Mga Membro sa LP Nibisita sa Haya ni Sanchez

Mga alyado sa politika maoy nitambong sa ikaduhang gabie sa haya ni Bise Gobernador Greg Sanchez sa Crystal Palace sa Brgy. Lahug.
Sa unang gabie sa haya, mibisita na si Jun-Jun Davide III, kinsa alyado ni Sanchez sa milabayng National Election.
Ang banayng Sanchez mipadayag hinuon nga abli sila sa bisan kinsang mulili sa kataposang higayon sa bise gobernador, bisan pa kadtong mga kaatbang sa politika. (RC Dalaguit)

22 ka Illegal nga Tigpangisda Gidakop

Naabtan sa mga sakop sa Bantay Dagat nga nagpatrolya sa kadagatan sa Barangay Colon sa syudad sa Naga ang mga tigpangisda nga nigamit og mga pukot nga gagmay og buho sa ilang pagpanagat.
Gidakop ang 22 ka mga tigpangisda nga taga Talisay ug Camotes sakay sa tulo ka mga sakayang pandagat nga gipanag-iya sa usa ka taga dakbayan sa Talisay. (RC Dalaguit)

Mga sakop sa Crips gang ang gitumbok nga nanglabni ug nipusil patay sa usa ka trabahante ganinang kadlawn.

Gitumbok ang usa ka sakop sa Crips gang nga maoy suspetsado sa paglabni ug pagpusil patay sa usa ka trabahante kaganinang kadlawn sa dakbayan sa Mandaue.

Usa ka James Lomarda nga taga brgy. Gun ob sa dakbayan sa lapu2x ang patay diha diha human makaangkon ug samad pinusilan sa iyang dughan.

Nasikop atol sa hot pursuit operation ang usa ka notorious nga sakop sa crips gang nga giila sa ngan nga si Japhet Sanchez hingkod ang panuigon nga taga brgy. tipolo sa dakbayan sa mandaue.

samtang laing unom pa ka mga suspects ang padayong gisukit sukit karon sa kapulisan sa dakbayan sa mandaue labot sa maong krimen.

( Najib M. Cubio )

Regional Wage Board subling magtagbo karong gabii pagtuki sa umento sa suhulan

Duha ka adlaw sa dili pa ang Labor Day gipaabut nga duna nay makab-ot nga desisyon ang Regional Wage Board sa Sugbo ug Central Visayas sa giduso nga 100 ka pesos nga umento sa suhulan sa Associated labor Union Trade Congress of the Phils. kon ALU TUCP.

KIni human mapakyas pagtunga ang representante sa Management Sector nga si Charles Streegan sa tigum unta kagahapon sa udto.

Ang Chairman sa Regional Wage Board Exequil Sarcauga napugos sa pag takda og laing tigum karong gabii.

Matud ni Sarcauga nga ang baruganan sa board dili mahimong hukman sa usa o duha ka tawo kon dili sa kinatibuk-ang sakop niini.

Gipasalig hinoon niya nga mahimong makiangayon ang Wage Baord sa pagtuki kon angayan na ba gyung pun-an ang minimum nga suhulan sa mga mamumuo.

Dugang niya nga kon mahukman ang umento ang Board motakda gilayon og public hearing aron paminawon ang sector sa mamumuo ug sa mga negosyante. (June Berongan)

Bise-gobernador Greg Sanchez patay na.

Patay na si Cebu vice-gov. Gregorio Sanchez Jr.

Si sanchez, nag-antus sa lung cancer sulod sa pipila ka bulan.

Siya namatay 2:45 ang takna ganinang kaadlawon sulod sa intensive care unit sa Chong Hua Hospital.

Ang bise gobernador 68 anyos sa iyang kamatayon.

(June Perez) 

Gwardya sa CPDRC Iparelieve sa Posisyon

Girekomendar sa Consultant on Peace and Order sa Office of the Governor, Police Chief Supt. Cesar Veloso nga i-relieve una sa iyang kasamtangang posisyon si Provincial Guard Antonieto Babor. Kini base sa inisyal nga imbestigasyon nga gihimo ni Veloso kalabot sa insedenteng pagkawala sa 35 ka sakong NFA rice gikan sa warehouse sa Provincial Social Welfare and Development Office. Ipaubos si Babor og pormal nga ibestigasyon human nga niadtong Abril 25, iyang girelease ug gihatod pa gyud ang sinakong bugas ngadto sa wa niya mailhing mga tawo. Matud ni Babor nga igo lamang siya nakadawat og kamanduan apan gihimakak ni sa PSWD. Gikatingala ni Veloso nganong wa usab gi-unload ni Babor ang sinakong bugas sa Capitol grounds nga maoy SOP sa paghatag og hinabang. Sa dihang gisusi ang panimay ni Babor nakita usab ang tulo ka sako sa susamang mga bugas nga nawala. Apan una niyang rason nga hinatag kini ni Gobernador Garcia, ug lain niyang rason nga pinalit niya sa tindahan nga way resibo. Nagtuo si Veloso nga aduna pay laing mga tawo nga nihimo sa pagkuha sa 35 ka bugas nga way pagtugot sa PSWD. (RC Dalaguit)

Eroplano sa Air Force Nahagsa

Usa ka eroplano sa Philippine Air Force ang nahagsa didto sa barangay banawan sa lungsod sa Bagac Bataan alas tres pasado karong haopn. Ang hepe sa Bataan Police Station Senior Superintendent Arnold Gunnacao mikonpirmar sa pagka hagsa sa eroplano didto duol sa usa ka beach resort sa maong lugar

 

Giingon mi-ulbo ang eroplano human sa pagkahagsa. Wa pa mulowat og dugang detalye ang Philippine Air Force kung pila ang sakay kinsa ang sakay diin gikan ang maong eroplano.

