Pasahero sa Taxi Gitulis sa Drayber

Naalarma na ang kapulisan niining laing kaso na usab diin taxi driver ang miunay sa pagpanulis sa iyang pasahero. Sa dakbayan sa Sugbu, mitala na og tulo ka mga kaso sa mahaglahing istilo. Usa ka kaso diin ang drayber dunay duha ka kunsabo, samtang ning uwahi, ang drayber mismo ang nition og pistula ug mitulis sa iyang pasahero. Sa tulo ka insedente, ang mga drayber ang nidala sa iyang pasahero sa ngitngit nga lugar sa North Reclamation ug didto nahitabo ang pagpanulis. (RC Dalaguit)

Hepe sa TRS Pormal nga Mutubag sa Pasangil

Musimitir na si Chief Inspector Bonifacio Garciano sa iyang pormal nga tubag ngadto kang Mayor Michael Rama inig Lunes kalabot sa kontrobersiya sa mahalon nga bracelet. Gipaimbestigar ni Rama si Garciano kalabot sa pasangil nga paglukat ug pagkostudiya niini sa mahalaon nga gold bracelet nga nakit-an gikan sa mga hinabang nga mga sinena.
Depensa ni Garciano nga sayop ang nakuhang impormasyon sa mayor, ug nga wa siyay dautang motibo sa pagkustudiya sa pulseras.

Trabaho alang sa OFW Dependents

Nitanyag og trabaho ang Philippine Employment Administartion POEA sa mga dependents sa mga OFWs nga naapiki sa Libya. Matud ni POEA adminstrator Carlos Cao nga kini maoy temporaryong pagtabang sa mga anak sa mga OFWs nga nahibalik dinhi sa nasud.
Ang mga aplikante mamahimong mubisita sa central office sa POEA sa Mandaluyong o ba kaha sa mga rehiyonal nga mga buhatan. Mamahimo usab nga pinaagi sa www.poea.gov.ph.(RC Dalaguit)

Trabaho alang sa OFW dependents

Nitanyag og trabaho ang Philippine Employment Administartion POEA sa mga dependents sa mga OFWs nga naapiki sa Libya. Matud ni POEA adminstrator Carlos Cao nga kini maoy temporaryong pagtabang sa mga anak sa mga OFWs nga nahibalik dinhi sa nasud.
Ang mga aplikante mamahimong mubisita sa central office sa POEA sa Mandaluyong o ba kaha sa mga rehiyonal nga mga buhatan. Mamahimo usab nga pinaagi sa www.poea.gov.ph.(RC Dalaguit)

KAPULISAN IPABAHA NA SA MGA PANTALAN UG MGA TERMINAL SA SUGBO SUGOD KARONG ADLAWA.

pipila ka takna gikan karon pormal nang buksan ang laing hugna sa kapamilya lokal job fair sa brgy. bulacao sa dakbayan sa sugbo.

nagsugod na sa pagdasok ang mga pasahero sa mga terminal ug mga ticketing office sa mga barko karong adlawa.

Alternative fuel gamit na sa MRF sa Naga

Sa pagbisita sa mga sakop sa media sa privadong Material Recovery Facility sa
Siyudad sa Naga naabtan sa grupo ang usa ka truck load sa alternativeuel.

Ang row matarial sa giyawag og refuse derive fuel o residual waste gigamit na
matud sa presidente sa FDR Paul Rebalde sa usa ka kompaniya.

Wala isalikway ni Rebalde nga kung mudako na ang ilang operasyon mahimong
magikan sab sa basura ang alternatibogn enerhiya nga magamit sab mga dagkong
kompaniya.(Marlon Bellita)

No segregation no collection ipatuman sab sa Talisay

Matud sa chairman sa committe on environment sa Talisay City council Bernard
Odilao mapugos sila pagsunod sa palisiya nga gipatuman sa Siyudad sa Sugbo kon
magmagahi sab pagtuman sa balaod ang Talisaynon.

Karong buwan sa Hunyo ipatuman sa hingpit sa Dakbyan sa Talisay ang garbage
segregation law.

Ubos sa balaod sa panimalay pa lang kinahanglang bahinon na ang mga klase sa
basura.

Matud ni Odilao nga kon dili moabag ang publiko mapakyas gihapon ang tumong sa
pagbutang unya og mga material recovery facility sa matag barangay.(Marlon
Bellita)

FISECA magbantay sa easter sunday

Ang pumboat sa Fiseca sa Siyudad sa Talisay maoy magbantay sa gipaabot nga
liboan ka mga mangaligo sa kadagatan sa Siyudad atol sa pasko sa pagkabanhaw.

Si Talisay City Councilor Bernard Odilao mibutyag nga abag ni sa mga lifeguard
nga ipakatap sab atol sa maong adlaw.

Buot ni Odilao nga maabagan ang siguridad sa mga mangaligo.

Si Bise Mayor Alan Bucao sa iyang bahin miawhag sa mga mangaligo nga magbantay
gyud aron paglikay sa disgrasya.(Marlon Bellita)

MRF sa Dakbayan sa Naga gamit na sab sa Minglanilla

Duna nay naumol nga kasabutan ang FDR Company ug ang Lungsod sa Minglanilla sa
paghipos sa basura sa lungsod.

Ang presidente sa kompaniya nga nagduma sa paghipos sa basura sa Siyduad sa Naga
Paul Rebalde mikompermar nga nagsugod na sa sila sa paghipos sa basura sa
merkado sa Lungsod.

Hinoon karon pang Abril 25 ang hingpit na gyud nga pagduma sa privadong
kompaniya paghipos sa basura sa MInglanilla.

Sa iyang bahin si Naga City Mayor Val Chiong mihangop sa maong kalamboan apan
miklaro nga iyang panid-an kon dili ba maapektahan ang serbisyo sa kompaniya sa
ilang Dakbayan.(Marlon Bellita)

mga terminal ug pantalan sa dakbayan sa sugbo gipaabot nga hugpaan sa mga pasahero sugod krng hapon.

Gag Order sa CHED 7?

PIpila ka semana sa dili pa mobukas ang laing tuig tingtungha nagpabiling tak-om ang Commission on Higher Education sa pagbutyag ug pag ila sa mga Colleges ug mga Universitiies nga mopaumento sa bayranan sa matrikula.

Usa ka kawani sa CHED 7 nga dili gustong magpaila mitug-an sa DYAB Radyo Patrol nga gipasidan-an na sila ni Dr.Amelita Biglete nga dili moluwat og bisan unsang pamahayag sa media.

Matud sa maong opsiyal nga bugtong si Biglete ra ang makahatag sa tanang kasayuran sa maong buhatan.

Apan si Bigelete kanunay'ng wa sa buhatan ug giingong kanunay'ng motambong sa mga kalihokan sa ilang ulohang buhatan.

