarta gikan sa ilang ulohang buhatan sa di madugay.

Ang LGUs mosumiter sa listahan sa ilang tricycle franchisees.

P150 ang madawat sa matag tricycle driver.  (Leo Lastimosa)

Lalaki nagbisiklita napusilan

Napusilan sa paa ang usa ka Alemar Abarquez, 28 anyos taga Cansojong samtang
nagsakay sa iyang bisiklita subay sa South Coastal Road sa Dakbayan sa talisay
1:30 ang takna ganihang kadlawn.

2 ka mga lalaki ang gidudahan sa biktima nga nagpusil niya apan wala siya
makaila ug makatumbok sa motibo sa pagpamusil.

Nagtoo ang kapolisan nga gipareglahan lang ang biktima.

Padayon ron ang pakisusi sa kapolisan pag-ila sa mga reponsable samtang luwas
hinoon ang biktima nga nadala sa Talisay District Hospital.(Marlon Bellita)

Bata nalumos sa Talisay

Wala na maluwas dihang napalgan ang 6 anyos nga si Anthony Aro, taga Belgium
Pasil sa Siyudad sa Sugbo sa baybayon sa Fernandez Beach Resort sa Pobalcion
Dakbyaan sa Talisay gahapon sa hapon.

Ang bata kasamtangang nakigdula sa iyang mga igsoon samtang naligo sa dagat
dihang kalit lang nawala.

Nasindolan ang bata sa taga hawak nga giladmon sa dagat apan ulahi na.

Gisuwayan pagluwas sa mga sakop sa life guard ang bata apan gideklarar kini nga
dead on arrival pag-abot sa Talisay District Hospital.(Marlon Bellita)

Mag-ampo Ngadto kang Blessed JP2- Palma

Giawhag ni Cebu Archbishop Jose Palma ang mga sugbuanon nga magsugod na sa pag-ampo ngadto kang Blessed John Paul II. Matud ni Palma angay nga himuon usab sa mga sugbuanon nga inspirasyon ang kinabuhi ni Blessed John Paul II nga pagka-maampuon niini. Siya ang nangulo sa gatusan ka mga niselebrar sa Archbishop Palace sa pagka-Beato ni John Paul II. (RC Dalaguit)

Kalihukan sa Labor Day sa Sugbu Nagmalinawon

Gisalmutan sa mga sakop sa mga militanteng pundok ug mga labor groups sa sugbu ang pagmartsa sa kadalanan ang pagtimaan sa Labor Day.
Subli nilang gipadayag ang ilang kasagmuyo sa way katumanan nilang gipangayo nga usbaw sa suhulan ug pipila ka mga katungod sa mga mamumuo.
Sa buntag, kapin sa usa ka libo ka mga sakop sa mga miltanteng pundok nagmartsa gikan sa uptown area padung sa downtown, samtang pagkahapon nangulo ang labor group nga ALU-TUCP sa partmartsa sa kadalanan uban ang kapin sa 3mil ka mga tawo.
Gihulagway hinuon sa kapulisan nga nagmalinawon ang kalihukan sa Adlaw sa Pamuo. (RC Dalaguit)

Archdiocese of Cebu Niselebrar sa Pagka-Beato ni JP2

Nihalad og mga pag-ampo ang mga sugbunaon human sa pagdeklarar kang Pope John Paul II nga beato. Gipanguluhan si Archbishop Jose Palma ang pagprosisyon sa mga hulagway nila ni Birhen Maria ug Beato Pedro Calungsod ug gibutang ni atubangan sa monumento ni Blessed John Paul II sa Archbishop Palace. Human niini gibasa ang kinabuhi Blessed John Paul II ug gilitok ang rosaryo. (RC Dalaguit)

Pope John Paul II Beato Na

Nagkaduol na nga mahimong Santo si Pope John Paul II human siya nga giproklamar ni Pope Benedict XVI nga Beato atubangan sa bagang katawhan sa St Peter's Square sa Vatican City
Gikatakda nga matag Oktubre 22 sa Roma ug sa dioceses sa Poland maoy kapistahan sa pagkahimong niyang Blessed John Paul II. (RC Dalaguit)

Nagpadayon karon ang mga job fair sa abellana national school ug sa CICC.

Gilangaw ang gipahigayon nga job fair sa goberno karong adlawa atol sa pagtimaan sa ika 125 nga kasaulogan sa labor day.

Kaliboan ka mga kahigayonan sa pagpangimpleyo ang maaplayan sa nagpadayon karon nga job fair sa duha ka mga dapit sa metro cebu.

(Najib M. Cubio)

Kapulisan sa dakbayan sa sugbo alerto na nunut sa pag arangkada na sa mga lihok protesta pagtimaan sa labor day.

Gipaubos na sa alert status ang tanan nga mga pulis sa dakbayan sa sugbo karong adlawa aron sa pagmintinar sa kahapsay ug kalinaw taliwa sa mga kalihokan karong adlawa.

Ang pangu sa kapulisan sa dakbayan sa sugbo P/Sr. Supt. Ramon Melvin Buenafe nimando na sa iyang mga sakop nga nuntan ang kalihokan sa mga demonstrador samtang maximum tolerance ang gisagop karon sa kapulisan sa pagbantay sa mga demonstrasyon.

(Najib M. Cubio)

Mga militanteng pundok sa sugbo nagsugod na sa ilang mga kalihokan pagtimaan sa labor day karong adlawa.

Nagsugod na karong mga orasa sa pagmartsa ang mga militanting grupo dinhi sa sugbo aron sa pagpanukad sa ilang mga kalihokan sa pagtimaan sa ika 125 mga kasaulogan sa adlaw sa mga mamumuo.

Si Jaime Paglinawan sa grupo nga Bayan niingon nga kapin sa usa ka libo ka mga raliyesta ang musalmot sa lihok protesta karong adlawa.

Suma pa ni Paglinawan nga gikan sa fuente osmena rotunda magmartsa ang mga militanting grupo paingon sa kinapusoran sa dakbayan sa sugbo.

Ang dan colon maoy dapit nga pahigayon nila sa ilang programa aron sa pagpasibaw sa ilang dakong kadismaya sa administrasyon ni Pres. Aquino.

Hantod karong alas 12 sa udto lamang kutob ang mga kalihokan nila alang sa labor day.

(Najib M. Cubio)

Pres. Aquino nisaad nga ipadali ang pag aksyon sa mga petisyon sa usbaw sa suholan.

Gisaad ni Pres. Noynoy Aquino nga ipadali ang pag aksyon sa mga petisyon sa usbaw sa minimum nga suholan nga gisang at sa mga reg'l. wage board.

Ang mensahe ni Pres. Aquino sa mga mamumuo karong labor day, iyang gipaniguro nga wa niya pasagdi ang sector sa mga trabahante.

Matod ni Pres. Aquino nga iyang gihimo ang tanan aron nga makamugna ug daghan nga mga trabaho taliwa niining nagkasaka nga unemployment rate sa nasud.

(Najib M. Cubio)