(Ferdinand D. Mañus)

Pagrelease sa 35 sako sa Bugas way Kamanduan

Giklaro ni Provincial Social Welfare Officer Marivic Garces nga way pagtugot gikan sa Provincial Social Welfare and Development Office PSWD ang pagparelease sa 35 ka sakong bugas gikan sa ilang warehouse sud sa Cebu Provincial Detention and Rehabilitation Center CPDRC. Matud ni Garces nga missing pa ang 35 ka sakong bugas hangtod sa pagkakaron human ni gihakot niadtong Abril 25 sa hapon gikan sa ilang warehouse ug giingong gihatod sa Ecotech. Gibutyag ni Garces nga si Provincial Guard Antonieto Babor nga mao usab ang Acting Assistant Supply Officer/Rice Custodian maoy nikuha sa 35 ka sakong bugas sa CPDRC tungod nakadawat siya og mando gikan sa Administrative Officer sa PSWD Wilson Ramos. Apan giklaro ni Garces nga adunay proseso ang pagrelease og mga relief goods gikan sa warehouse ug niadtong tungura, on-leave si Ramos. Gihimakak usab ni Ramos ang pasangil ug plano niyang mupasaka og reklamo sa nagduhig sa iyang pangan. (RC Dalaguit)

Banay sa Akusado Nagpakiluoy sa Biktima sa Lugos

Nanghinaot ang kabanay sa opisyal sa barko nga sinumbong sa kasong rape nga maluoy pa unta ang biktima sa mga akusado. Matud ni Nene Mahinay, ig-agaw ni 2nd Mate Timoteo Sapayan nga wa na silay mahimo pa karon nga nasang-at na ang kaso ngadto sa korte batok sa iyang ig-agaw ug sa ilang tulo ka kauban niini. Nanawagan si Mahinay ngadto sa biktima nga unta kaluy-an niini ang iyang ig-agaw ug lakip na ang lain pang tulo ka sinumbong ug di na ipadayon ang kaso tungod aduna pa silay dakong kaugmaon. (RC Dalaguit)

Kasong Rape sa Barko Gisang-at na sa Korte

Nakakita og igong basehanan si Fiscal Maria Theresa Casiño sa pag-sang-at sa kasong rape ngadto sa korte batok sa usa ka opisyal ug tulo ka apprentice sa barkong MV Calbayog nga iya sa Palacio Shipping Lines. Karong adlawa, gibalhin na sa Cebu City Jail sa Barangay Kalunasan sila si 2nd Mate Timeteo Sapayan nga taga Samar, apprentice engineer Aldrin Albarando nga taga Argao, apprentice electrician Layman Deganon nga taga Zamboanga ug Alvin Nalda nga taga Leyte. Way pyansa nga girekomendar alang sa temporaryong kagawasn sa upat nga gipasanginlang nilugos sa 23 anyos nga babayeng pasahero sa ilang barko niadtong Abril 7. (RC Dalaguit)

Kadaugan Street Party Ugma na

Nahingpit na ang pagpangandam alang sa Kadaugan Street Party ugmang
adlawa og sa sabado. Ang chairman sa committee on tourism Harry Don
Radaza mibutyag nga duna say 17 ka mga contigents nga moapol sa samba
parade

Alas siete ugma sa gabii sirad-an ang usa ka lane sa ML Quezon
Highway sa gikan s GMC padung na ngadto sa tiilan sa Marcelo Fernan
Bridge. Matod pa ni Radaza nga gawas sa samba parade dunay nay free
concert og car show ug uban pa.

Gi-awhag ni Radaza ang mga motambong nga kung mahimo dili magdala og
sakyanan gumikan kay limitado ang parking area, matod pa ni radaza nga
mas maayo nga mag commute o mag carpool ang mga tao nga motan-aw.
{Ferdinand D. Mañus)

Kadaugan sa Mactan Nagmalinawon

Sa Kinatibuk-an nagmalinawon ang pagsaulog sa Kadaugan Sa Mactan
gahapong adlawa mao kini ang paghulagway sa Director sa Lapu Lapu
City Police Office Senior Superintendent Anthony Obenza

Matod pa ni Obenza nga gawas sa pagkahugno atong gamay nga bahin sa
platform kilid sa monumento diin wala say na-angol way laing
insidente ang nahitabo kagahapon. Ang Theft and Roberry Section sa
Lapu Lapu Police Office way natala nga insidente sa pagpanguot
kagahapon.

Gatusan ka pulis og barangay tanod ang gipakatap kagahapong adlawa.
Matod pa ni Obenza nga extended ang hightened alert status sa
kapolisan gumikan sa mga kalihukan sa kadaugan sa mactan og mapupos
kini karong adlawng sabado abril 30.
(Ferdinand D. Mañus)

Imahen sa Santo Nino labing unang higayon pagtaak sa Lapu-lapu

Alang kang Pader Tito Soquino natubag na ang pagmahay sa ubang mga oponganon nga
agian lang sa imahen ni Senor Santo Nino sa tinuig nga fluvial procession.