Gihulagway sa mga kawani sa CHED7 nga lahi si Biglete itandi sa mga nangaging director nga mihatag og pagsalig sa mga Education Supervisors sa paghatag og kasayuran sa tagsa tagsa nila ka mga gimbuhaton ngadto sa mga sakop sa media.(June Berongan)

12 ka mga Private Schools sa dakbayan sa sugbo mopaumento sa bayranan sa pagbukas sa klase

Miabut og 12 ka mga Private Schools sa dakbayan sa sugbo ang mipahibawo sa pagkolekta og mas taas nga bayranan sa pagbukas sa klase karong hunyo.

Ang Cebu City Division sa Department of Education miila sa mga tunghaan nga mao ang Athenaeum International School, Evangelical Freechild Development Center, Inc., Colegio de la Immaculada Concepcion, Maranatha Christian Academy, Maria Montessori International School, St. Paul College foundation, Inc., CBD, CIT-University, Mabolo Christian Academy, Cebu Cherish School, Word of Life Christian Academy ug Demedex Catholic School.

Ang Cebu City Asst. Schools Division Superintendent Dr. Sal Jimenez mingon nga ang maong mga tunghaan nakahingpit sa mga requirements nga gipangayo sa DEPED sa wa pa ang deadline niadtong Marso 31.

Kini naglakip sa mga dokumento nga nagmatuod nga adunay konsultasyon nga gihimo ang tunghaan uban sa mga ginikanan.

Kinahanglang mapatud-an sab sa mga tunghaan nga ang 70% sa umento adto padung sa pagsaka sa suhulan sa mga magtutudlo ug ang 30% gastohon pagpalambo sa pasilidad sa mga tunghaan.(June Berongan)

95% sa mga Night High School sa dakbayan sa sugbo way mga principal

Kadaghanan sa mga Night High School sa dakbayan sa sugbo way principal sa pagbukas sa klase karong hunyo.

Si Asst. Schools Divi. Superintendent Dr. Sal Jimenez miingon nga wa malakip sa mga items sa DEPED ang mga principal alang sa Night High School tungod kay wa kini malakip sa General Approriations Act.

Gumikan niini giawhag sa DEPED ang mga sugboanong mga magbabalaud nga ilakip sa sunod budget ang pagsuhol sa mga principal.

Sa pagkakaron ang School in Charge lang una ang posisyon sa nagdumala sa mga night high school.

Giklaro hinoon niya nga mga kwalipikado ang mga gipangtudlo sa ilang ahensya tungod kay sila pulos man pasado sa pasulit alang sa pagka principal.(June Berongan)

Gidaghanon sa mga tinun-an nga mobalhin sa mga public schools gipanglantawan nga mosaka

Gipaabut nga moburot ang gidaghanon sa mga tinun-an gikan sa mga private schools nga mobalhin sa mga public schools tungod pagsaka sa tuition fee sa pagbukas sa klase karong hunyo.

Ang Asst.Schools Division Superintendent Dr. Salostiano Jimenez miingon nga DEPED andam sa pagsawo sa mga tinun-an nga mopa enroll sa mga public schools sa sunod buwan.

Giangkon hinoon ni Jimenez nga posibling modaku ang suliran sa kakuwang sa mga libro ug mga lingkoranan tungd sa gipaabut nga pagsaka sa gidaghanon sa mga transferees.

Gipaabut nga mosaka sab ang student-teacher ratio karong tuiga.

Sa bag-ong lang natapos nga school year ang DEPED mitala og 1:32 o usa ka magtutudlo matag 32 ka mga tinun-an lukop nasud.(June Berongan).

Lagda sa Trapiko hugot nga ipatuman sa Semana Santa

Subling gipasidan-an sa Land Transportation Office kon LTO ang mga drivers sa mga sakyanan de pasaheroan nga motuman sa tanang lagda sa pagpasakay sa mga pasahero nga mamauli alang sa pagbalaan sa semana santa.

Si LTO7 Regional Director Raul Aguilos mipahibawo sa pagpakatap og mga enforcers ug mga deputized agents sa mga terminal ug mga highways pagsiguro nga way overloading sa mga Buses nga mohakot sa mga pasahero padung nagkadaiyang dapit sa probinsya sa sugbo.

Magbutang sab og mga "Help Desk" ang LTO pagsiguro nga may kadangpan ang mga pasahero sa bisan unsang problema nga motumaw.

Dugang ni Aguilos nga kadaghanan sa mga reklamo matag tuig nga ilang madawat mao ang overcharging ug overloading.

Dakpon sab ang mga drivers nga mobyahi "out of line" kon way permit gikan sa LTFRB. (June Berongan)

Pahibalo

Gipahibawo ang lubong ni Po2 Ivan Rey Juarez karong Lunes Santo.

Ang misa rekim himoom alas 10 sa buntag sa Santa Teresa de Avila og isunod dayon
ang lubong sa sam-an sa Poblacion sa Talisay.

Gihangyo sa pamilyang juarez ang mga pulong pag-ampo alang sa hingpit nga
kapahulayan sa namatay.(Marlon Bellita

Mga life saver tapukon sa Easter Sunday

Mga life guard ipakatap sa kabaybayonan sa Dakbayan sa Talisay atol sa pasko sa
pagkabanhaw.

Matud ni Bise Mayor Alan Bucao dunay mga lifeguard nga gisweldohan ang Siyudad
nga maoy tahasan unya sa pagpakatap sa mga lifesaver aron pagbantay sa mga
mangaligo sa dagat.

Gipaabot dagsaon sa liboan ka mga mangaligoay og dagat ang kabaybayonan sa
Talisay sa easter sunday.

Ang Bise Mayor miawhag sa mga ginikanan og sa individual nga magbinantayon sa
pagkaligo sa dagat.(Marlon Bellita)

Umento sa tricycle ipatuman na

Apan giklaro ni Bise Mayor Alan Bucao sa Talisay nga duna gyuy kopya sa
ordinansa ang tanang mga tricycle nga makapahimos sa umento.

Sa dili pa hingpit matapos ang buwan sa abril ang implementasyon sa peso nga
umento.

Mikompermar hinoon si Bucao nga duna nay mga pasahero nga moplete na og otso
pesos nga minimum.

Apan subling gipahinumdoman ni Bucao ang mga tricycle driver nga dili pa sila
makapamugos sa umento hangtod dili pa itugot sa City of Talisay Traffic
Operation Development Authority.(Marlon Bellita)

MRF ipatuman na sa Talisay

Karong buwan sa Hunyo ang target sa sakop sa Association of Barangay Council sa
Talisay nga ipatuman na ang operasyon sa Material Recovery Facility.

Apan matud ni Kapitan Charles Basillote nga ipaubos una og semenar ang mga
barangay official aron hingpit maatiman ang proseso sa operasyon.

