DYAB Cebu News: Cebu's latest news gathered by DYAB AM, the Philippines' best AM station according to the Catholic Mass Media Awards (CMMA) and Kapisanan ng mga Brodkaster ng Pilipinas (KBP) Golden Dove Awards.
Matud sa City Treasurer sa Talisay Emma Macuto miabot na sa 500 ka mga tricycle operator ang nakakuha sa benipisyo.
Dunay 1,746 ka mga rehistradong tricycle sa Siyudad.
Matud ni Macuto nga sa gidaghanon sa mga tricycle operator nga mikuha sa pantawid pasada matag-adlaw malaumon siyang makuha gyud ang tanan sa gikatakdang panahon.
Matud ni Macuto nga gawas lang sa mga nadungog nga bagolbol walay tricycle driver nga pormal nga mireklamo nga wala hatagi sa 150 sa iyang operator. (Marlon Bellita)
Ang 56 anyos nga negosyante nakit-an na lang nga nagbuy-od sulod sa pansayan sa balay nga iyang gipuy-an.
Ang higala niini nga usa ka Liza Empleo nga taga Siyudad sa Sugbo maoy nakadiskobre sa iyang patayng lawas uban sa kapolisan sa Talisay pasado alas 4 sa hapon.
Si Empleo nangayo og pakitabang sa kapolisan dihang wala na motobag sa text ug tawag sa cellphone ang negosyante.
Giatake na makaduha ka higayon matud pa si uy.
Hangtod karon wala pay mga tagtongod sa namatay nga mipatim-aw sa buhatan sa kapolisan. (Marlon Bellita)
Human matud pa ni Talisay City Administrator Ritchel Bacaltos nga ila nang gitubag ang mga demanda sa mga apektadong vendors.
Kon wala nay laing mga kakulian ang petsa sa pagbalhin gikatakda na karong Agusto 23 ngadto sa Agusto 28.
Nagpasabot ni nga sa petsado 29 sirado na ang operasyon sa merkado apil na ang terminal sa mga tricycle.
Subling gipahibalo ni Bacalos nga way lakang ang Siyudad pagamit og pwersa sa pagbalhin.
Apan giklaro sa opisyal nga taliwa sa pabilin pang isyu sa mga misupak nga vendors sa lakang dili na kapugngan ang desisyon sa Dakbayan. (Marlon Bellita)
Ang administrador sa Siyudad Ritchel Bacaltos mibutyag nga ang paghatag og kasayon sa mga magbubuhis sa bisan unsa nilang katoyoan ang tumong sa maong lakang.
Gawas sa complaint form duna say porma alang sa mga sugyot, rekomendasyon ug pagdayeg.
Kinahanglan gyud hinoon nga ibutang ang ngalan sa hingtungdan nagreklamo aron dili kalikayan nga mabinoangan ang usa ka departamento o mga kawani.
Matag semana susihon ang tanang mga porma aron mahisgutan atol sa department heads meeting matag lunes ang tanang isyu.
Tumong sad sa lakang ang pagpakita sa mga kawani nga seryoso ang administrasyon pagsunod sa mga kalihokan sa matag buhatan. (Marlon Bellita)
Ang suporta sa komitiba gihimo human sab mopadala og Barangay resulotion ang
Barangay San Isidro nga midason sab sa pagsupak sa mga residente.
Sa pakisusi sa komitiba nasuta nga ang maong kompaniya mao ni ang kanhi
kontrobersiyal nga ISJ plastics nga gipasirad-an sa hingpit pinaagi sa executive
order ni Mayor Socrates Fernandez.
Giilisan lang og bag-o nga ngalan nga buot na sab nga mokuha og permiso sa
Siyudad.
Ang ISJ gireklamo sa mga residente tungod sa kabaho sa operasyon nga
gikabalak-ang makadaot sa panglawas sa mga molopyo.
Ang Barangay mao hinooy gitahasan sa komitiba paghimo og pasiunang mga lakang
pagbabag sa operasyon sa maong kompniya. (Marlon Bellita)
Wala siya mapadad-i ug notisya bisan ang iyang abogado hinungdan nga wala sila
makatambong sa husay.
Gibasol sa batan-aong Fernandez ang Surity Bond Company nga moay napakyas
pagpahibalo nila.
Matud ni Joavan gihikay na hinoon sa iyang abogado ang pagpasabot sa korte.
Nanghinaot lang si Joavan nga dili gamiton sa kapolisan ang bench warrant
samtang gihatagan pa og higayon ang iyang kampo pagpasabot sa ilang kapakyas
pagtambong. sa husay. (Marlon Bellita)
Nagpasabot ni nga kon unsang orasa nga taas ang krimen adto ipakatap ang mga
polis.
Kini aron mamaximize ang 17 ka mga sakop sa FTP nga gidistino karon sa Dakbayan
sa Talisay.
Miangkon si Ricamara sunod sunod ang alarma dihang gikuha ang gisundan nga grupo
sa FTP sa nga gidistino sa Siyudad.