Ang pagpahigayon sa kaplag nakahatag og kahigayonan nga mahapit na gyud ang
Dakbayan sa Lapu-Lapu sa imahen sa balaang bata.

Sa labing unang higayon nabisita sa imahen ni senor santo nino ang base sa Naval
Forces Central.

Bisan og sulod kini sa kampo sa mga navy apan giklaro ni Pader Soqino nga bukas
kini sa publiko.

Gipaabot nga sa sunod tuig hugopan na sab sa mga deboto ni Senor Santo Nino ang
kalihokan sa makasaysayong pagkakaplag sa iyang imahen nga mahimong tinuig na
usab nga kalihokan.(Marlon Bellita)

Kaplag sa Santo Nino

Karon ang ika 446 ka tuig sa pagkakaplag sa imahen ni Senor Santo Nino dinhi sa
Sugbo.

Sa labing unang higayon gihimo ang pagbuhi sa makasaysaynon nga pagkakaplag sa
imahen sa balaang bata pinaagi sa mga sakop sa Naval Forces Central.

Ang kalihokan gisugdan sa usa ka santos nga misa sa Basilica del Santo Nino alas
6 sa buntag ug gisundan sa foot procession gikan sa simbahan paingon sa
Malacanang sa Sugbo.

Gisakay ang imahen sa v-140 naval gun battle ship paingon sa base sa Naval
Forces  sa Siyudad sa Lapu-lapu.

Milanog ang bosena sa mga barko nga maagian sa gisakyan sa imahen sa balaang
bata agig pagyukbo ug pagtahod.

Gihimo sab ang passing honors sa laing sakyanan sa navforcen.

Laing foot procession ang gihimo pagdunggo sa pantalan sa navforcen paingon sa
ilang chapel.

Ang imahen sa santo nino mobalik sa basilica alas kuatro sa hapon sa samang
paagi diin inig abot sa basilika sa alas 5 sa hapon himoon ang misa sa kaplag ug
ang reenacment.(Marlon Bellita)

Fwd: DOLE 7 Dili pa Makahatag og Livelihood Program sa mga Kawani sa manera nga Energizer

---------- Forwarded message ----------
From: june berongan <juneberongan@gmail.com>
Date: 2011/4/27
Subject: DOLE 7 Dili pa Makahatag og Livelihood Program sa mga Kawani sa manera nga Energizer
To: dyab-cebu.news@blogger.com

Way Livelihood  training nga mahatag ang Department of Labor and Employment 7 alang sa 90 ka mga kawani sa Energizer sa barangay Jagobiao sa dakbayan Mandaue nga manera na sa sunod buwan.

 

Ang tigpamaba sa DOLE 7 Atty. Roy Buenafe miingon nga ang kapunongan sa mga mamumuo sa Energizer nakadawat na og livelihood assistance apan wa pa maka liquidate sa pundo nga nagamit.

 

Gitambagan hinoon ni Buenafe ang mga kawani nga magtukod og laing "umbrella organization" aron mahimong maka apply pagbalik ngadto sa DOLE.

 

Gipasidan-an hinoon sa DOLE ang kompaniya nga subayon ang mga lagda sa pagbayad sa mga apektadong mga kawani.(June Berongan)

 

 

Detachment sa kapolisan tukoron sa utlanan sa mga lungsod sa Consolacion ug Liloan

Pagsumpo sa tulis sa mga Gasoline Stations ug mga Balay Patigayon sa amihanang sugbo, tukoron sa Cebu Provincial Police Office kon CPPO ang detachment sa utlanan sa mga lungsod sa Liloan ug Consolacion.

 

Si CPPO Director Patrocinio Comendador miingon nga kuhaan og mga polis ang mga lungsod nga minus og alarma aron maoy modumala sa PNP Detachment.

 

Dili na buot si Comendador nga masubli ang insidente taliwa sa kakuwang sa mga polis sa lungsod sa Consolacion nga nag anam paglambo.

 

Hangyoon sab ni Comendador ang Campo Crame nga hatagan og sakyanan ang bag-ong detachment aron may magamit ang kapolisan.

 

Niadtong lunes sa hapon napatay sa mga tulisan ang gwardiya sa usa ka gasoline station nga si Rolie Broca 32 anyos.

 

100 ka libo ka pesos ang natangag sa mga tulisan nga gihulagway sa kapolisan nga mga "local boys".

 

Tulo ka grupo ang gipanid-an karon sa kapolisan sa probinsya sa sugbo. (June Berongan) 

Kalihokan sa Labor Day Sugaton og Dakung Rally sa mga Transport Groups dinhi sa Sugbo

Samtang nahan-ay na sa Department of Labor 7 ang kutay sa kalihokan sa pagsauog sa Labor Day, giplantasa na sab sa sektor sa tranpsortasyon ang dakung rally batok sa padayong pagsaka sa presyo sa lana.

 

Ang pangulo sa Nagkahiusang Driver sa Sugbo kon NADSU Roy Opora miingon nga ipakita sa mga drivers isip mga mamumuo ang kasagmuyo sa kapakyas sa gobyerno pagpangita og paagi nga kapugngan ang padayong pagsaka sa presyo sa lana.

 

Gisalikway hinoon ni Opora ang kahigayonan nga maapketohan ang dagan sa transportasyon kon daghang mga drivers nga mosalmot sa maong kalihokan. (June Berongan)

 

 

Kawat sa kable sa South Coastal Road gipaabot mokalma

Kini human masikop ang managsoong Renato ug Melcuro Dayanan Maricap taga White
Road Inayawan sa Siyudad sa Sugbo.

