Mopahigayon na usab og laing Business Plan Making Seminar ang USC-Kapamilya Negosyo Na.
Pagahimoon kini ugma--Martes, Hunyo 28, tibook adlaw sulod sa USC-Law and Business School building sa Pelaez St., sa dakbayan sa Sugbo.
Ang registration magsugod alas otso sa buntag ug molungtad kini tibook adlaw. Libre ang seminar apan gidasig ang tanan nga mosalmot sa pagdala sa ilang kaugalingong pagkaon.
Ang seminar tambongan usab sa mga differently-abled persons nunot sa pakigbulig sa buhatan ni Sixth District Provincial Board Member Arleigh Sitoy.
Ang seminar kabahin sa kasaulogan sa 16th Anniversary sa DyAB samtang ang USC-KNN padayon pa usab sa pagpili kinsa ang maglangkob sa regular season karong tuiga.