Malaamon si Ricamara nga pinaagi sa mga nadugang nga polis makatabang ni
pagpakgang sa mga notadong emento paghimo og operasyon. (Marlon Bellita)
Gisugdan na sa pagsusi sa kapulisan didto sa kaulohan ang mga lawak saringanan usa ka adlaw sa di pa mubukas pagbalik ang klase. Ang kapulisan nabalaka sa seguridad sa mga tinun an sa ilang pagbalik ug sud sa ilang mga klase ugmang adlawa subay sa namatikdan nga nangatumpag nga mga kural sa uban nga mga skwelahan. Buot nga makaseguro ang kapulisan nga di madali dali sa pagsud sa mga kiriwan ug kamot ang mga compound sa mga tunghaan aron usab di mamiligro ang mga studyante sa ilang pagtuon. Ugmang adlawa sayo ipabaha sa kapulisan sa kadalanan tungod sa mga tunghaan aron di makahuego ang mga mangingilad ug mga karawatan nga mamiktima sa mga studyante. ( Najib M. Cubio ) |
Ipabaha sa kapulisan sa dakbayan sa sugbo ang gatosan ka mga pulis ugmang adlawa sa pagbukas sa klase. Ang mga sakop sa T.R.S. sa Cebu City Police Office pinangulohan ni P/C. Insp. Bonifacio Garciano karon pa lamang adlawa naglibod suroy na sa kadalanan aron sa pagpangita sa mga notado nga criminal aron din a kini sila makapamiktima sa mga tinun an sa pagbukas sa klase ugmang adlawa. Matod ni Maj. Garciano nga ila na usab nga gipalihok ang mga intelligence operatives aron sa pagmonitor kon aduna bay nangabot nga mga dayo nga mga kiriwan ug kamot dinhi sa sugbo. Subli nga gipahimangnoan ni Maj. Garciano ang mga ginikanan ug mga studyante nga di magdala ug daghan nga mga kabtangan sa ilang pagtungha ugmang adlawa sa pagbukas sa klase. ( Najib M. Cubio ) |
Way gitugutan nga sakop sa CITOM nga makaday off o makaleave ugmang adlawa sa pagbukas ug balik sa klase. Si Richie Famador sa City Traffic Operations Management kon CITOM nitug an sa DYAB Radyo Patrol nga ipakatap ugmang adlawa ang tibuok pwersa nila sa kadalanan. Matod ni Famador nga ang mga tugkaran sa mga skwelahan maoy ilang gitotokan aron makagiya sa mga motorista. Gipanglantawan sa CITOM ang paghuot sa kadalanan ilabi na sayong takna sa kabuntagon. ( Najib M. Cubio ) |
Ilubong na karong buntag ang magpapatigayon nga napatay sa Brgy. Talamban niadtong nakalabayng semana. Si Randy Librando kinsa gipatay sa wa pa mailhi nga mga tawo ang ihatud na sa iyang katapusang pahulayanan sa Manpark sa Dakbayan sa Mandaue. Ang iyang igsuong babaye nga si Judy Ann Librando nisugilon sa DYAB Radyo Patrol nga ipahigayon ang pagbindisyon sa patayng lawas sa iyang igsuon sa Our Lady of Fatima Parish sa Basak Mandaue City karong alas 9:30 sa buntag. Suma pa ni Judy Ann nga inig human sa pagbindisyon sa iyang igsuon idiritso na nila sa paghatud sa iyang katapusang lubnganan si Randy diha sa menteryo sa Mandaue. Matod ni Judy Ann nga di pa gyud nila madawat ang gidangatan sa ilang igsuon nga si Randy. Padayon nga nangayo ug hustisya ang banayng Librando nunut sa kamatayon ni Randy. ( Najib M. Cubio ) |
Nakapanukad na ang ikaduhang adlaw sa laing hugna sa kapamilya lokal job fair sa lungsod sa Consolacion. Karong adlawa mao ang ikaduahang adlaw sa pag abi-abi sa mga employer sa gatosan ka mga applikante ug trabaho nga padayong nihugop sa lokal job fair sa usa ka shopping mall nga buksan sa lungsud sa Consolacion. Ang kadagkoan sa maong mall nipasalig nga adunay mga trabaho nga nagpaabot alang sa mga lumolopyo sa kalungsuran sa amihanang sugbo ilabi na sa kinto distrito. Nasayran nga sukad pa kagahapong adlawa way puas ang pag abot sa mga applikante ug trabaho sa covered court sa Lungsod sa Consolacion aron sa pagpangindahay ug panginabuhian. Ang laing hugna sa Kapamilya lokal job fair hinugpong nga proyekto sa lokal nga mga opisyal sa Lungsod sa Consolacion ug sa DYAB 1512 Abante Pa Bisaya. ( Najib M. Cubio ) |
Mapasalamaton si Mayor Valdemar Chiong nga naapil ang mga molopyo sa relief
campaign nga gipasiugdahan sa DYAB ABS-CBN Cebu.
26 ka pamilya ang apektado sa pagdahili sa yuta nga kasamtangan karong
nanghikling tabok sa sapa aron pagsiguro nga dili na maigo sa higayon nga dunay
laing pagdahili.
Gipadad-an sila og tolda sa sa Siyudad sa Naga nga kasamtangan nilang gipuy-an.
Giabaga sab sa City Social Welfare Development ang pagkaon sa mga biktima.
(Marlon Bellita)
Tumong sa pagbisita ang pagsusi kon angayan pa bang ipabilin ang mga molopyo nga
naapektahan o kinahanglan na silang ibalhin ug laing lugar.
Si Mayor Chiong mismo nakadisisyon nga dili na gyud angayan nga magpabilin ang
mga apektado sa maong lugar.
Dili mo minus 26 ka panimay ang peligro sa lain pa unyang pagdahili.
Ang 26 ka pamilya gipasaligan sa Mayor nga iyang hatagan og tag 10 mils pesos
nga hinanabang pinansiyal og lakip na ang paghanghyo sa nagdumala sa luna nga
ilang balhinan.
Ang luna sa Hospicio de San Jose duol ra sab sa lugar ang napili sa Mayor nga
angayan nilang balhinan.