Ang duha nasikop sa mga barangay tanod sa San Roque sa akto nga namutol og linya
sa koryente sa South Coastal Road sa Dakbayan sa Talisay.

Ang kawat sa kable sa Talisay usa sa mga problema sa GSO office tungod sa
kanunayng pag-ilis og linya apan kawaton ra sab sa mga notado.

Nagtoo ang kapolisan nga makapahuway og dugay ang South Coastal Road karon nga
nasikop ang duha nga pormal ng gipasakaan ug kaso.(Marlon Bellita)

DOLE 7 Dili pa Makahatag og Livelihood Program sa mga Kawani sa manera nga Energizer

Way Livelihood  training nga mahatag ang Department of Labor and Employment 7 alang sa 90 ka mga kawani sa Energizer sa barangay Jagobiao sa dakbayan Mandaue nga manera na sa sunod buwan.

 

Ang tigpamaba sa DOLE 7 Atty. Roy Buenafe miingon nga ang kapunongan sa mga mamumuo sa Energizer nakadawat na og livelihood assistance apan wa pa maka liquidate sa pundo nga nagamit.

 

Gitambagan hinoon ni Buenafe ang mga kawani nga magtukod og laing "umbrella organization" aron mahimong maka apply pagbalik ngadto sa DOLE.

 

Gipasidan-an hinoon sa DOLE ang kompaniya nga subayon ang mga lagda sa pagbayad sa mga apektadong mga kawani.(June Berongan)

 

 

Mga tanod sa Talisay ipaubos ug Disaster Risk Reduction seminar

Base sa resulosyon ni Talisay ABC President Charles Basillote nga naaprobahan sa
konseho ang DILG giawhag nga maoy mopahigayon sa maong pagbansay.

Matud ni Basillote ang mga barangay tanod maoy plantada sa tanang mga panghitabo
sa barangay busa gikinahanglan silang bansayon sab pagrespondi og mga trahedya
ug emerhensiya.

Ang Dakbayan sa Talisay duhay 22 ka mga barangay diin ang uban nahimutang duol
sa dagat ug sa kabukiran.

Angayan lang matud ni Basillote nga may kahibawo ang mga tanod sa first aid,
fire figthing operation, rescue operation ug sa ubang mga matang sa
pagtabang.(Marlon Bellita)

Konseho sa Talisay uyon binisaya ang medium of instruction

Aprobado on mass motion ang resulosyon ni Education Committe chair Dennis
Basillote nga nagpaluyo sa kamandoan ni Presidente Noynoy Aquino nga gamiton ang
lokal nga pinolongan pag-edukar sa mga tinun-an sa pre-school paingon sa grade
3.

Nakita ni Basillote nga mas epektibo ang pagamit sa kaugalingong pinolongan
pagpasabot sa mga tinun-an sa elementarya.

Gani sa iyang resulosyon gipalapdan pa sa konsehal ngadto na sa ikaunom nga
ang-ang ang pagamit sa bininisaya pag-edukar sa mga bata.

Ang maong programa nga ginganlan og Mother Toungue Base Multi Lingual Education
wala hinoon magpugong sa mga magtutudlo pagtinagalog ug pag-ininglis atosl sa
klase.(Marlon Bellita)

turko gitulis sa Talisay

Kutsilyo lang gamit sa nagbinugtong tulisan nga mitulis kang Jakinder Singh usa
ka Indian national pasado alas 3 sa hapon sa Southwinds Subdivision sa San Roque
Talisay.

Ang myphone nga nagkantidad og 2500 pesos ug kuwarta nga mobalor ug kapin sa 3
mil pesos ang nakuha sa tulisan.

Matud sa biktima paingon siyang maningil sa mga nakautang niya dihang kalit
siyang gitionan sa liog sa tulisan.

Wala hinoon siya pasakite sa wala pa mailhing suspetsado.(Marlon Bellita)

DILG 7 Adam Mohilot sa Kasungian sa mga Opisyal sa dakbayan sa Danao

Andam mopatunga ang Department of Interior and Local Government kon DILG sa kasungian sa mga opisyal sa dakbayan sa Danao.

Si DILG 7 Director Pedro Noval miingon nga ubos sa local government code mahimong ma recall ang usa ka opisyal sa kon wa a kini saligi sa katawhan.

Hinoon matud ni Noval nga iyang paabuton kon mangayo sa ilang tabang ang mga opisyal sa dakbayan Danao.

Giawhag sab ni Noval ang mga opisyal nga dili isakripisyo ang pag serbesyo ngadto sa katawhan taliwa sa tinguha pagpa recall kang Mayor Ramon Boy Durano, Jr.

Ang konseho sa syudad nga gipangulohan ni Besi Mayor Ramon "Nito" Durano malaumon nga makakuha og 15 miel ka mga perma pagparecall sa ilang Mayor.

Sa pagkakaron napagan na ang sweldo sa mga kawani sa mga Barangay Health Workers, Barangay Health Workers ug pipila ka mga tanods nga gi sweldohan sa syudad.

Ang kampo sa besi mayor mipasangil nga ang ilang Mayor mibaliwa sa "separation of powers" pinaagi sa pagluwat og direktiba nga naghulga sa konseho sa pagpasaka og kaso kon dili permahan ang gisugyot ang budget alang sa tuig 2011. (June Berongan)

Drugas ang Posibling Motibo sa Paglabay og Granada sa Barangay Carreta

Drugas maoy posibling hinungdan sa paglabay og Granada nga mikalas og kinabuhi sa Barangay Carreta sa dakbayan sa sugbo.