Sa tigom nga gihimo sa Ecological Waste Management Board mapatuman lang ang
hingpit nga segregation sa basura kon dunay MRF.(Marlon Bellita)

Puya Napalgan sa Opon

Padayon pa nag imbestigasyon sa Kapolisan sa Dakbayan sa Lapu Lapu kinsa ang way puamod nga inahan ang milabay sa puya sa bata nga iyang gisabak kagahapong adlawa didto sa Barangay Poblacion Dakbayan sa Lapu Lapu

 

Matod pa sa Kapolisan nga usa ka 9 anyos nga bata ang nakakita sa puya sa batang babae nga giputos og tualya samtang siya nagduwa. Si Doctor Roel Banson sa Lapu Lapu City Hospital mibanabana sa bata nga anaa sa upat ngadto sa lima ka buwan.Nagtuo ang kapolisan nga panahon sa kadlawon nga gilabay ang maong puya sanglit wa may nakakita ni bisan kinsa sa paglabay ini.

(Ferdinand D. Mañus)

Way Artista

Ang Chairman sa Lapu Lapu City Cultural and Historical Commission Damian Gomez mipahibaw nga dili mga artista ang modula sa papel nila ni Lapu Lapu og Magellan atol unya sa Re-enactment sa Kadaugan sa Mactan karong Abril 27

 

Matod pa ni Gomez nga ang PAGCOR kinsa mao ang niabaga sa mga talent fees sa mga artista sa nakalabayng katuigan nibalibad na karong tuiga sa pag sponsor sa mga talent fees gumikan sa austerity measures nga gipatuman sa ilang buhatan

 

 Matod pa ni Gomez nga ang moguwa nga mananaog sa Mr. Lapu Lapu karong Abril 16 mao ang modala sa papel ni Datu Lapu Lapu samtang ang modula sa papel ni Bulakna mao si Sharon Angel ang oponganon kandidata sa Binibining Pilipinas wa pa hinuon sila maka huna huna kinsa ilang padad-on sa papel ni Magellan

(Ferdinand D. Mañus)

 

 

Kapolisan sa Probinsya sa Sugbo andam na sa Semana Santa

Andam na ang kapolisan sa Probinsya sa sugbo sa pagpatunhay sa kahusay ug kalinaw sa mga dapit nga punsisukan sa katawhan atol sa pagbalaan sa semana santa.

Ang hepe sa kapolisan sa probinsya P/Sr.Supt. Patrocinio Comendador miingon nga sentro karon sa pagbantay sa kapolisan mao ang lungsod sa Minglanilla nga maoy sugat capital sa nasud ug ang lungsod sa Bantayan.

Si Comendador nakigtagbo na sa mga hepe sa kapolisan sa probinsya ilabi na sa Theft and Robbery Section alang sa pagpangandam sa pagdagsa sa mga tulisan ug mga mangunguot.

Wa na say mga polis nga gitugtang mag bakasyon atol sa semana santa pagsiguro nga mas daghan ang mga polis sa kadalanan ug mga simbahan.

Giawhag usab ni Comendador ang mga tigpasiugda og mga kalingawan nga dili lapason ang mga ordinansa sa probinsya sa sugbo sama sa pagpahigayon og mga malaw-ay nga mga pasundayag nga mogguba sa kabalaanon sa kasaulogan. (June Berongan)

Mga V-hire sa amihanng sugbo, gipasanginlang nag undercharging

Dili na Bus kontra Bus ang reklamo nga atubangon sa LTFRB sa kalapasan sa undercharging sa plitehan.

Ang Provincial Bus Operators gikatakdang moduso sa ilang reklamo ngadto sa kagamhanan sa dakbayan sa sugbo nga maoy nagpadagan sa Cebu North Bus Terminal tungod sa pasangil sa undercharging sa mga V-hire.

Matud ni Alfonso Corominas 111 nga mas daghan na ang mosakay sa mga V-hire tungod kay gawas nga mas bugnaw, hapit na masusama ang plitehan niini sa mga Buses.

Matud ni Corominas nga pamintaha ang gihimo sa mga operators ug mga drivers V-hire.

Ang GT V hire wa malakip sa naka perma sa memorandum of agreement tali sa probinsya ug sa mga Bus operators niadtong buwan sa marso.(June Berongan)

RTWPB 7 wa pay nakitang rason nga umentohan ang suholan sa mga mamumuo

Wa pay nakitang "supervening event or condition ang Regional Tripartite Wages And Productivity Board kon RTWPB nga basihanan sa pagpasaka sa suhulan sa mga mamumuo dinhi sa sugbo ug central visayas.

Atol sa tigum sa mga sakop sa Board sa nakalabay'ng gabii, dili pa sila kombensido sa pagsaka sa presyo sa lana nga maoy basihan sa deklarasyon sa "sepervening condition".

Tungod niini ang Board subling magtagbo liwas sa semana santa kon may kausaban o epekto sa ekonomiya ang padayong pagsaka sa presyo sa lana.

Ang Chairman sa Regional Wage Board Exequil Sarcauga mipasabut nga ilang gitutokan ang inflation rate nga gitakda sa Central Bank nga 5%.

Kon molapas na sa 5% ang inflation target, "moto propio" ang board mo deklarar na og supervening condition bisan pag way petesyon nga isang-at sa kahugpongan sa pamuo.

Ang deklarasyon sa supervening conditon gikinahanglan kon wala pay usa ka tuig gikan sa pagpakanaug sa bag-ong balaud sa umento sa suhulan.(June Berongan)

Laing umento sa plitehan posibling pangayoon sa mga Bus Operators sa sugbo.

Mga Bus Operators sa probinsya sa sugbo, wa na malingaw sa sunod sunod nga umento sa presyo sa lana.

Atol sa tigum sa mga Cebu Provincial Bus Operators sa miaging gabii, daghang mga operators ang mitiyabaw sa kalit ug sunod sunod nga pagsaka sa presyo sa lana.

Si Alfonso Corominas 111 miingon nga kon magpadayon ang pagsaka sa presyo sa lana sa mosunod nga mga adlaw, hayan ila nang kolektahon ang mas taas nga plitehan nga giaprobahan sa LTFRB  niadtong tuig 2008 nga P1.40.

Niadtong Marso 11, si Gobernador Gwendolyn Garcia mihangyo sa mga operators nga himoon lang P1.20 aron dili magkalisod ang mga pasahero.

Pinaagi sa Memorandum of Agreement napalig-on ang kasabutan uban sa saad nga way mag under charging nga mga buses.

Gipaabut nga magtagbo pag usab ang mga bus operators sa mosunod nga mga adlaw kon magpadayon ang pagsaka sa presyo sa lana. (June Berongan)

Regional Wage Board 7 hilum nga mibasura sa petesyon sa umento sa suholan

Wa pay nag ung-ong nga petesyon sa umento sa suholan human ibasura sa Regional Wage Board Central Visayas ang gisugyot nga 120 pesos nga umento sa suholan nga giiduso sa Alliance of Progressive Labor kon APL niadtong Pebrero 14, Valentines Day.

Si DOLE 7 Acting Regional Director ug Regional Wage Board Chairman Exequil Sarcauga miingon nga nahukman sa Board niadtong Pebrero 25 nga ibasura ang petesyon tungod sa kakuwang sa basihanan.

