Coastguard nangandam na sa Semana Santa

Hingpit na ang pagpangandam sa Philippine Coastugard sa pagdagsa sa mga pasahero nga mamauli alang sa semana santa.

Ang mga local shipping companies, ship owners, motoerboat operators, port authorities, Maritime Industry Authority ug Philippine National Police Maritime group miawhag sa mga pasahero nga kinahanglan anaa na sa pantalan duha ka oras sa dili pa ang departure time.

Ang Active Public Assistance Centers ipahimutang sa pantalan gikan sa Abril 15 hangtud sa 26.

Gawas sa Assistance Center ipaktap sab ang mga sea marshals, blue guards, Special Operations Group ug K9 personnen ug Special medical Assistance Response Teams. (June Berongan)

RTWPB 7 Magtagbo Sunod Semana

Magtagbo karong hwebes sa sunod semana ang Regional Tripartite Wages and productivity Board (RTWPB) pagtuki sa giduso nga umento sa suhulan sa mga mamumuo sa tunga tungang kabisa-an.

Si DOLE7 Acting Regional Director Exequil Sarcauga miingon nga ang Wage Board magtagbo sa matag ikaduha ug katapusang Huwebes matag buwan.

Ang Wage Board nagtinguha sab pagdapit sa mga opisyal sa Department of Energy ug Department of Trade and Industry alang sa katin-awan sa presyo sa lana ug nag-unang mga palaliton.

Ang kahugpongan sa pamuo mitumbok sa padayong pagsaka sa presyo sa lana nga basihanan sa pagpangayo sa umento sa suholan.

Ang mga magpapatigayon sa sugbo nabalaka nga modaghan ang mga way trabaho kon aprobahan ang uminto sa suhulan. (June Berongan)

Medical ug Dental Mission sa mga Beterano

Gitiman-an karong adlawa ang Araw ng Kagitingan.

Sa dakbayan sa Sugbo, ang kalihokan gibuksan sa santos nga misa, gisundan sa floral offering sa Veterans marker sa Plaza Independencia nga gitambongan sa mga beterano sa ikaduhang gubat sa kalibutan.

Lakip sa mitambong mao ang mga department heads sa kagamhanan sa dakbayan nga gipangulohan ni Cebu City Mayor Michael Rama u gang pangulo sa Central Command

Si Rama nangindahay nga sama sa karaang dapit nga gipakigbisogan sa mga beterano, ang mga Sugboanon mopakita sa pagpangga sa nasud sama sa kaandam sa pagpanglimpyo sa palibut.

Subling gidasig sa mayor ang mga Sugboanon pagpaluyo sa "No segregation, no collection policy."

Mihingpit sa kalihokan ang Medical ug Dental Mission sa Cebu City Medical Center ug City Health Department alang sa mga beterano ug senior citizens. (June Berongan)

Coastguard Andam Na sa Semana Santa

Hingpit na ang pagpangandam sa Philippine Coastugard sa pagdagsa sa mga pasahero nga mamauli alang sa semana santa.

Ang local shipping companies, shipowners, motorboat operators, Maritime Industry Authority ug Philippine National Police Maritime group miawhag sa mga pasahero pag-adto sa pantalan duha ka oras sa di pang departure time.

Ang Active Public Assistance Centers ipahimutang sa pantalan gikan sa Abril 15 hangtud sa 26.

Gawas sa Assistance Center ipaktap sab ang mga sea marshals, blue guards, Special Operations Group ug K9 personnen ug Special medical Assistance Response Teams. (June Berongan)

Polis nga Nasakpang Nangabit Ikiha

Ipaubos sa Adimistrative Investigation ang usa ka polis nga minyo nga nasakpang nakigdug og laing babaye didto sa lungsod sa Sibonga.

Si Acting Cebu provincial Police Director Patrocinio Commendador miingon nga si P01 Bernardo Banugon posibling mapasakaan sab og kasong criminal tungod sa kalapasan sa Akta Republika 9262 o Violence Against Women and Children.