Si Marvin Natividad Diola ang apo sa biktima nga si Eduardo Natividad miingon nga niadtong nakalabay'ng domingo may duha ka mga tawo nga nangita sa iyang uyoan nga si "Badang" nga umagad sa biktima.

Gipasanginlan si Badang nga mitambling sa kita sa pagpamaligya og drugas.

Ang asawa ni Badang nga si Susan na priso sa Cebu City Jail tungod sab sa  kaso sa drugas.

Matud ni Marvin nga way atraso ang iyang apohan sa ilang lugar.

Ang kapolisan mi kustodiya sa usa sa mga suspek nga maoy gitumbok sa paglabay og Granada.

Ang biktima mipunit sa gilabay nga Granada pagluwas sa ubang sakop sa pamilya nga dili layo sa iyang nahimutangan.

Gipalawman na hinoon sa kapolisan ang imbestigasyon unsay tinuod nga motibo sa krimen. (June Berongan)

Mga pulis unit sa metro cebu gipasidunggan sa PRO 7 atol sa pagduaw sa labawng hepe sa kapulisan sa nasud.

Gipasidunggan sa Police Reg'l. Office 7 (PRO7) ang mga pulis unit sa metro cebu gumikan sa ilang mga kalampusan nga nahimo sa serbisyo. Ang kapulisan sa dakbayan sa lapu2x, mandaue, ug ang regional anti human trafficking task force sa PRO 7 ang gisab ongan ug medalya ng kagalingan ni P/Dir. Gen. Raul Bacalzo karong buntag. (Najib Cubio)

Hanap ang kahigayonan nga mahatag ang usbaw sa minimum nga suholan karong labor day.

Hanap ang kahigayonan nga mahatag sa RTWPB ang gipangayo nga usbaw sa minimum nga suholan sa rehiyon 7 karong labor day. Ang board sec. sa Reg'l. Tripartite Wage and Productivity Board Grace Carreon niingon nga apiki na sa panahon ang pagtuki sa petition nga gisang at sa ALU. Matod niya nga basi sa balaod sud sa 15 diyas hatagan ug pagtagad ang gisang at nga petition, kini nagpasabot nga sa Mayo 5 mapupus ang gihatag nga tagal sa balaod. (Najib Cubio)

Nisaka ang presyo sa bugas mais ug balig dos pesos matag kilo.

Nipahamtang ug dos pesos matag kilo sa presyo sa bugas mais ang mga negosyante dinhi sa sugbo. Matod sa mga negosyante nga nisaka ang presyo sa ilang komprada sa bugas mais nga gikan sa davao. Wa pay katin awan ang Dept. of Agriculture labot sa pangangkon sa mga negosyante. (Najib Cubio)

Muduaw sa sugbo karong adlawa ang labawng hepe sa kapulisan sa nasud,P/Dir.Gen. Raul Bacalso.

Mao kini ang labing una nga pagtaak ni Dir. Gen. bacalso sa sugbo isip labing taas nga opisyal sa kapulisan sa nasud. Karong alas 9 sa buntag gipaabot ang pag abot sa PRO 7 ni Dir. Gen. Bacalso ug kaubanan. Siya makigtagbo sa iyang mga opisyal dinhi sa rehiyon 7. (Najib Cubio)

Kalihokan sa Labor Day Pormal nga Ipahibawo Ugmang Adlawa

Hingpit na ang pagpangandam sa Department of Labor and Empolyment dinhi sa Sugbo ug Central Visayas ang mga kalihokan sa pagsaulog sa Adlaw sa Mamumuo karong Mayo 1

Ang tigpamaba sa DOLE 7 Atty. Roy Buenafe miingon nga lakip sa kalihokan mao Agro Business Fair ug Raffle gawas sa naandang Job Fair nga ipahigayon sa dakbayan sa Talisay.

Matud ni Buenafe nga ang DOLE 7 mopatawag og press conference alas 9 ang takna ugma sa buntag Myerkules alang pagyag yag sa kinatibuk-ang kalihokan.

Ang presscon ugmang adlawa motuki sab sa mga programa alang sa pagsaulog sa "World Safety Day" alang sa mga mamumo.

Ilusad sab atol sa kalihokan ang programa nga "No to Plastic" pagdasig sa katawhan nga dili na mogamit og plastic pagpanalipod sa kalikupan. (June Berongan)

Calibration sa mga Taxi Units sa Sugbo Taposon na karong Sabado

Wa nay mga taxi nga i-calibrate sa Land Transportation Franchising and Regulatory Board kon LTFRB sa sunod semana.

Si LTFRB 7 Regional Director Ahmed Cuizon miingon nga taposon na ang pag calibration ug sealing sa mga taxi karong sabado.

Matud ni Cuizon nga miabut na sa dul-an sa 5 miel ka mga taxi ang ilang na calibrate sukad niadtong hinapos nga semana sa buwan sa Enero.

Apan may nahabiling kapin sa dos miel ka mga taxi ang wa ma calibrate tungod sa kwestyonabling mga dokumonto ug mga "dilapidated" o karaang mga sakyanan.