Matud ni Sarcauga dili pa igo ang pagsaka sa presyo sa lana nga maisip nga "supervening condition" aron aprobahan ang petesyon.

Ubos sa lagda sa kinahanglang ma himug-atan nga adunay supervening event o condition tungod kay wala pay usa ka tuig gikan sa pagpatuman sa bag-ong minimum wage law nga 185 pesos.

Gipasabut ni Sarcauga nga daghan ang basihan alang sa pagpangayo og umento sa suhulan sama sa 'target inflation" nga wa mahalakip sa patesyon.

Hinoon matud niya nga makahimo pang makasang-at og laing petesyon ang mga labor groups samtang ang Wage Board mahimong "moto propio" o bisan walay petesyon maka tuon kon angay nabang umentohan ang suhulan.

Ang pagbasura sa petesyon natigayon atol pa sa pamunoan ni kanhi DOLE 7 Director ug karon Labor Attache sa Taiwan nga si Elias Cayanong. (June Berongan)

Nangawat og motorsiklo nadakpan

Nasikop sa kapolisan sa Siyudad sa Toledo sila si Rommel Bacalso ug Junrey
Canete dihang nagduda ang mga mulopyo sa Cantabaco sa ilang mga linihokan.

Usa ka Iweng Mandaue nga giingong kauban sa 2 ka suspetsado nakasibat hinoon.

Dala ang motorsiklo nga kinawat nabuking ang duha sa ilang atraso dihang
napakyas pagpakita og mga dukomento nga ilang ang motorsiklo.

Sa pagpanubay sa kapolisan nakompirmar nga kinawat ang motor sa Inayawan sa
Siyudad sa Sugbo ganihang kadlawn.

Giila ang tag-iya sa motor nga si Deme Paquiao nga bag-o lang pud naka pablotter
sa insedente sa Pardo Police Station.

Ang hepe sa Toledo Police Station Chief Inspector Jovito Canlapan nagsusi ron
kon duna bay mga prendahanan og motor sa ilang hurisdiksiyon.(Marlon Bellita)

Talisay City Fire Department nitubag og alarma sa sunog sa may SRP karong hapon

Usa ka alarma sa sunog ang gitubag sa mga kabomberohan sa siyudad sa talisay didto sa SRP

 

Alas 2:20 karong hapon nadawat sa kabomberohan ang alarma

 

Hinuon matod sa kabomberohan under control na ang sunog

 

Wa pa matino kon usa ba ka panimay ang nasunog (Juve Villar)    

Hagit ni Palma

Nagpakabana nga mga Katoliko nihagit ni Arsobispo Jose Palma sa hingpit nga pagpahamtang sa balaod batok sa nakasa nga mga pari.

Kini human nangayo og pasaylo si Palma sa kasaypanan nga nahimo sa mga pari dinhi sa Sugbo.

Gitumbok sa nangangkon nga mga biktima nga di mahimong pasayluon lang ang mga pari nga nanglugos ug nagbinastos sa kababayen-an, labi na sa kabataan.

Giawhag nila si Palma sa pagbakwi sa pagdupa ni kanhi arsobispo Ricardo Kardinal Vidal sa masalaypong mga pari.  (Leo Lastimosa)

3 ka Lalake Nakuha-an og Drogas

Nagmalampuson ang gipahigayon nga buybust operation sa Kapolisan sa Dakbayan sa Mandaue gabii didto sa Sitio Pilapil Barangay Casuntingan. Nasikop sila si Raniel Cuizon 40 anyos, Louis Colinares Jr 26 anyos og si Jessy John Abelita 22 anyos

Nakuha gikan sa ilang mga kamot ang 2 ka pakete sa gidudahang shabu og mga parapernalia lakip na usab sa 300 ka pesos nga buybust money. Ang gropo nila ni SP02 Renato Valle sa Mandaue Police Station 6 maoy mipahigayon sa buybust operation
(Ferdinand D. Mañus)

CITU Di Na Mamalibad og Retakers

Nipasalig ang Cebu Institute of Technology University (CITU) nga di na balibaran ang ilang mga gradwado nga gustong mokuha pagbalik sa Nursing Licensure Examination (NLE).

Matod ni kanhi Cebu City councilor Arsenio Pacaña, tigpamaba sa CITU, iya nang gitawag ang atensiyon sa dean sa ilang College of Nursing, Judith Ismael, nga gipasanginlang namalibad sa NLE retakers tungod sa kahadlok nga motidlom ang ilang rating.

Niangkon si Pacaña nga di kabalibaran sa CITU ang nangahagbong nilang mga gradwado sa pagkuha pagbalik sa NLE.

Matod ni Pacaña ang pag-gradwar sa mga tinun-an maoy nakahatag nila og katungod pagkuha sa NLE ug pagkuha ini pagbalik kon di kapasar sa unang mga pagsuway.  (Leo Lastimosa)

ABC motabang pagmonitor sa cybersex

Presidente sa Association of Barangay Council sa Talisay Kapitan Charles
Basillote nakakitag panginahanglan nga motabang ang barangay pagmonitor sa maong
ilegal nga operasyon.

Miangkon si Basillote ang barangay maoy dunay kasayuran sa mga apartments ug mga
molopyong langyaw sa ilang tagsa tagsa ka lugar.

Ilakip unya ni Basillote ang memorandum ngadto sa mga kapitan sa pag-apod-apod
sa resulotion ni Konsehal Danny Caballero nga nag-awhag sa mga opisyal sa
barangay pagpaniid kon duna bay cybersex operation sa ilang mga dapit.(Marlon
Bellita)

Armas sa nadisgrasyang polis pabiling missing

Hangtod karon pakyas ang kapolisan sa Minglanilla pagkaplag sa service fire arm
ni Po2 Ivan Rey Juarez nga gitohoang gikawat dihang naaksidente ug namatay ang
polis sa maong Lungsod gahapon sa kadlawn.

Mga polis sa Minglanilla naglibog asa ug kinsa ang ilang mapangutana nga
makatudlo sa responsable.

Mitumaw ang pagduda nga basin polis ra sab maoy nagkuha sa pusil.

Matud ni Spo1 Capangpangan sa Minglanilla walay polis nga makaako pagbuhat sa
ingon sa kauban ining polis ilabina sa samang sitwasyon.
(Marlon Bellita)

2 ka day-o nga tulisan nadakpan

Nabilanggo karon sa Naga Police Station ang mga suspetsado nga giila sa ngalang
Eric Abello, 23 lumad nga taga Santa Felomina Siyudad sa Dipolog ug Alex Cayumo,
39 taga Parang Cantillan Tandag Surigao Sur.

Ang duha gitumbok nga mitulis sa duha ka collector ug lending nga sila si Gerald
Quinikito, 26 ug Apple Lanata taga Tunghaan Minglanilla sa Seaside North
Polacion Naga alas 7:53 gabii.

