DYAB mohatag og relief goods sa mga biktima sa landslide sa Naga

Gikatakdang mohatag ang DYAB og relief goods sa mga pamilya nga naapektahan sa
midahili nga yuta sa Naalad Siyudad sa Naga.

Mapasalamaton si Mayor Valdemar Chiong nga naapil ang mga molopyo sa relief
campaign nga gipasiugdahan sa DYAB ABS-CBN Cebu.

26 ka pamilya ang apektado sa pagdahili sa yuta nga kasamtangan karong
nanghikling tabok sa sapa aron pagsiguro nga dili na maigo sa higayon nga dunay
laing pagdahili.

Gipadad-an sila og tolda sa sa Siyudad sa Naga nga kasamtangan nilang gipuy-an.

Giabaga sab sa City Social Welfare Development ang pagkaon sa mga biktima.
(Marlon Bellita)

Mayor Val Chiong mibisita sa mga biktima sa landslide

Personal nga gibisita ni Naga City Mayor Valdemar Chiong ang mga biktima sa
pagdahili sa mga bato sa Sitio Crossing Naalad sayo ganihang buntag.

Tumong sa pagbisita ang pagsusi kon angayan pa bang ipabilin ang mga molopyo nga
naapektahan o kinahanglan na silang ibalhin ug laing lugar.

Si Mayor Chiong mismo nakadisisyon nga dili na gyud angayan nga magpabilin ang
mga apektado sa maong lugar.

Dili mo minus 26 ka panimay ang peligro sa lain pa unyang pagdahili.

Ang 26 ka pamilya gipasaligan sa Mayor nga iyang hatagan og tag 10 mils pesos
nga hinanabang pinansiyal og lakip na ang paghanghyo sa nagdumala sa luna nga
ilang balhinan.

Ang luna sa Hospicio de San Jose duol ra sab sa lugar ang napili sa Mayor nga
angayan nilang balhinan.

Mitataw hinoon ang Mayor nga kutob ra gyud sila sa paghangyo og dili sila
makapugos sa nagtikad sa luna. (Marlon Bellita)

TRO sa pagbalhin sa merkado tukion sa mga opisyal sa Talisay

Apil sa hisgutan atol sa department heads meeting karong adlawa sa Dakbayan sa
Talisay ang nakuhang TRO sa mga vendors pagbalhin sa merkado sa Barangay
Lagtang.

Matud ni Talisay City Administrator Ritchel Bacaltos gihatagan sila sa korte ug
15 ka adlaw pagtubag sa isyu.

Malaumon ang administrador nga mahinayon ang pagbalhin sa merkado sa Tabunok
ngadto sa Barangay Lagtang nga subli niyang gihulagway nga makahatag og mas
dakong kaayohan sa kinatibok-an sa Siyudad.

Ang TRO giluwatan sa korte human mapakyas pagpresentar ang kagamhanan sa Talisay
nga duna nay pagtugot gikan sa konseho ang pagsira og ang pagbalhin sa operasyon
sa merkado.

Matud ni Bacaltos gisiguro lang sa konseho nga mahatag una ang tanang
gikinahanglan sa pagbalhin una ipalabang sa konseho ang resulosyon. (Marlon
Bellita)

40 ka Pamilya Nasunugan

Nibuto nga electric fan maoy gitan-aw nga hinungdan sa sunog nga nahitabo sa Sitio Bugnay, Barangay Labangon sa Dakbayan sa Sugbu.   Naugdaw ang 27 ka mga panimay nga gama sa light materials diin nagpuyo ang 40 ka pamilya.   Nadawat sa kabomberuhan ang alarma sa sunog alas 3:05 sa hapon ug nakontrolar ni sud sa 20 minutos.   Mikabat og  260mil pesos ang danyos sa sunog nga naisa ngadto sa 2nd alarm.  (RC Dalaguit)

3 anyos nga batang babae gi among-amongan sa 4 ka mga bata.