Dugang ni Cuizon nga gihatagan na na siya og kasiguroan sa Land Transportation Oiffice kon LTO hingusgan ang pagpanakop pagkapopos unya sa tagal.

Hinoon miingon siya nga mahimong ma calibrate pa kadtong mga taxi nga naglangan langan apan kinahanglan sila nga mobayad sa multa nga 5 miel pesos sugod sa lunes aron mahimong legal ang ilang pagkolekta sa 40 pesos nga flagdown rarte ug 3.50 matag kilometrahi. (June Berongan)

Publiko Gipaalerto sa mga Tinugyanan sa Panglawas batok sa AH1N1 Virus ning panahon sa Bakasyon

Gipangandaman na sa mga tinugyanan sa panglawas sa dakbayan sa sugbo ug sa kabisay-an ang gikabalak-ang pag ataki sa AH1N1 Virus ning pagsud sa summer.

Ang Asst. Epidemioligist sa Cebu City Health Department Durinda Macasucol miingon nga angay'ng monitoron ang kahimtang a panglawas sa mga "Balikbayan" nga ania na sa sugbo nagbakasyon.

Matud ni Macasucol nga adunay 30 miel ka mga vaccines batok sa AH1N1 ang anaa sa mga Barangay Hall sa 80 ka barangay sa dakbayan sa sugbo.

Gipasabut ni Macasucol nga dili angay'ng mokompyansa ang katawhan tungod kay panahon sa summer miigo ang daghang mga kaso dinhi sa nasud sa nakalabay'ng mga tuig.(June Berongan)

Signature Campaign Paghingan sa Mambaling Flyover og Sergio Damaso, Gisugdan Na

Ang mga Josenians nagsugod na sa pagkuha og perma alang sa pag awhag sa kagamhanan sa dakbayan sa sugbo ug sa National Historical Institute nga hinganlan ang bag-o lang natapos nga Mambaling flyover ngadto sa Sergio Damaso ang bantogang Scoutmaster sa University of San Jose Recoletos kon USJR.

Ang kanhi Chairman sa Dangerous Drugs Board Atty.Clarence Paul Oaminal miingon nga angay'ng yukboan ang gitisok nga mithi sa scouting nga maoy gibilin ni Damaso sa dili lang sa USJR apan lakip sa Scouting Community dinhi sa sugbo.

Matud ni Oaminal nga daghang mga Josenians nga mga opisyal sa barangay sa South distict nga mosuporta sa iyang sugyot.

Gipasabut ni Oaminal nga daghang mga Flyover dinhi sa sugbo ang way mga pangalan apan may mga pangalan ang tanang kadalanan.

Konsultahon pa hinoon ni Oaminal ang Department of Interior and Local Government kon DILG kon mahimo bang malakip ang mga Flyover ubos sa lagda sa pangpangan sa mga "Bridges" ubos sa Local Government Code.

Kon may babag sa nasudnong lagda hangyoon nalang ni Oaminal ang konseho sa syudad sa sugbo sa pagpalabang og Ordinansa nga hinganlan og Sergio Damaso flyover ang labing unang Flyover sa habagatang dakbayan sa sugbo. (June Berongan)



 

Gatusan ka Pulis og Tanod Ipakatap ugma sa Kadaugan sa Mactan

Gatusan ka mga Pulis og Tanod ang e deploy ugmang adlawang atol sa re-enacment sa Kadaugan sa Mactan. Matod ni Lapu Lapu City Police Director Senior Superintendent Anthony Obenza nga gawas sa PNP og mga tanod duna say pwersa sa Philippine Air Force nga motabang pag secure sa perimeter sa Liberty Shrine

 

Samtang alas 5:30 sa buntag ugma ipatuman na ang rerouting sa mga sakyanan nga padung ngadto sa Liberty Shrine. Si Lily Amplayo sa City Traffic Management System miingon nga ang tanan nga mga sakyanan dili na makalahos ngadto sa shrine og mo right turn sa kalsada nga padung sa barangay hall sa mactan dayon moliko sa wala padung sa angasil ug mogawas ngadto sa barangay punta engaño

 

Nidugang si Amplaya nga inig human dayon sa kalihokan ugma sa liber shrine buksan na dayon pagbalik ang kalsada nga padung sa shrine.

{Ferdinand D. Mañus)

OIC chief sa Talisay wala mabalakang marelibohan

Matud ni Talisay Police OIC Chief Errol Francis Deveyra nga wala siyay mahimo
kon marelibohan siya tungod sa pasangil batok kaniya pinaagi sa text.

Apan malaumon ang opisyal nga hatagan siya ug due process sa iyang mga kadagkoan
sa iyang gihulagway nga tataw nga minaomao lang nga pasangil batok kaniya.

Ang buhatan sa labawng pangulo sa PNP nakadawat og text message nga namasangil
kang Deveyra nga protektor ug nagdawatan og tong sa ilegal nga kalihokan sa
Dakbayan.

Matud ni Deveyra nakakuha na siya og certificate gikan kang Mayor Socrates
Fernandez ug mga kaparian sa simbahan pagmatuod sa iyang kaligdong pagdumala sa
Talisay Police.(Marlon Bellita)

TRS sa CCPO tabang sa tulis sa Consolacion ug Mandaue

Ang hepe sa TRS sa Cebu City Police Office Bonifacio Garciano mibutyag nga ang
mga responsable posebling nag-operate na sad sa Siyudad sa Sugbo.

Gisubay karon sa kapolisan kon dili ba usa lang ka grupo ang responsable.

