Kompaniya sa plastic San Isidro Talisay gisupak sa mga residente

Mipaluyo ang komitiba sa Environment Protection, Wildlife Ecology and Natural
Resources Management sa konseho sa Dakbayan sa Talisay sa kawsa sa mga residente
sa San Isidro nga supakon ang operasyon sa usa ka kompaniya sa plastik.

Ang suporta sa komitiba gihimo human sab mopadala og Barangay resulotion ang
Barangay San Isidro nga midason sab sa pagsupak sa mga residente.

Sa pakisusi sa komitiba nasuta nga ang maong kompaniya mao ni ang kanhi
kontrobersiyal nga ISJ plastics nga gipasirad-an sa hingpit pinaagi sa executive
order ni Mayor Socrates Fernandez.

Giilisan lang og bag-o nga ngalan nga buot na sab nga mokuha og permiso sa
Siyudad.

Ang ISJ gireklamo sa mga residente tungod sa kabaho sa operasyon nga
gikabalak-ang makadaot sa panglawas sa mga molopyo.

Ang Barangay mao hinooy gitahasan sa komitiba paghimo og pasiunang mga lakang
pagbabag sa operasyon sa maong kompniya. (Marlon Bellita)

Joavan mipasabot dili niya tuyo likayan iyang kaso

Sinagop ni Mayor Socrates Fernandez nga si Joavan mipasabot wala lang siyay
tumong nga dili atubangon ang kaso sa drugas nga iyang giatubang.

Wala siya mapadad-i ug notisya bisan ang iyang abogado hinungdan nga wala sila
makatambong sa husay.

Gibasol sa batan-aong Fernandez ang Surity Bond Company nga moay napakyas
pagpahibalo nila.

Matud ni Joavan gihikay na hinoon sa iyang abogado ang pagpasabot sa korte.

Nanghinaot lang si Joavan nga dili gamiton sa kapolisan ang bench warrant
samtang gihatagan pa og higayon ang iyang kampo pagpasabot sa ilang kapakyas
pagtambong. sa husay. (Marlon Bellita)

Crime Clock ipatuman sa police visibility sa Talisay

Hepe sa Talisay City Police Station Chief Inspector Eddie Ricamara buot nga
ideploy ang mga sakop sa Field Training Policemen pinaagi sa crime clock.

Nagpasabot ni nga kon unsang orasa nga taas ang krimen adto ipakatap ang mga
polis.

Kini aron mamaximize ang 17 ka mga sakop sa FTP nga gidistino karon sa Dakbayan
sa Talisay.

Miangkon si Ricamara sunod sunod ang alarma dihang gikuha ang gisundan nga grupo
sa FTP sa nga gidistino sa Siyudad.

Malaamon si Ricamara nga pinaagi sa mga nadugang nga polis makatabang ni
pagpakgang sa mga notadong emento paghimo og operasyon. (Marlon Bellita)