Gipusil una sa mga tulisan si Quinikito una giilog ang bag nga iyang dala.

Napakyas hiinoon ang mga suspetsado dihang misukol si Quinikito bisan sa samad
sa iyang paa og nakadagan.

Nasikop ang mga suspetsado uban sa kalibre 45 nga ilang gigamit pagpanulis sa
hot pursuit operation pinaagi sab sa positibong pag-ila sa kauban ni Quinikito
sa mga gikatahapan. (Marlon Bellita) 

Rama miperma nasab ug papeles bisan walay pagtugot sa konseho

Mitataw si Cebu City Mayor Michael Rama nga ang iyang gipermahan dili
contrata nga manginahanglan sa pagtugot sa konseho. Midugang si Rama
nga mahulog lamang kadtung pag-abli sa Larsian Road ug sa pag-uli sa trailer
ngadtu sa probinsya tipik lamang sa mga musunod pang mga
koopereasyun sa Syudad ug sa Capitolyo

Mga buhatan sa gobyerno nga namiligrong mahugno sa linog, ipasusi

Gitagalan kutob sa Abril 29 ang mga lokal nga mga opisyal pagsusi sa kaluwas sa tanang mga buhatan sa gobyerno sud sa ilang lokalidad.

Ang buhatan sa Department of Interior and local Government 7 pormal nang nakadawat og kamanduan gikan ni SEc. Jessie Robredo.

Lakip nga susihon ang tanang mga Infrastractre projects sa gobyerno.

Ang DILG makig alayon sa Department og Public Works and Highways alang sa pagpaayo sa mga depektosong mga edepesyo.(June Berongan)

DILG gitahasan sa pag ihap sa tanang mga tricycle nga makadawat og fuel subsidy

Gisumeter na sa Department of Interior and Local Goverment 7 ang listahan sa mga tricycle dirvers sa sugbo ug kabisay-an nga makadawat og fuel subsidy sa gobyerno.

Si DILG7 Regional Director Pedro Noval miingon nga nahingpit nila ang pagpanglista sa mga tricycle drivers duha ka semana sa wa pa ang memorandum circular gikan sa ilang ulohang buhatan.

Matud ni Noval nga nagpaabut nalang sila sa mga lagda nga luwatan nga maoy giya sa pag apod apod sa fuel subsidy.

Sukwahi sa mga PUJs ang mga local government units maoy nag regulate sa operasyon sa mga tricycle nga naggamit og gasolina nga nag

ping-at sa padayong pagsaka sa presyo sa gasolina. (June Berongan)

Dinagat Representative Ruben Ecleo Jr gi-serbihan na'g warrant og arrest sa kapolisan

Giserbihan na'g warrant of arrest si PBMA Supreme Master ug Dinagat Representative Ruben Ecleo Jr may kalambigitan sa kasong parricide nga iyang gi-atubang

 

Mga sakop sa CIDG mao mismo ang ni-serve sa warrant didto sa panimay mismo ni Ecleo sa Banawa, Guadalupe kaganinang hapon

 

Ang warrant giluwatan ni Judge Soliver Peras sa Regional Trial Court Branch 10 (Juve Villar) 

Usbaw sa sohulan tuki-on sa Wage Board karong gabii

Regional wage board dinhi sa rehiyon siete magtagbo karong gabii aron  tuki-on tanang mga petisyon sa gipangayong usbaw sa sohulan

Kini nunot sa mando sa department of labor and employment ngadto sa mga wage boards sa nasud nga duna nay luwatan nga desisyon atol sa mayo uno bahin sa pagpasaka sa usbaw sa sohulan o pabiling ilansang sa naandan nga minimum nga sohulan  

Duha ka mga labor groups ang nisang-at sa ilang petisyon ngadto sa wage board alang sa usbaw sa sohulan

Ang progressive labor nangayo og 120 pesos nga usbaw samtang 75 pesos ang ALU-TUCP

Si assistant regional director ezequiel zarcauga niingon nga basihanan sa mamahimo nilang desisyon sa wage board ang presyo sa mga palaliton, presyo sa lana ug plitihan (Juve Villar)

 

Siyudad Na Gyong Bogo, Carcar ug Naga

Di na maliso ang hukom sa Korte Suprema.

Di na mahibalik sa pagka lungsod ang mga dakbayan sa Bogo, Carcar ug Naga ug laing 13 ka mga siyudad.

Mayoriya sa mga sakop sa Korte Suprema nideklarar nga final na ang ilang hukom paghimong dakbayan sa 16 ka mga lungsod.

Wa pay klaro kon makapasaka pa ba og laing motion for reconsideration ang League of Cities nga kusganong nisupak sa cityhood sa Bogo, Carcar ug Naga ug laing 13.

Gihangop dayon sa mga molupyo ug mga opisyal sa Bogo, Carcar ug Naga ang pagpatigbabaw sa Korte Suprema sa ilang hukom.  (Leo Lastimosa)

4Ps Gipamolitika?

Kongresista Angelo Palmones sa Agham Partylist nipasangil nga gigamit sa Malakanyang sa pamolitika ang binilyon ka pesos nga gigahin sa 4Ps (Pantawid Pamilyang Pilipino Program).

Nagduda si Palmones nga gigamit ang 4Ps sa ambisyon ni DSWD Secretary Dinky Soliman nga mag-senador unya sa 2013.

Naalarma si Palmones sa pasiunang mga resulta sa imbestigasyon giunsa paggamit ang 4Ps sa niaging pamunoan:

• May beneficiaries nga nibiya sa ilang mga trabaho human nadawat ang hinabang nga kuwarta; ug
• Nisaka ang halin sa bino nga posibleng maoy gigamitan sa hinabang.

Niawhag si Palmones nga tarungon pag-ila ang mga beneficiaries sa 4Ps.  (Leo Lastimosa)

Mga Sugbuanon sa Fukushima

Sugbuanong mga molupyo sa Fukushima, Japan apil sa gipabakwet gikan sa 50 ka kilometro nga radius sa nagdilaab nga mga plantang nukleyar.

Kabahin sila sa 1,000 ka mga Pinoy, nga ang kasagaran nangaminyo og mga Hapones ug nibalibad sa panabang nga gitanyag sa Philippine Embassy sa Tokyo.

Nipasalig hinuon si Embahador Manuel Lopez nga nga andam gihapon silang mohatag og hinabang sa mga Sugbuanon ug mga Pinoy nga mahimong maapiki sa pagbakwet.  (Leo Lastimosa)

Mas Init Nang Sugbo

Mosaka ang temperatura sa Sugbo ug ubang bahin sa Pilipinas sa mosunod nga mga adlaw.

Kini tungod sa pagkahuman na sa hanging amihan.

Matod sa Pagasa ang pagbanos na sa habagat mosangpot sa mas init nga temperatura.

