Mga Bus Operators sa Probinsya sa sugbo mangayo sab og fuel subsidy sa gobyerno

Nanawagan karon ang kahugpongan sa mga Bus operators sa probinsya sa sugbo nga apilon sila sa 450 ka milyon ka pesos nga fuel subsidy sa gobyerno.

Ang usa sa mga opisyal sa kahugpongan sa mga operators Alfonso Corominas 111 miingon nga angay'ng tan-awon sa gobyerno nga sila ang labing daku og kunsomo sa krudo kansang presyo padayong misulbong.

Matud ni Corominas nga napugos sila sa pagkolekta sa orihinal nga plitehan nga giaprobahan niadtong tuig 2008 tungod sa padayong pagsaka sa presyo sa lana.

Si Presidente Aquino mipirma na sa usa ka executive order nga naggahin og 450 miyones pesos nga subsidy alang sa mga puj ug mga trisikol. (June Berongan)