Mitataw hinoon ang Mayor nga kutob ra gyud sila sa paghangyo og dili sila
makapugos sa nagtikad sa luna. (Marlon Bellita)
Matud ni Talisay City Administrator Ritchel Bacaltos gihatagan sila sa korte ug
15 ka adlaw pagtubag sa isyu.
Malaumon ang administrador nga mahinayon ang pagbalhin sa merkado sa Tabunok
ngadto sa Barangay Lagtang nga subli niyang gihulagway nga makahatag og mas
dakong kaayohan sa kinatibok-an sa Siyudad.
Ang TRO giluwatan sa korte human mapakyas pagpresentar ang kagamhanan sa Talisay
nga duna nay pagtugot gikan sa konseho ang pagsira og ang pagbalhin sa operasyon
sa merkado.
Matud ni Bacaltos gisiguro lang sa konseho nga mahatag una ang tanang
gikinahanglan sa pagbalhin una ipalabang sa konseho ang resulosyon. (Marlon
Bellita)
Nibuto nga electric fan maoy gitan-aw nga hinungdan sa sunog nga nahitabo sa Sitio Bugnay, Barangay Labangon sa Dakbayan sa Sugbu. Naugdaw ang 27 ka mga panimay nga gama sa light materials diin nagpuyo ang 40 ka pamilya. Nadawat sa kabomberuhan ang alarma sa sunog alas 3:05 sa hapon ug nakontrolar ni sud sa 20 minutos. Mikabat og 260mil pesos ang danyos sa sunog nga naisa ngadto sa 2nd alarm. (RC Dalaguit) |
Padayon nga giimbistigar sa kadagkoan sa Brgy. Casili sa Dakbayan sa Mandaue human nga nasakpan kagahapong adlawa ang 4 ka mga batang lalaki nga ni among-among sa usa ka 3 yrs. nga batang babae. Ang Brgy. Tanod nga si Mateo Samargo nisugilon sa DYAB Radyo Patrol karong buntag nga nasakpan sa akto sa iyang mga silingan ang mga bata nga nagpangidaron ug 8, 7, 6, ug 4 nga nagbinastos sa 3 anyos nga batang babae. Matod ni Samargo nga ugmang adlawa ipahigayon ang husay sa sud sa Brgy. Hall aron mahilot ang kasungian sanglit ang ginikanan sa upat ka mga bata nasuko ngadto sa mga tawo nga nibadlong sa gibuhat sa mga bata. Nagtoo si Samargo nga naimpluwensyahan ang 4 ka mga bata sa mga law-ay nga mga pasundayag sa internet ug sa mga telibisyon. ( Najib M. Cubio ) |
Padayong nagselebrar ang gatosan ka libo nga mga fans sa Barcelona human nga ilang nasakmit ang ilang ika duha nga kampyonato sa UEFA Champions League batok sa mas paborito nga Manchester United. Nagtinabangay sila si Pedro, Lionel Messi, ug si David Villa sa pagpasud ug goal aron sa pagposte ug kadaugan batok sa Manchester United pinaage sa iskor nga 3-1. Bugtong si Wayne Ronnie lamang sa Man U ang nakapasud ug goal. Wa pay pahuway ang mga fans sa Barcelona sa paghudyaka ug pagselebrar. ( Najib M. Cubio ) |
Hayan makagawas na sa bilanggoan ang pulis woman sa Lungsod sa Cordova nga nakapatay sa iyang kaugalingong sud sa ilang panimay sa Brgy. Alegria, Cordova. Kini human nga wa nay interes ang pamilya sa namatay nga si Elmar Amoren batok ni PO1 Chona Amoren. Sigon ni PO2 Manfred Maarat sa Cordova Pulis Station nga ang mga kabanay ni Elmar wa mupakita ug interes sa pagpasaka ug kasong kriminal batok sa ilang umagad nga pulis. Nagkanayon si PO2 Maarat nga posibling makagawas na sa bilanggoan ang pulis woman. Nasayran nga napatay kagahapong adlawa ni PO1 Amoren ang iyang bana human sa ilang pag inilogay sa armas de fuego ug aksidente kining niboto ug niigo sa tiyan ni Elmar samtang sila nag away tungod sa kahubog sa iyang bana. ( Najib M. Cubio ) |
| Bisan pa man ug nakagawas na sa nasud ang bagyong Chedeng sa nasud apan padayon nga nipahimangno ang PAGASA sa publiko nga padayon nga masinati ang pag uwan uwan. Suma sa PAGASA nga gihigop sa pwersa sa bagyo ang kulyada sa Habagat nga maoy nipasuwabe karon sa kabisay an ug sa Mindanao. Nagkanayon ang PAGASA nga peligro ang dagko nga bawd alang sa mga gagmay nga sakyanan sa dagat ilabi na sa mga baroto nga panagatan. ( Najib M. Cubio ) |
