Amerikano Napalgang Patay sa Lapu

Nakapadala na og kopya sa spot report ang Kapolisan sa Lapu Lapu
ngadto sa Embahada sa America labot sa kamatayon sa ilang usa ka
national.

Ang amerikanong si Jerom Henry Schober 53 anyos napalgang patay nga
naglingkod sa sofa sud sa gi-abangan nga apartment didto sa barangay
pajac lapu lapu martes sa hapon.

Way nakita nga timailhan sa foul play gikan sa patayng lawas ni
Schober. Sa imbestigasyon sa kapolisan ilang nasayran nga nag-inusara
ra ang amerikano diha sa iyang apartment.

Nakahipos usab og kasayuran ang kapolisan gikan sa mga silingan ni
Schober nga duna kiniy sakit nga diabetes.

(Ferdinand D. Mañus)