Usa sa gisubay nga mga day-o nga mga tulisan ang naglihok sa metro cebu.

Ang pagtaptap o pagsul-ob ug helmet sa mga tulisan posebling tungod sa kahadlok
nga mailhan pinaagi sa cctv camera o tungod kay ilado na ang tulisan.

Matud ni Garciano duna na silay nga gidudahan apan padayon pa ang
kompermasyon.(Marlon Bellita)

Tulis sa Talisay mios-os

Sobra sa 50 porsiyento ang pagtidlom sa kasong pagpanulis sa Dakbayan sa Talisay
sulod sa buwan sa Abril.

Matud sa OIC Chief Errol Francis Deveyra posebling tungod sa sunodsunod nga
saturation drive sa kapolisan sa probinsiya ubos sa taytayan sa Mananga niislag
ang mga notadong elemento.

Hinoon ang lungkab ug kawat padayong problema sa kapolisan.

Padayon hinoon matud ni Deveyra ang ilang pagpatrolya sa palibot tungod sab sa
sunod sunod nga tulis sa metro cebu.(Marlon Bellita)

Tricycle driver nagkinahanglan og taripa pagpaumento sa pletehan sa Talisay

Kinanghangllang molokat una og taripa sa balor nga 10 pesos ang matag driver sa
dili pa mopatoman sa 8 pesos nga minimum nga pletehan.

Matud ni Talisay City Vice Mayor Alan Bucao nga ang taripa maoy basehan sa
pletehan paglikay nga maglalis ang driver ug ang pasahero.

Kadto lang mga dricycle nga dunay permit sa Siyudad ang makalukat og taripa.
 
Gibanabanang dunay 1,500 kapin kon kulang ka mga tricycle sa 4 mil nga
gibanabanang gidaghanon ang lehetimo nga nagdagan sa Dakbayan sa Talisay.(Marlon

Bellita)

Eastern Visayas wage Board hayan mag-una pag-aprobar sa wage increase

Posibleng mag-una ug kadawat sa usbaw sa sueldo ang mga trabahante sa Eastern Visayas.

Gibutyag ni Ciriaco Lagunzad, executive director sa National Wages and Productivity Commission nga magtagbo ugma ang mga sakop sa wage board, aron pagdesider sa kantidad sa usbaw.

Si Lagunzad miingon nga walay babag ang Eastern Visayas wage board sa pag-aprobar sa usbaw tungod kay 2008 pa katapusang silang nakahatag ug wage increase.

Midugang asi Lagunzad nga hayan sa dili pa ang Mayo uno duna nay desisyon ang eastern visayas wage board.(June Perez)  

 

Kainit sa Panahon Nakaapekto na sa kampanya batok sa Tipdas

Nakaapekto na ang padayong pagsaka sa temperatora sa programa sa Department of Health sa Central Visayas sa nagpadayong "door to door" nga pagpamakuna batok sa tipdas nga gisugdan niadtong Abril 4.

Si Regional Epidemiologist 7 Renan Cimafranca miingon nga adunay ng mga Health Workers nga nakasinati og ginagmay'ng kakulian sa panglawas epekto sa kainit sa panahon.

Malaumon hinoon si Cimafranca nga mahingpit ang pagsuroy sa tanang kabarangayan sa tunga-tungang kabisay-an sa unang semana sa buwan sa Mayo.

Samtang si DOH 7 Dirctor Dra.Susana Madarrieta miingon nga bisan pa sa tulo ka mga kampanya sa "mass measles immunization" niadtong 1998, 2004 ug 2007 padayong misaka ang kaso gikan sa tuig 2008 hangtud karon.

Ang programa nga giulohan og "Iligtas sa Tigdas ang Pinas" nagtinguha nga makab-ot ang 95% o 1.4 ka mga bata nga nagpangedaron gikan sa 9 ka buwan hangtud na sa 7 nga mabakunahan batok sa tipdas.

Ang Probinsya sa Siquijor maoy  adunay labing taas nga kaso sa tipdas sa Central Visayas. (June Berongan)

Mga Kinawat nga Appliances Na Recover

Gi-awhag karon sa Kapolisan sa Dakbayan sa Lapu Lapu  ang mga biktima sa pagpanglungkab niadtong semana santa sa pag bisita sa ilang buhatan kini human nga naka recover sila og mga LCD TV, Laptop, DVD Player, Subwoofer og mga cellphone gikan na sa mga nakapalit ini. Si SP03 Frederick Eslit miingon nga niadtong Abril 22 ilang nasikop sila si Niel Lanoy, Arnel Sagarino og Bobby Sitoy

Ang tulo maoy suspek sa mga pagpanglungkab didto sa barangay marigondon lapu lapu city niadtong seman santa. Sa dihang gisukit sukit sa kapolisan ang tulo mitug-an kini sa ilang gibaligya-an sa mga appliances. Matod pa ni Eslit nga dili ra duha ka tao ang tag-iya aning mga appliances kundili sobra pa sa lima. Matod pa ni Eslit nga posible sad nga mag atubang kasong kalapasan sa anti fencing law ang mga tao nga mipalit sa mga kinawat nga butang.
(Ferdinand D. Mañus)

Konseho sa Poblacion Lapu Magpatabang ni Kongresista Radaza

Ang Chairman sa Committee on Finance sa Barangay Poblacion Kagawad Rex Mangubat mangayo na karon og tabang ngadto kang Kongresista Arturo Radaza labot sa problema sa drainage diha sa sitio mahogany barangay poblacion

Matod pa ni Mangubat nga ang paghimo og drainage system diha sa sitio mahogany maoy permanente nga solusyon sa  problema diha sa sitio mahogany. Matod pa ni Kagawad Mangubat sa pagkakaron ila nalang gihuwat nga ma release ang budget nga 70,000 ka pesos aron gamiton sa paghimo og mga Cistern Tank aron temporaryong mosawo  sa tubig nga moawas gikan sa mag kanal kanal diha sa sitio mahogany.
(Ferdinand D. Mañus)

d pa kuhaon sa coast guard ang mga passenger assisstance center sa mga pantalan samtang nangabot ang mga bakasyonista.