| Wa na say nakabulsa sa kapin sa 300 milyones ka pesos nga premyo sa 6/55 Grand Lotto nga gibola kagabie. Kana maoy gipahibawo sa Phil. Charity Sweepstakes Office PCSO. Matod sa PCSO nga ang swerting kombinasyon mao 1-22-27-49-41-43. Gipaabot nga mas muburot pa ang premyo sa jackpot sa sunod nga bola. ( Najib M. Cubio ) |
Gipangandaman na sa kapolisan ang gipaabot nga pagsugwak unya sa mga tinun-an sa pag-abli sa klase sunod buwan. Mga hepe sa matag prisinto sa Sugbo gimandoan na sa paghulma og plano alang sa siguridad sa mga bata. Gimandoan sab ang.mga opisyal sa pagpakig-alayon sa mga prinsipal aron mas komprehensibo ang pagpangandam. Giawhag ang nga ginikanan nga dili padal-on og mga mahalong butang ang mga tinun-an sama sa cellphone og alahas aron dili kapahimuslan sa mga notado. (Marlon Bellita) Sent from Yahoo! Mail on Android |
Negosyante sa Nacario Trade Center sa Tabunok Dakbayan sa Talisay gitulis sayo karong buntag. Si Eugenia Acaso, 47, minyo taga Tiguib Lagtang gitulis alas 6:30 sa nagbinugtong tulisan. Nagsul-ob og jacket ug short nga camouflage ang tulisan naghelmet ug nagsul-ob pa og shade samtang nagtion og armas sa biktima. Matud ni Acaso nagtuo siyang polis ang tulisan tungod sa gisul-ob niini. Nakuha gikan sa biktima ang iyang halin nga 5 mil pesos, nokia celphone ug mga resibo sulod sa iyang waist bag. Yano ra sab nga misibat sakay sa motirsiklo ang tulisan human makuha ang mga butang sa biktima. (Marlon Bellita) Sent from Yahoo! Mail on Android |
Mas gipahugtan karon ang pagmonitor sa Dakbayan sa Talisay sa epekto sa bagyong chedeng ikompara gahapon. Kini tungod sab sa pagkusog sa hangin karong adlawa. Si Talisay City Administrator Ritchel Bacaltos mipahibawo preparado na ang Talisay sa bisan unsang epekto sa bagyo. Sa iyang bahin ang OIC Chief sa Talisay Chief Inspector Eddie Ricamara mitataw moabag sab ang kapolisan sa pagmonitor sa mga Barangay nga peligro sa higayon nga dunay dili maayong kahimtang sa panahon. (Marlon Bellita) Sent from Yahoo! Mail on Android |
Ang mga opisyal sa vendors mipasabot nga ang buot nilang tigom mao nga uban
kanila ang ilang mga sakop, mga representante sa 22 ka Barangay atubangan sa mga
opisyal sa Siyudad.
Ang tigom gihimo human mapaabot sa DYAB ang hangyo sa mga opisyal nga gusto
silang makigtagbo sa mga opisyal sa mga komitiba nga gitahasan pagtuon sa
pagbalhin sa merkado.
Ang mga opisyal sa Siyudad nga misanong sa panawagan buot lang unta nga ang mga
opisyal lang sa asosasyon ang motambong aron dili yagaw ang diskusyon.
Wala pa hinoon moklaro si Mayor Socrates Fernandez nga ihatag ang klase sa tigom
nga buot sa mga vendors.
Miklaro hinoon ang Mayor nga ila nang natubag ang tanang kabalaka sa mga vendors
og nga mahimo nilang ipaabot sa mga vendors ang maong mga tubag pinaagi sa
papel. (Marlon Bellita)
Ang biktima nga si Carlito Ibon, 30 anyos gideklarar nga patay na pag-abot sa
Don Vicente Sotto Memorial Medical Center.
Sa imbistigasyon sa kapolisan nagkomprontasi ang duha dihang gisagpa ni Ibon si
Compayan nga miresulta ni sa pagdunggab ni Compayan kang Ibon.
Paingon nang mosibat si Compayan uban sa iyang asawa dihang naabtan sa mga
miresponding polis.
Duna hinooy mga impormasyon nga buot ang pamilya sa biktima nga makig-areglo
lang sa kaso. (Marlon Bellita)
Matud ni Kapitan Renato Manayon ang kusog nga ulan ganihang kadlawn makapahiuli
sa naghinay na nilang tubod sa tubig.
Ang mga molopyo sa Barangay manipis naproblema na sa kahinay sa ilang tinubdan
tungod sa init sa nangaging mga adlaw.
Matud ni Kapitan Manayon igo-igo gyud ang gikusgon sa ulan nga ilang nasinati
ganihang kadlawn nga makapauli sa naandang gikusgon sa tubod sa ilang tubig.
