Pagtudlo sa Katawhan Labing Lisod

Ang pagkumbinser sa mga Sugbuanon sa dakong kaayuhan sa garbage segregation maoy labing dakong hagit nga giatubang karon sa kadagkoan sa Dakbayan sa Sugbo.

Matod ni Cebu City Councilor Nida Cabrera, pangu sa committee on environment, kinahanglang hingusgan ang kampanya pagpahibawo sa katawhan sa labing tukmang mga paagi paghipos sa basura.

Sa interview sa TV Patrol Central Visayas, si Cabrera niingon nga masaligon hinuon siyang molampos ang "no segregation, no collection policy."

Si Cabrera nga maoy nangu sa nahaunang kampanya sa Bo. Luz, nitug-an nga di sayon ang ilang kalamposan apan ang ilang determinasyon ug panaghiusa maoy nakapalambo sa panginabuhi sa mga molupyo pinaagi sa basura.  (Leo Lastimosa)