Ang Sugbo ug Kabisay-an padayon hinuon nga mahiagom og panagsa nga pagbunok sa uwan labi na sa kahapunon.  (Leo Lastimosa)

Heat Ikaduha sa East

Mas gipalig-on sa Miami Heat ang paghupot sa ikaduhang luna sa Eastern Conference sa NBA pinaagi sa pagdaog batok sa Atlanta Hawks, 98-90.

Si Lebron James, Dwyane Wade ug Chris Bosh na sab ang nangu sa laing higpit nga kadaogan sa Heat.

Ang Chicago Bulls nipakugang sa kadaghanan pinaagi sa pagsemento sa ilang liderato sa East.

Ikaduha ra hinuon ang Bulls sa San Antonio Spurs nga maoy nakahupot sa labing maayong rekord sa tibuok NBA.

Nahagbong pa gyod paubos ang Boston Celtics kay napilde sa Washington Wizards human papahuwaya ang upat nila ka starters.

Ang Los Angeles Lakers naapiki sab tungod sa unom ka sunudsunod nga pilde ug posibleng matagak sa ikatulo o ikaupat nga luna sa Western Conference.  (Leo Lastimosa)

Mga buhatan sa gobyerno giawhag nga magdaginot sa gasolina

Giawahag sa Department of Interior and Local Government kon DILG 7 nga
ang mga buhatan ubos sa ilang ahensya ug mga LGUs nga magdaginot sa
gasolina nunot sa labing awahing pagsaka sa presyo sa lana. .
Si DILG7 director Pedro Noval miingon nga
kinahanglang tumanon sa BFP,PNP,BFP ug mga lokal nga kagamhan ang
Administrative Order nga nagpatuman sa Austerity measures. Gidasig sab
niya ang mga opisyal nga mag hakutay sa ubang kawani aron makadaginot
sa gasolina. Gipasidan-an sab ang mga
opisxal ug mga driver sa gobyerno nga dili dad-on ang mga sakyanan sa
ilang mga panimay paglikay nga dili magamit sa personal nga katuyoan.
(June Berongan)

Po2 Juarez posebling hatagan og pasidungog

Mao ni ang gitinguha karon ni Talisay City Councilor Dennis Basillote kinsa
mihulagway kang Po2 Ivan Rey Juarez nga namatay sa disgrasya nga maayong polis.

Matud ni Basillote suod niyang higala si Juarez og aktibo kini sa paugnat sa
kasug nga pasiugdahan sa barangay.

Klarohon pa hinoon ni Basillote ang mahimong ayuda nga mahatag kang Juarez
tungod kay tua man kini mag-alagad na sa Siyudad sa Naga.(Marlon Bellita)

Mga apartment sa Talisay panid-an

Ipasusi ni Talisay Police OIC Chief Errol Francis Deveyra pila ka apartment,
boarding houses o paabangan nga panimalay ang nagbarog sa Dakbayan sa Talisay.

Kini aron pagpaniid kon wala bay samang operasyon sa cyber sex sa Talisay sama
sa nadiskobrehan sa Lungsod sa Consolacion.

Wala hinooy mga intellegence report nga nadawat si Deveyra apan wala niya
isalikway ang posibilidad nga dunay hilom nga nag-operate sa illegal nga
kalihokan sa Siyudad.(Marlon Bellita)

Pusil sa polis nga nadisgrasya gikawat

Mao ni gitohoan karon sa kapolisan sa Lungsod sa Minaglanilla nga nag-imbistigar
sa pagkadisgrasya ni Po2 Ivan Rey Juarez.

Sa imbistigasyon mitumaw hinoon nga walay niduol sa sakyanan ni Juarez human
maaksidente sa wala pa moabot ang kapolisan sa nahitaboan.

Mopatawag og dili mominus 3 ka tawo ang mga polis sa Minglanilla aron pagpalawm
pa sa ilang pakisusi sa pagkahanaw sa pusil ni Juarez.(Marlon Bellita)

MRF sa Talisay ipatuman na gyud

Karong buwan sa Hunyo ning tuiga ang target sa Association o Barangay Council sa
Siyudad sa Talisay nga ipatuman na sa hingpit ang operasyon sa Material Recovery
Facility sa matag barangay.

Matud ni ABC President Charles Basillote mao ni usa sa nasabutan sa tigom sa
Ecological Solid Waste Management Board sa duha ka adlaw nga tigom.

Miangkon si Basillote ang ubang barangay duna nay MRF apan wala pa makasugod sa
operasyon kay walay kasayuran sa pamaagi ang mga opisyal.

Matud ni Basillote sa dili pa ang hingpit nga pagpatuman sa operasyon ipaubos
una ug seminar ang mga kapitan sa proseso.(Marlon Bellita)

Polis nadisgrasya patay

Dead on arrival sa Minglanilla District Hospital si Po2 Ivan Rey Juarez human
madasmag ang iyang gimanihong sakyanan sa poste pasado alas 4 sa kadlawn sa
Lungsod sa Minglanilla.

Si Juarez nga gitohoang nakatulog samtang nagmaniho sa iyang sakyanan paingon sa
ilang panimay sa Dakbayan sa Talisay gikan sa Naga Police Station dihang
nahitabo ang aksidente.

Nabali ang tiil sa polis og gitohoang nabunal ang iyang ulo hinungdan sa iyang
hinanaling kamatayon.(Marlon Bellita)

Akusado sa pagtulis sa catering buot na musumitir og counter affidavit

Gibutyag sa abogado sa sinumbong sa kasong pagtulis og usa ka catering nga hangtod karon wa pa nila madawat ang subpoena gikan sa piskalya aron makatubag sila sa sumbong. Plano ni Atty Diolito Alvarez, abogado sa akusado nga si Manilyn Mier, nga musang-at siya og manifestation ngadto kang Fiscal Rodna Bacatan nga buot niyang padad-an siya og subpoena sa iyang buhatan labot sa kaso batok kang Mier. Matud ni Alvarez nga wa nila madawat ang subpoena tungod kay nibalhin naman og address ang akusado. Gitudlo si Mier nga maoy utok sa pagtulis sa iya ra pud nga ugangan, ang tag-iya sa Ma. Lina Catering. (RC Dalaguit)

RTC Cebu City naputlan sa telepono

Subling nipadayag sa ilang kahasol ang pipila ka mga korte sa Regional Trial Courts Cebu City human nga naputlan sa ilang linya sa telepono. Giklaro sa HR sa Regional Court Administration Office RCAO Atty. Chevin Vasquez nga kini tungod dunay wa pa mabayaran nga mga bills ang pipila ka sala sa RTC sa dihang ang korte suprema pa ang nagbayad sa linya sa telepono. Sukad 2008, ang RCAO naman ang nitake-over sa balayranan sa bills sa telepono. Matud ni Vasquez nga sa pagkakaron, ila pa una nga gisubay uban sa telephone company ang mga balayranan kon personal ba sa mga empleyado ang gamit ini aron mabayaran na. Nagkanayon si Vasquez nga nisuway siya og hangyo sa telephone company maong nahatagan sila og lugway sa connection niadtong Enero hangtod Marso ning tuiga. Apan pagka-Abril, subling naputlan na usab sa teleponoa ang mga sala nga aduna pay utang. Lakip sa naputlan og telepono ang RTC Branch 9, 14, 22 ug 12. (RC Dalaguit)