(Marlon Bellita)
Sa ikaduhang higayon gipahilom na usab sa Dallas Mavericks ang Oklahoma City Thunders sa Game 3 sa best of 7 Western Conference Finals sa NBA pinaage sa iskor nga 93 kontra 87. Wa musalir ang nagbinugtong nga paningkamot ni Kevin Durant ang sinaligan nga magduduwa sa Oklahoma City aron sa pagtuboy sa Thunders ngadto sa kadaugan. Si Dirk Nowitzki, Shawn Marion, Jason Kidd ug Jose Barea ang nagbanos banos sa pagpabuhagay sa ilang init nga kamot aron paburoton ang ilang labaw batok sa Thunders. Sa unang 3 ka hugna sa duwa naglabaw ug 20 puntos ang Mavs apan sa pagsud sa tunga tunga sa 4th quarter niarangkada ang Thunders. Apan bisan pa man sa paningkamot sa Thunders kuwang ra gihapon kini aron sa pagkulit ug kadaugan. Nakabintaha na karon ang Mavs sa series 2-1. ( Najib M. Cubio ) |
Ipahigayon sa mga Tricycle Operators and Drivers Association ilawon sa Nagkahiusang Driver sa Sugbo (NADSU) ang pagsubmiter sa ilang petisyon kabahin sa pagpalagpot ni Fiscal Mabanto isip Co-Chairman sa Committee on Transportation sa Syudad sa Mandaue. Kini pagahiumon ugmang adlawa, Mayo 23, 2011 sa buntag pinaagi sa usa ka delegasyon sa mga driver ug operator. Magsugod ang maong kalihukan pinaagi sa panagtapok diha sa Mandaue Colisium sa alas 9:30 sa buntag ug mopahigayon sa martsa padulong sa City Hall aron pag-submit sa maong petisyon. ( Najib M. Cubio ) |
Naputos sa pagbugal-bugal ang evangelist nga nanagna nga matapos ang kalibutan kagahapon adlawa. Sa ikaduhang higayon napakyas na usab ang evangelist nga si Harold Camping human nga wa mahitabo ang mga panagna niya. Si Camping nanagna na niadtong 1994 nga matapos na ang kalibutan basi sa iyang kalkulasyon apan wa kini matinood. Apan si Camping nirason nga aduna lamay mathematical error niadtong 1994 apan kagahapong adlawa napalpak na usab ang iyang pananagna sa katapusan sa kalibutan. Wa pa hinoon muluwat ug pamahayag si Camping sa iyang palpak nga prediksyon. ( Najib M. Cubio ) |
Nisunod dayon ang dagko nga mga kompaniya sa lana sa pagpatuman ug laslas sa presyo sa mga produktong petrolyo karong adlawa. Human nga nipahibawo ang Independent Oil Player nga Flying V nga ilang laslasan ug 2 pesos ang matag litro sa gasolina ug 30 sentabos matag litro sa krudo nisunod dayon ang Petron, Chevron ug ang Shell. Sama sa Flying V nipatuman ug susamang kantidad nga us us sa presyo matag litro sa mga produktong petrolyo. ( Najib M. Cubio ) |
|
Bisan ug samara ug posibling mabaldado ang pulis Tudela nga gipusil sa gidudahang mga durugista sa Brgy. Langtad sa Dakbayan sa Naga, di siya makalikay sa imbistigasyon sa kapulisan sa Probinsya sa Sugbo. Kana maoy gipasalig sa hepe sa kapulisan sa Probinsya sa Sugbo P/Sr. Supt. Patrocenio Comendador Jr.. Sigon pa ni Col. Comendador nga ilang sutaon kon ngano nga naabot si PO2 Antonio Icalina sa Brgy. Lantad sanglit siya nadistino man sa Lungsod sa Tudela sa Isla sa Camotes. Matod ni Col. Comendador nga si PO2 Icalina nalabay sa Tudela human nga siya gipasanginlang nalambigit sa illegal nga kalihokan sa Dakbayan sa Naga. Gipamahayag ni Col. Comendador nga ang Brgy. Langtad sa Dakbayan sa Naga naila nga dapit nga hugupanan sa mga drug personalities sa maong dapit. ( Najib M. Cubio ) |
Siguruhon sa kagamhanan sa Dakbayan sa Mandaue nga makabalik og puyo ang mga biktima sa sunog sa Sitio Sampaguita Brgy. Banilad. Gibutyag ni Mandaue City Vice Mayor Glenn Bercede nga ang luna nga nasunugan gitinguha na sa pagbawi sa tag-iya. Matud ni Bercede nga nag-ung-ong na ang kaso ngadto sa korte sa luna nga kasamtangang gipuy-an sa nasunugang mulupyo. Plano ni Bercede nga makigtagbo sa tag-iya sa yuta aron mahatagan pa og lugway ang mga mulupyo sa pagpuyo sa luna og balik human sila nasunugan. (RC Dalaguit) |
Magsugod karong tungang gabie ang laslas sa presyo sa mga produkto sa lana. Unang nipahibaw ang independent oil player nga Flying V nga alas 12:00 karong tungang gabie. Ipatuman sa Flying V ang P2 nga laslas matag litro sa gasolina ug 30 sentabos sa diesel. Nisunod ang Petron Corp. pagpahibaw nga ugma alas 6 sa buntag ipatuman nila ang rollback, P2 matag litro sa premium gasoline, 50sentabos sa diesel ug 30 sentabos sa kerosene. Gipaabot pa nga mupahibaw ang ubang kompanya sa lana kalabot sa rollback. (RC Dalaguit) |
Naugdaw ang pinuy-anan sa kapin 40 ka pamilya sa Sitio Sampaguita, Brgy. Banilad sa Dakbayan sa Mandaue karong hapon. Giisa ngadto sa Task Force Bravo ang alarma sa sunod tungod sa daling pagkatap sa kayo gumikan sa kainit sa panahon ug kahagip-ot sa dan. Niabot og 1.2 milyones pesos ang danyos sa sunog nga nagsugod 1:25 sa hapon ug nakontrolar sa kabomberuhan 2:20. Sa inisyal nga kasayuran sa kabumberuhan, nagsugod ang kayo sa panimay ni Joseph Ongkoy human sa pagbuto sa plangka. Gipahimutang ang mga biktima sa sunog sa Banilad Sports Complex. (RC Dalaguit) |
Naugdaw ang pinuy-anan sa kapin 40 ka pamilya sa Sitio Sampaguita, Brgy. Banilad sa Dakbayan sa Mandaue karong hapon. Giisa ngadto sa Task Force Bravo ang alarma sa sunod tungod sa daling pagkatap sa kayo gumikan sa kainit sa panahon ug kahagip-ot sa dan. Niabot og 1.2 milyones pesos ang danyos sa sunog nga nagsugod 1:25 sa hapon ug nakontrolar sa kabomberuhan 2:20. Sa inisyal nga kasayuran sa kabumberuhan, nagsugod ang kayo sa panimay ni Joseph Ongkoy human sa pagbuto sa plangka. Gipahimutang ang mga biktima sa sunog sa Banilad Sports Complex. (RC Dalaguit) |
Kini human sa pamahayag ni Kapitan Raul Cabanero sa Bulacao nga wala masulbad
ang drugas sa iyang Barangay tungod sa mga protektor nga polis.