Padayon nga giimbistigar sa kadagkoan sa Brgy. Casili sa Dakbayan sa Mandaue human nga nasakpan kagahapong adlawa ang 4 ka mga batang lalaki nga ni among-among sa usa ka 3 yrs. nga batang babae. Ang Brgy. Tanod nga si Mateo Samargo nisugilon sa DYAB Radyo Patrol karong buntag nga nasakpan sa akto sa iyang mga silingan ang mga bata nga nagpangidaron ug 8, 7, 6, ug 4 nga nagbinastos sa 3 anyos nga batang babae. Matod ni Samargo nga ugmang adlawa ipahigayon ang husay sa sud sa Brgy. Hall aron mahilot ang kasungian sanglit ang ginikanan sa upat ka mga bata nasuko ngadto sa mga tawo nga nibadlong sa gibuhat sa mga bata. Nagtoo si Samargo nga naimpluwensyahan ang 4 ka mga bata sa mga law-ay nga mga pasundayag sa internet ug sa mga telibisyon. ( Najib M. Cubio )

Barcelona kampyon sa UEFA Champions League batok sa Manchester United.

Padayong nagselebrar ang gatosan ka libo nga mga fans sa Barcelona human nga ilang nasakmit ang ilang ika duha nga kampyonato sa UEFA Champions League batok sa mas paborito nga Manchester United. Nagtinabangay sila si Pedro, Lionel Messi, ug si David Villa sa pagpasud ug goal aron sa pagposte ug kadaugan batok sa Manchester United pinaage sa iskor nga 3-1. Bugtong si Wayne Ronnie lamang sa Man U ang nakapasud ug goal. Wa pay pahuway ang mga fans sa Barcelona sa paghudyaka ug pagselebrar.   ( Najib M. Cubio )

Pulis woman nga nakapatay sa iyang bana nga hubog makagawas na sa bilanggoan.

Hayan makagawas na sa bilanggoan ang pulis woman sa Lungsod sa Cordova nga nakapatay sa iyang kaugalingong sud sa ilang panimay sa Brgy. Alegria, Cordova. Kini human nga wa nay interes ang pamilya sa namatay nga si Elmar Amoren batok  ni PO1 Chona Amoren. Sigon ni PO2 Manfred Maarat sa Cordova Pulis Station nga ang mga kabanay ni Elmar wa mupakita ug interes sa pagpasaka ug kasong kriminal batok sa ilang umagad nga pulis. Nagkanayon si PO2 Maarat nga posibling makagawas na sa bilanggoan ang pulis woman. Nasayran nga napatay kagahapong adlawa ni PO1 Amoren ang iyang bana human sa ilang pag inilogay sa armas de fuego ug aksidente kining niboto ug niigo sa tiyan ni Elmar samtang sila nag away tungod sa kahubog sa iyang bana. ( Najib M. Cubio )

PAGASA nipahimangno sa padayong pag uwan-uwan bisan pa ug wa na ang bagyong Chedeng.

Bisan pa man ug nakagawas na sa nasud ang bagyong Chedeng sa nasud apan padayon nga nipahimangno ang  PAGASA sa publiko nga padayon nga masinati ang pag uwan uwan. Suma sa PAGASA nga gihigop sa pwersa sa bagyo ang kulyada sa Habagat nga maoy nipasuwabe karon sa kabisay an ug sa Mindanao. Nagkanayon ang PAGASA nga peligro ang dagko nga bawd alang sa mga gagmay nga sakyanan sa dagat ilabi na sa mga baroto nga panagatan.   ( Najib M. Cubio )

Wa gihapoy nakadaog sa jackpot sa 6/55 Grand Lotto.

Wa na say nakabulsa sa kapin sa 300 milyones ka pesos nga premyo sa 6/55 Grand Lotto nga gibola kagabie. Kana maoy gipahibawo sa Phil. Charity Sweepstakes Office PCSO. Matod sa PCSO nga ang swerting kombinasyon mao 1-22-27-49-41-43. Gipaabot nga mas muburot pa ang premyo sa jackpot sa sunod nga bola. ( Najib M. Cubio )