Si Banugon nasakpan sa kapolisan didto sa ilang ancestral house sa barangay Bahay sa lungod sa Sibonga uban sa iyang hinigugma nga si Trishia Rendon.

Ang asawa ni Banugon daling nagpatabang sa kapolisan human sa iyang pagduda nga nagbinuang gyud ang iyang bana.

Samtang ang hepe sa kapolisan sa lungsod sa Argao miingon nga si Banugon taud taud nang wa motunga sa iyang trabaho, gani gipaubos na imbestigasyon tungod sa kanunay'ng pagpalta sa iyang gimbuhaton. (June Berongan).

Anak og Reporter Nailad

Nailad sa upat ka mga lalaki ang anak lalaki ni Sunstar news writer Garry Cabotaje pinaagi sa pagpatuo nga nipalit ug lima sakong yuta ang iyang inahan.

500 ang balor matud pa sa lima ka sako apan nadungagan pag laing 500 ang nakuha kay 1 ka libo man ang natunol sa bata sa mga wa mailhing lalaki.

Gialerto ron sa kapolisan ang publiko nga magbantay sa maong matang sa mudos. (Marlon Bellita)

Gipasanginlang Nagpayuhot ug Shabu Nadakpan

Nasikop ang usa ka Rammil Racaza nagpuyo ilawm sa taytayan sa mananga sa Tabunok, Dakbayan sa Talisay sa buy bust operation.

Mga sakop ni Talisay OIC chief Errol Francis Deveyra maoy nakadakop sa suspetdado nga naimbargohan og duha ka pakiteng shabu og sa 500 nga mark money. (Marlon Bellita)

Lawaan Public School palamboon

Pinangulohan sa usa ka pare nga aleman Pader Ulrich Schlect ug Provencial
Officer sa Departamento sa Agrikultura Maria Lourdez Mariano himoong sama og
privado nga universidad ang mga edipisyo sa tulonghaan sa Lawaan I.

Pinaagi sa tabang sa kumunidad Matud ni Mariano dili imposeble ang maong damgo
nga sugdan na ang unang hugna sa tulo ka andanang edipisyo nga dunay 17 ka mga
klasrom karong buwana. 

Duna hinooy counter part ang Deped matud ni Talisay School Superentendent
Moodrew Denuyo sa maong plano apan gamay lang sa kinatibuk-ang plano pagpalambo
sa tulonghaan.(Marlon Bellita)

Elementay ug High School sa Lawaan giusa na

Usa na lang ang principal sa Elementarya ug Segundarya sa Barangay Lawaan I sa
Dakbayan sa Talisay.

Matud ni Talisay Deped Woodrew Denuyo tumong ini ang pagminus sa burokrasya ug
pagamit sa ubang mga opisyal sa ubang tahas.(Marlon Bellita)

Suspects Pagpatay ni P01 Manggubat Gawasnon Gihapon

Sa laing higayon napakyas na sab ang kapolisan pagsikop sa tulo ka suspetsadong tulisan nga mipusil patay kang Po1 William Mangubat.

Nakadawat na sab og impormasyon ang kapolisan sa presensiya sa tulo bukiran sa Talisay apan wala gihapon maabti sa kapolisan. (Marlon Bellita)

Way Sukiay

Mao ni tambag sa Department of Energy (DOE) sa pagpili sa mga motorista og gasoline stations nga kapatubilan.

Matod ni DOE 7 Director Antonio Labios angayng magsusi ang mga motorista sa gasoline stations nga labing barato ang presyo ug labing maayo ang kalidad sa lana.

Gihangop ni Labios ang sugyot nga ilang ipublikar ang presyo sa nagkalainlaing gas stations apan kuwang sila sa mga kawani pagpatuman ini.

Nipasabot sab si Labios nga ang pagbalhin-balhin og patubil og lana makatabang sa paglimpiyo sa mga makina sa mga sakyanan, ma-rpibado man o pamasahero.  (Leo Lastimosa)