Mihangyo hinoon si Ricamara nga paubanan og hulagway ang ilang pasangil kini
aron mas lig-on ang iyang aksiyon batok sa mga hingtungdang polis.
Matud ni Ricamara samtang wala siyay nahuptang ebedinsiya pabilin siyang
manalipod sa kaligdong sa iyang mga sakop. (Marlon Bellita)
Naniguro ang OIC Chief sa Talisay Chief Inspector Eddie Ricamara nga matugyan
ang mga ebedinsiya sa prosekusyon aron dili na sila maproblema sa siguridad.
Mitataw si Ricamara nga subay sa proseso ang pagtugyan sa mga ebedinsiya sa
prosekusyon nga maoy magdumala sa kaso.
Sa iyang bahin nabalaka ang kapikas sa Bokal nga si Yoly tungod sa
usa ka insedente nga giingong dunay mga ebedinsiyang nakawat sa palace of
justice.
Matud ni Yoly nga kung mahitabo man iya na lang itugyan sa kahitas-an ang
tanan. (Marlon Bellita)
Si Ricamara mibisita sa tigom sa ABC aron paghangyo sa mga kapitan nga motabang
sa pagpatunhay sa kahusay ug kalinaw sa ilang mga dapit.
Mibarog si Cabanero kinsa mihulagway nga drugas lang ang problema sa iyang
barangay apan hangtod karon wala gyud masulbad sa kapolisan.
MIpasangil si Cabanero nga dunay mga polis nga protektor hinungdan nga pabiling
problema sa iyang barangay ang drugas.
Apan giisip ni Ricamara nga hagit sa iyang kapabilidad ug dili insulto ang
pagbiya ni Cabanero.
Gihubad niya ang pagbiya ni Cabanero nga kinahanglang mopakita una siya sa labok
una siya mangayo ug tabang sa mga kapitan.
Matud ni Ricamara himoon niya kutob sa iyang mahimo nga mapakita niya sa mga
kapitan ang iyang kasinsero sa kampanya sa kriminalidad una siya mobalik
pagpapainingil sa katungdanan usab sa mga opisyal sa barangay. (Marlon
Bellita)
Kalapasan sa lagda sa trapiko tungod sa pagamit ug comemorative plate ang
hinungdan sa iyang paagkasikop.
Apan base sa talaan sa Mobile Patrol Goup naalarma si Joavan matud pa ug
pagpanion sa armas sa may white Gold.
Tawag matud pa sa cellphone ang nadawat sa mobile patrol group og wala na nila
makuha ang pangalan.
Gawas sa pagamit ug comemorative plate gikatakda sab nga makamulta karong lunes
si Joavan sa CITOM tungod sa kapakyas pagdala sa iyang registration document
karong tuiga.
Human makamulta gibuhian ra sab siya sa kapolisan. (Marlon Bellita)
Dili na makasulod sa bag-ong terminal ang mga kulorom nga trcycle. Nunot sa pagbalhin sa bag-ong merkado gipahibalo ni Bise Mayor Alan Bucao nga ibalhin sab ang terminal sa mga tricycle sa Lagtang Sports Complex. Mas sayon na unya ang pagdakop sa mga walay permit nga mga tricycle. Gipaniguro ni Bucao nga dili maproblema ang dagan sa trapiko tungod kay ila na kining gipangandaman. Mapugngan sab ang pagpaningil sa mga driver ug doble nga pletehan kon ang terminal anaa ra usab sa bag-ong merkado. (Marlon Bellita) |
Kini human nagtabla ang botasyon sa Wage Board kagahapon 3-3 alang sa
presensya sa supervening condition.
Sila si Director Asteria Caberte sa Department of Trade Industry,
Asst. Director Efren Carreon sa National Economic Development
Authority kon NEDA ug Charles Streegan sa management wa gihapon
makakita nga may supervening condition nga maoy basihan sa umento sa
suhulan.
Samtang sila si Marianito Ventura ug Atty. Ernesto Carreon sa labor
mibotar nga angay'ng umentohan ang sweldo sa mga trabhante.
Sa labing unang higayon nakabotar ang Chairman pabor sa mamumuo bisag
wa magtabla ang botasyon human pangayoa sa Board ang baruganan ni
Exequil Sarcauga.
Ang baruganan sa Chairman maoy nakapatabla sa botasyon sa Board.
Apan matud ni Sarcauga nga inbalido gihapon ang resulta nga 3-3 tungod
kay 4 ka botos ang gikinahanglan alang sa pagpaggawas og baruganan sa
Board.
Gumikan niini ang Board mitakda og konsultasyon karong Mayo 26 dinhi
sa sugbo, Hunyo 2 sa Bohol ug Hunyo 9 sa Negros Oriental.
Gipasabut ni Sarcauga nga ang konsultasyon maoy mo review sa mga
tinud-anay nga kahimtang sa ekonomiya sa Central Visayas.(June
Berongan).
Sa labing awahing talaan sa rehiyonal nga buhatan sa Department of
Interior and Local Government miabut na og 41 ka mga lungsod ug mga
syudad ang nakasumeter na sa listahan sa mga tricycle franchisee.
Matud ni Noval nga si 41 walo na ang nahatagan og cheke sa DILG
7.(June Berongan).
