6 ka sakop sa pamilya, namista, nalanag sa gi-bring house nga inasal

Nagsuka-suka ug naglain ang ginhawaan sa 6 ka sakop sa pamilya nga naglakip sa tulo ka mga bata human mikaon sa gi bring house nila nga lechon ug humba.

Si Assistant Cebu City Epidemiologist Durinda Macasucol miila sa mga biktima nga nadala sa Cebu City Medical Center nga sila si Alfredo Hugan, 51 anyos, Evelyn hugan, 45, Hugan Adelfa, 9, Hugan Amor, 8, Sabandal Kim Jay, 2 ug Elisa Sabandal 23 nga pulos molopyo sa sitio Capakulan sa barangay labangon sa dakbayan sa sugbo.

Si Macasucol miingon nga ang mga biktima gipadad-an og humba ug lechon sa ilang gipamistahan sa usa sa mga barangay sa probinsya sa sugbo nga ginganlan og Caguyong.

Dugang ni Macasucol nga gikaon ang humba ug lechon nga wa inita hinungdan sa ilang pagkalanag.

Anaa na hinoon sa luwas nga kahimtang ang mga biktima human makagawas sa CCMC.(June Berongan)