Mga narescue sa cybersex den ipaudos sa witness protection

Gitinguha sa Provincial Committee on Women and Children nga mapaubos sa Witness Protection Program sa probinsya ang pito ka mga narescue gikan sa duha ka cybersex dens sa lungsod sa Consolacion. Matud sa chairman sa komitiba BM Agnes Magpale nga kini aron maprotihiran ang mga biktima nga mamahimong saksi ug mahatagan sa ilang mga panginahanglan sama sa transportasyon atol sa ilang pagtambong unya sa pagdungog sa kaso. Dugang ni Magpale nga gihikay na usab nila nga ma-enrol ang mga biktima sa witness protection sa Department of Justice. Lakip sa mga narescue mao ang upat ka mga lalaki ug tulo ka mga babaye. (RC Dalaguit)

Mga barangay gimanduan nga dunay listahan sa tanang mga recruiters

Gimanduan sa chairman sa Provincial Committee on Women and Children, Board Member Agnes Magpale, ang mga barangay sa probinsya sa sugbo nga ilista ang tanang mga recruiters sa ilang lugar. Kini subay sa nagkataas na nga mga kaso sa illegal trafficking. Matud ni Magpale nga kinahanglan adunay record ang barangay sa pangan sa recruiter, agency niini ug ang lugar nga dan-an sa gi-recruit. Nagkanayon si Magpale nga kini mamahimong dakong tabang aron dali nga masubay kon ugaling dunay mga mareport nga biktima sa trafficking ug ang paggukod sa mga illegal recruiters.

Driver sa Firetruck og Tora Tora Mag-abot

Mag-abot karong buntag sa Traffic Section sa Lapu Lapu City Police
Office ang driver sa Fire Truck sa Fire Dept sa Lapu Lapu nga
gipasanginlan nga midumbol sa usa ka Tora Tora nga puno sa sinakong
uling kagahapon didto sa barangay basak dakbayan sa Lapu Lapu

Si P03 Dioscoro Arong ang imbestigador sa traffic section miingon nga
iyang aboton karon ang driver sa tora tora nga si Rosalito Agojar og
si SF01 Agustin Amores ang driver sa firetruck sa marigongon fire
station

Matod pa ni Arong nga kusganong gitudlo sa mga biktima og mga saksi
ang firetruck nga maoy nakadumbol sa tora tora apan gihimakak kini sa
driver sa firetruck nga si Amores

Way nakita si P03 Arong nga garas o timailhan nga naka saghid ang
firetruck nga gimaneho si Amores. Ang Firetruck gikan sa Lapu Lapu
City Hall og padung na mobalik sa fire station sa dihang giingong
nahitabo ang pagka-saghid.
(Ferdinand D. Mañus)

Lalake Aksidenteng Napusilan sa Sampot

Samad pinusilan sa iyang sampot ang na-angkon ni Armando Mirafuentes
hingkod ang pangidaron human siya aksidenteng naigo sa pusil nga
giduwaan sa iyang silingan

Matod pa ni SPO1 Laurencio Wagwag nga alas 9:00 ang takna gabii didto
sa Barangay Cogon sa lungsod sa Cordova ang suspek nga si Marlon
Tabada nagduwa sa iyang armas sa gawas nga bahin sa iyang panimay

Aksidente miboto ang armas ni Tabada og naigo ang pultahan sa panimay
sa iyang silingan nga Mirafuentes

Si Mirafuentes kinsa natulog sa sawog sa ilang sala maoy naigo sa
pagboto sa armas ni Tabada

Dili hinuon seryoso ang samad ni Mirafuentes, samtang ang suspek nga
si Marlon Tabada padayon nga nagtago tago hangtod karon.
(Ferdinand D. Mañus)

Camera panahun sa linog

Naglaraw ang Syudad sa Sugbo nga mu-donar ug 1.5 Milliones ka pesos ngadtu sa Emergency Rescue Unit Foundation ERUF harun sa pagpalit ug espesyal nga matang sa camera harun gamitun sa pag rescue sa mga ma-trap sa mga edipisyo sa higayun nga dunay mahitabung linog dinhi sa Sugbo. Ang memorandum of agreement permajan karung buntag sa opisina ni Mayor Rama. (Edison Delos Angeles)

Oplan Mahal Na Adlaw

Sugod sunod semana way nay tugutan nga mag-leave sa mga personnel diha
sa Mactan Cebu International Airport

Ang OIC sa Public Affairs Division sa MCIAA nga si Mary Ann Dimayabao
miingon nga ilusad na nila karong lunes ang Oplan Mahal na Araw uban
sa Department of Transportation and Communication

Matod pa ni Dimayabao nga dunay ibutang nga Helpdesk diin didto pwede
makapangayo og tabang ang mga pasahero nga dunay problema

Duna say ibutang nga mga streamers nga dunay mga contact numbers nga
matawagan ang mga pasahero. Gipaabot nga modagsa na ang mga pasahero
sa tugpahanan sunod semana atol unya sa mahal na adlaw. (Ferdinand D.
Mañus)

Unang adlaw sa Summer Job sa mga tinun-an sa Rehiyon 7, nagkayagaw

Wa pa makaboylo ang Special Program for the Employment of Students kon (SPES) dinhi sa rehiyon 7 tungod sa problema nga mitumaw sa pag apod apod sa mga tinun-an sa mga nagkadaiyang buhatan sa gobyerno.

Ang tigpamaba sa DOLE 7 Atty.Roy Buenafe miingon nga dunay mga local government units nga nagkuwang sa mga trabahante samtang may mga LUGs  nga nanobra sab ang pag apod apod sa mga tinun-an.

Malaumon hinoon si Buenafe nga maplantsa na ang tanang problema nga mitumaw sa unang adlaw sa pagpatuman sa programa.

Ang SPES maoy tinuig nga programa sa DOLE ug DEPED paghatag og summer job sa mga piniling mga tinun-an

Ang mga tinun-an mag trabaho sud sa 40 ka adlaw diin sila magdawat og minimum nga suhulan.

Si DOLE 7 Acting Regional Director Exequil Sarcauga miingon nga adunay 1, 500 ka mga tinun-an ang gipang apod apod nga gigahinan og 7 ka milyon ka pesos karong tuiga. (June Berongan)

Mga Padrino sa Jaguar KTV

Gikahadlokan nga manghilabot ang gamhanang mga politiko nga suki sa Jaguar KTV Bar sa Dakbayan sa Sugbo.

Ang mga tagduma sa Jaguar gipasanginlan nga niulipon sa 147 ka mga babaye nga ilang gilawog sa prostitusyon.

33 sa naluwas nga mga biktima nakaplagan nga mga menor de edad.