Ang Asst. Epidemiologist sa Cebu City Health Department Durinda
Macasucol mitug-an ang ang kalihokan buksan sa Plaza Independencia nga
tambongan sa tanang mga opisyal sa barangay ug sa syudad.
Ang kagamhanan sa dakbayan molusad na unya sa mas agresibong lakang
pinaagi sa "house to house" nga kampanya batok sa dengue.
Matud ni Macasucol nga daku ang kahigayonan nga mosaka pa ang kaso sa
dengue sa sunod buwan sa hunyo tungod sa ting uwan.
Sa pagkakaron mitala na og 1,345 ang kaso sa dengue gikan sa buwan sa
Enero hangtud karong semanaha (June Berongan).
Si Sfo2 Roy Garcia ang imbestigador sa kabomberohan sa Mandaue miingon
nga ang sunog nagsugod sa panimay ni Cresencio Salvador, Jr. ug
miugdaw sab sa laing walo ka mga silingang pinuy-anan.
Ang mga anak ni Salvador nga maoy nahabilin sa balay mitug-an kang
Garcia nga katol nga wa mapawong ang hinugdan sa sunog.
Milanat og singko minutos una pa na kontrolar sa kabomberohan ang sunog.
Daling gipanalipdan ni Garcia ang kabomberohan sa pasangil sa kalangay
pagtubag sa sunog tungod sa kalayo sa dapit.
Atol sa pag ulbo sa sunog gitabang sa ERUF si Sfo4 Isidro Aguilar
dihang nakasinati og paghuot sa dughan human makahanggap og aso.
Wa pay bana bana ang kabomberohan pila ang kantidad sa kadaut sa
labing unang "Working fire" ning buwan sa Mayo sa dakbayan sa Mandaue.
(June Berongan).
Nadawat na sa Regional Task Force Against Trafficking ang usa ka milyon ka pesos nga pundo gikan sa Department of Justice. Matud sa nangulo sa Task Force, Regional State Prosecutor Fernando Gubalane, nga gamiton nila ang pundo alang sa pagpalig-on sa mga kaso nga ila nang gipasaka sa mga nailang traffickers. Samtang lakip sa gamitan sa pundo ang mga surveillance sa awtoridad batok sa mga gidudahang responsable sa illegal trafficking. (RC Dalaguit) |
Gi-subpoenahan na ni Fiscal Alex Gabud si PG1 Antonieto Babor kalabot sa kasong pagpangawat sa mga sinakong bugas gikan sa warehouse sa Cebu Provincial Detention and Rehabilitation Center CPDRC. Dunay 10 ka adlaw nga kahigayunan si Babor sa pagtubag sa kasong Qualified Theft nga gipasaka batok kaniya. Apan kung mapakyas si Babor sa pagsumitir sa counter affidavit, resulbahon ni Gabud ang kaso sud sa 60 ka adlaw. Gipasanginlan si Babor nga maoy responsable sa pagkawala sa 35 ka mga sako sa bugas nga iya sa Provincial Social Welfare Office. |
| marlon rubillos male - 40 years old Manila |  | Hi! I have created a Netlog profile and would like to give you (dyab-cebu.news@blogger.com) access to my latest pictures and more.
Cheers, marlon | |||||||||||||||||
| Is the button above not displayed well? Click here or paste the link below in the address bar of your browser. http://en.netlog.com/go/mailurl/-bT0xNzkwMzI3MTQ5Jmw9MSZnbT0xMiZ1PSUyRmdvJTJGcmVnaXN0ZXIlMkZpZCUzRC1aSGxoWWkxalpXSjFMbTVsZDNOQVlteHZaMmRsY2k1amIyMF8lMjZ1aWQlM0QxNjUzNTUxNzg_  Don't want to receive invitations from your friends anymore? Click here . Netlog NV/SA - E. Braunplein 18. B-9000 Gent. Belgium. BE0859635972 - abuse-en@netlog.com | |||||||||||||||||||
Atol sa press conference nga gipatawag sa mga opisyal sa Siyudad matud ni Mayor
Socrates Fernandez natubag nila ang tanang kabalaka sa mga vendors.
Ang pasangil nga walay public hearing nga gihimo matud sa Mayor tataw ang
dokumento nga dunay gipahigayon nga public hearing niadtong tuig 2003 sa wala pa
himoa ang bag-ong merkado sa tuig 2004.
Ang pasangil nga gamay ang bag-ong merkado gitubag sad sa Mayor nga dili tinuod
tungod kay mas lapad ang lugar sa bag-ong merkado.
Dili sad angay mabalaka ang mga vendors sa baha tungod kay gisiguro ng daan sa
mga enheniyero sa Siyudad ang lugar nga dili maabot sa baha sa wala pa himoa ang
building.
Ang pagbalhin molanat hinoon ug usa ka bulan alang sa hingpit nga pagpahimutang
sa mga vendors. (Marlon Bellita)
Bank Roberry nga scenario ang gipakita sa Special Weapons and Tactics sa Lapu Lapu City PNP atol sa ilang ika 7 nga anibersaryo karong adlawa. Ang simulation didto
gipahigayon sa Lapu Lapu City Hall Grounds. Si Police Inspector Jacinto Mandal ang Commander sa SWAT Lapu Lapu miingon nga magpito na ka tuig ang SWAT sa Lapu
Lapu City nga nag operate
Gipakita usab ni Mandal ang sophisticated nga mga ekipo sa SWAT sama sa ilang Night Vision Googles,Kevlar og uban pa. Nitambong kaganiha atol sa simulation exercise
sa SWAT Lapu mao ang Security Stakeholders og mga Negosyante.