Hightened Alert Status sa Lapu PNP Gilugwayan

Gilugwayan hangtod karong tapos buwan ang Hightened Alert Status sa Kapolisan sa Dakbayan sa Lapu Lapu. Ang Director sa Lapu Lapu City Police Office Senior Superintendent Anthony Obenza miingon nga human sa pag oserbar sa semana santa dunay sunod sunod nga kalihukan ang dakbayan sa lapu lapu

Sama sa Kadaugan sa Mactan karong Abrll 27 og ang Kadaugan Street Party karong Abril 29 0g 30. Matod pa si Obenza nga wala hinuon silay nadugang nga  organic personnel apan iyang e maximize ang deployment sa kapolisan sa mga kalihukan sa Kadaugan sa Mactan, Sa wapa ang semana santa gisaka sa kapolisan ang Hightened Alert Status subay sa pagtima-an sa semana santa.
(Ferdinand D. Mañus)

Pasko sa pagkabanhaw sa Talisay malinawon

Mipadayag og kahimoot ang OIC Chief sa Talisay Errol Francis Deveyra sa
malinawon nga pagtimaan sa adlaw sa pasko sa pagkabanhaw sa miaging dominggo.

Gawas sa naandan ng sugat sa simbahan naghuot sab ang bagang tawo sa mga beach
resort sa Talisay tibuok adlaw gahapon.

Gawas sa lang sa mga alarma sa hubog walay mga dagkong kaso nga girespondihan
ang kapolisan.

Si Inspector Ricardo Echavez nga maoy officer of the day sa easter sunday
mihulagway nga nakatabang ang gidistinong mga polis sa kabaybayonan ug ang
nagpatrolyang mga sakop sa Fiseca sa kadagatan pagmintinar sa kahusay ug kalinaw
og pagmonitor paglikay sa disgrasya.(Marlon Bellita)

OIC sa Talisay Police nakontrobersiya

Gipaubos sa imbistigasyon ang OIC Chief sa Talisay Police Station P/Senior
Inspector Errol Francis Deveyra tungod sa pasangil nga nagdawat kini og tong ug
tigpanalipod sa ilegal nga mga kalihokan sa Dakbayan.

Ang pasangil nadawat sa buhatan mismo sa Chief PNP pinaagi sa text.

Sa iyang bahin matud ni Deveyra klaro nga pagpanaot lang ang maong pasangil
gikan sa wala magpaila nga tinubdan.

Nagduda si Deveyra posebling dunay mga tawong wala makauyon sa iyang pagpadagan
sa kapolisan sa Talisay nga maoy nagtinguha pagdaot kaniya.

Mipadayag og kaandam si Deveyra pag-atubang sa imbistigasyon.

Matud ni Deverya dunay text nga iyang nadawat nga namasangil niya nga wala siyay
nahimo sa problema sa land dispute sa Barangay Lawaan kansang text mipasangil
sab nga tigpanalipod siya sa mga ilegal nga kalihokan.

Hinoon matud ni Deveyra dili sab siya makatumbok ni bisan kinsa pinaagi lang sa
moang text.(Marlon Bellita)

Drayber sa PUJ Gipusil Patay

Nitabang ang drayber sa iyang konduktor sa pagpakanaog sa tulo ka pasahero nga nisakay sa dihang napusilan ug namatay ang drayber nga si Russel Agbon 20 anyos nga taga Negros occidental alas 4 kaganihang hapon.
Tulo ka mga lalaki ang nikapyot sa PUJ nga gimaneho ni Agbon pag-abot sa may Osmeña Blvd. Apan nagtuo ang konduktor nga di mamlite ang tulo hinungdan nga iyang gipakanaog.
Nasuko ang tulo hinungdan nga nahitabo ang nilayugay diin niapil ang drayber ug siya maoy napusilan sa dughan. Patay na pag-abot sa tambalanan si Agbon, samtang wa pa madakpan tulo ka suspect. (RC Dalaguit)

Mangunguot Namiktima Atol sa Sugat sa Minglanilla

Tulo lamang sa daghang nawad-an sa ilang cellphones ang nireport sa kapulisan sa lungsod sa Minglanilla atol sa ilang pagtambong sa Sugat-Kabanhawan atol sa Dominggo sa Pagkabanhaw.

Sa kinatibuk-an gihulagway gihapon sa kapulisan ang Sugat 2011 nga nagmalinawon. Mga hubog nga nanghasi maoy kasagarang gitubag nga alarma sa kapulisan.

Gipakatap ang mga tourist police sa tulo ka mga barangay sa Lapu-Lapu diin dunay daghang mga resorts, hugot nga seguridad gipatuman usab sa kadagatan sa Talisay. (RC Dalaguit)