Gikiha na og qualified trafficking ang pito ka tagduma sa Jaguar.

Tulo pa hinuon ang nadakpan, gipangita pa ang laing upat.

Apil sa mga suki sa Jaguar mao ang gamhanan lokal ug nasudnong mga politiko ug inila nga mga magpapatigayon sa Sugbo.

Nipasalig hinuon ang kapolisan ug ang Department of Justice (DOJ) nga tinud-on gyod nila paggukod ang mga responsable sa pag-abuso sa kababayen-an.  (Leo Lastimosa)

Sugbo Apil sa Mapa sa Baha

Apil ang Sugbo sa mapa nga gihimo sa Department of Environment and Natural Resources (DENR) sa mga dapit nga mahimong mahitaboan sa baha ug pagdahili sa yuta.

Matod sa DENR maapil sa mapa ang 97 ka mga lalawigan nga daplin sa kadagatan nga maoy labing mameligro sa pagdagko sa bawod ug paglawom sa dagat tungod sa climate change.

Gawas sa Sugbo, maapil sa geohazard map ang Cagayan, La Union, Iloilo, Aklan, Antique ug Negros Oriental.

Mga siyentipiko nipasidaan nga apil sa unang malubong inig saka sa dagat mao ang isla sa Mactan, nga maoy nahimutangan sa Dakbayan sa Lapulapu. (Leo Lastimosa)

Naalarma sa Laing Uminto

Mga motorista ug mga pasahero sa Sugbo nipadayag og kakugang sa gipasidaan nga laing P1.50 matag litro nga uminto sa mga produkto sa lana.

Kapito nga usbawi ang presyo sa gasolina ug krudo sukad sa pagsugod sa 2011.

Ang Bagong Alyansang Makabayan (Bayan) maoy nipasidaan sa dakong uminto sa presyo sa lana karong semanaha.

Gibasol sa oil companies ang krisis sa Middle East ug North Africa, labi na sa Libya, nga maoy hinungdan sa paglumpayat sa presyo sa lana sa merkado sa kalibotan.  (Leo Lastimosa)

Kapamilya Libreng Operasyon

Niabot og 160 ang nagparehistro alang sa libreng operasyon sa mga may kakulian sa ngabil ug lingagngagan.

Mao ni kinadaghanan nga mga pasyente nga nalista sa Operation Rainbow sa Australia sa 20 ka tuig na nilang pangopera og mga bata dinhi sa Pilipinas.

Mao ni ikatulong tuig nga nia sa Sugbo mangopera ang Operation Rainbow.

Ang tibuok semana nga kalihokan giabagan sa Kiwanis Club of Cebu ug DYAB Abante Pa, Bisaya!

87 ka mga pasyente, kasagaran nila mga bata, ang nakapasar sa screening tibuok adlaw niadtong Dominggo sa Lapulapu City Hospital.  (Leo Lastimosa)

Syudad sa Sugbo manghatag ug yuta

Gikatakda nga mu-donate ang syudad sa Sugbo ug luna nga may gidak-ung 9 hectaryas sa Lungsod sa Consolacion.
Ang maong luna nga anaa sa barangay Polpogan Consolacion napalit sa syudad kaniadtung
decada 80. Matud pa ni Mayor Michael Rama nga dili praktikal ang pagmonitor sa maong luna
gumikan sa kalayu niini sa syudad. 936 ka mga City residents ang nakapahimulos sa maong luna.

mga karnerong walay Pastol

Lima ka mga consultants ni Vice Governor Greg Sanchez mipahigayun ug courtesy call
ngadtu kang acting Vice Governor Agnes Magpali. Sila nagdala ug mga papeles gikan sa
Civil Service Commission apan wala pay kasiguruan kung dawatun pa ba sila nga mga
consultants ni Magpale gumikan kay aduna nay mga consultants ang naawahi.

Pulseras nga bulawan giilugan

Magpatabang ang usa sa mga konsehal sa Brgy Pasil ngadtu sa korte arun makuha
pagbalik ang bulawang pulseras nga giingung napalgan sa iyang konstituwente.
Ang kapulisan mi-custody sa pulseras sa pagsiguro nga ang makakuhan niini
mao gyud ang tiunay nga tag-iya. Gitataw sa hepe sa Thief and Robbery Section
nga si Chief Inspector Bonifacio Garciano nga andam sila nga mu-uli sa among
alahas kung dunay maka-presentar ug saktung mga papeles.

Mananagat nga Nawagtang Nakit-an na

Nakit-an na ang patayng lawas sa usa ka mananagat nga nawagatang sa nakalabayng semana Ang kapolisan sa dakbayan sa lapu lapu miila sa maong mananagat nga si Jerry Diaz 36 anyos

Didto na nakit-an sa kadagatan sa barangay mactan ang patayng lawas ni Diaz kagahapon sa buntag. Matod pa ni Fortunato Casida ig-agaw nga huwebes sa nakalabayng semana si Diaz ug an iyang mga higala nanagat sa dihang kalit nga mikirid og natagak

Gisuwayan pa sa iyang mga kauban sa pagpangita si Diaz apan wala na gyud nila nakita. Wa hinuoy timailhan sa foul play gikan sa patayng lawas sa biktima. (Ferdinand D. Mañus)

Duha ka batan-on gipusil

Samdan sila Rommel Olima, hingkod taga dan echavez ug Junnel  Layson taga R.
Padilla pulos taga Siyudad sa Sugbo.

Ang duha motabang unta sa usa ka Richard Espinosa nga maoy giatubang sa namusil
pasado alas 2 sa kadlawn sa Lawaan 3 Siyudad sa Talisay.

Kapolisan pakyas pag-ila sa nagpusil sa mga biktima.(Marlon Bellita)

Cebu Coastguard mobutang mga mga help desk alang sa semana santa

Sugdan na sa Philipine Coastguard ang pagbutang og mga help desk sa pantalan sa sugbo sugod karong Biernes

 

Kabahin kini sa pagpangandam sa mga  semana santa sunod semana

 

Nunot niini ang mga pasahero giawhag sa Coastguard nga mosayo sa pag-adto sa pantalan aron dili malangan sa ilang pagbiyahe (Juve Villar) 

 

 

PUJ Subsidy Mahinayon

Nakabuylo na ang pagprinta sa smart cards nga gamiton pagpatuman sa Public Transport Assistance Program (PTAP).

Matod sa Department of Energy (DOE) gipublikar na sab nila karong adlawa ang Executive Order (EO) 32 nga maoy nagpatuman sa PTAP.

Ang aktuwal nga pag-apud-apod sa smart cards magsugod unya sa Mayo 2.

P450 milyones ang gigahin alang sa PTAP gikan sa savings sa nagkalainlaing mga buhatan sa gobyerno.

P1,050 ang madawat sa matag PUJ driver samtang P150 ang madawat sa matag tricycle driver.

Mahimo hinuong pun-an sa local government units (LGUs) ang subsidy alang sa tricycle drivers.  (Leo Lastimosa)