(Ferdinand D. Mañus)
Sayo nga migikan ganihang kadlawon si Lapu Lapu City Mayor Paz Radaza, Bise Mayor Marcial Ycong og ang tanang konsehal sa lapu lapu padung sa kauluhan alang sa
sa usa ka tigom nga gipatawag sa Transportation Committee sa House of Representative. Matod pa ni Mayor Radaza nga tuki-on sa maong tigom mao ang house bill 2629
gipangamahanan ni Lapu Lapu City Lone District Congressman Arturo Radaza nga nag tinguha sa pag ammendar sa R.A 6958 o ang Charter sa Mactan Cebu International
Airport nga magbutang og representanti gikan sa dakbayan sa lapu lapu ngadto sa board og directors sa MCIAA.
Matod ni Mayor Radaza nga panahon na nga dunay taga Lapu Lapu nga molingkod sa board sa MCIAA sa rason nga ang airport naa nahimutang sa lapu lapu ang pagka
highly urbanized na sa syudad og ang pagka himo ini nga lone congressional district. Matod ni Radaza nga ikaduha nani nga tigom sa Transporation Committee og malaumon
siya mga mahisgutan ni didto sa plenary.
(Ferdinand D. Mañus)
Gimando ni Lapu Lapu City Mayor Paz Radaza ang spot checking og random drug testing sa tanang job order employees sa lapu lapu city hall
kini human sa pagkasikop sa usa ka job order employee sa city hall nga na aktohan nga nag pot session niadtong adlawng lunes didto sa purok
ube barangay gun-ob dakbayan sa lapu lapu
Matod pa ni Radaza nga dili siya makatugot nga ubos sa iyang pamunuan dunay iyang sakop nga tigamitan og drogas. Matod pa ni Radaza nga iyang
nang gitaktak sa trabaho si Christopher Tinapay 33 anyos job order employee nga nadistino sa City Treasurer's Office. Si Tinapay og laing upat nga sila
si Larry Lou Melendrez, Jayvee Panganiban, Jonalyn Olasiman og Jeneliza Mabuting ang na-aktohan sa kapolisan nga nag pot session sud sa panimay
ni Melendrez
Si P03 Danilo Valiente usa sa Arresting Officer miingon nga nakadawat sila og tawag gikan sa usa ka concern citizen labot sa ilegal nga kalihukan sa lima
og dali kini nila nga gi verify og didto ila gyung na-aktohan ang lima nga nagsuyop. Nakuha gikan sa lugar nga gisuyupan sa mga suspek mao ang 7 ka gagmayng
pakete sa gidudahang shabu, 2 ka lighter og aluminum foil. Si Mayor Radaza mibutyang nga magsilbi kining warning ngadto sa mga empleyado sa gobyerno nga
tigamitan og ilegal nga drogas nga mu-undang na.
(Ferdinand D. Mañus)
Nagbitay na lang nga wa nay kinabuhi ang usa ka ginang nga palgan sa iyang kwarto didto sa sityo Cabatuan sakop sa Brgy. Poblacion lungsod sa Ginatilan. Ang biktima naila sa ngan nga si Vilma Gutana 38 yrs. minyo nga mulopyo sa maong dapit. Basi sa imbistigasyon sa kapulisan sa Lungsod sa Ginatilan nga taud-taud na nga naghambin sa stage 4 nga breast cancer ang biktima. Suma pa sa iyang mga kabanay nga naguol si Vilma sa nakalabayng mga adlaw sanglit way kwarta ang iyang pamilya nga ikasuporta kaniya aron ikapatambal sa iyang sakit. Pasado alas 10 sa kagabhion nakaplagan na lamang si Vilma nga nagbitay na sud sa iyang kwarto ug naghikot ug pisi sa iyang liog. Gisuwayan sa iyang mga parente ang pagluwas kaniya apan patay na kini. ( Najib M. Cubio ) |
Human sa pag ulbo sa sunog kaganinang kadlawn sa Brgy. Hipodromo nasuta nga ang overnight parking sa mga sakyanan sa daplin sa dan sa Brgy. ang hinungdan sa kalangay sa mga bombero sa pagsud sa dapit nasunugan. Ang Brgy. Kapitan sa Hipodromo Petronilo Fat magpakitabang sa kagamhanan sa Dakbayan sa Sugbo aron nga istriktohon ang pagpatuman sa towing ordinance sud sa iyang Brgy. Si Kapitan Dodong Fat mismo nakasaksi sa kalangay sa pagsud ka dagko nga mga fire truck gumikan sa nagbabag nga mga sakyanan sa daplin sa dan nga gipangparada. Matod ni Kapitan Fat nga kon nahitabo pa nga nakadako ang sunog hayan tibook Brgy. Hipodromo ang naugdaw gumikan lamang sa mga sakyanan nga nagbabag ug ang mga tulda sa nagbilar ug patay, sanglit wa makalusot diritso ang mga fire truck. Suma pa ni Kapitan Fat nga sugod karong gabie istriktohon na niya ang pagpamadlong sa mga tag iya ug sakyanan nga anha iparada ang mga sakyanan sa dan aron kalikayan ang posibli unyang trahedya kon adunay dakong sunog nga muulbo sud sa Brgy. Hipodromo. ( Najib M. Cubio ) |
Gibana-bana nga muabot sa 25 mil pesos ang kinatibuk ang kadaot sa sunog nga niulbo kaganinang kadlawn sa dan Lapu-lapu sakop sa Brgy. Hipodromo sa Dakbayan sa Sugbo. Ang imbistigador sa Cebu City Fire Dept. SFO3 Angelito Cariño nitug-an nga hingpit naugdaw ang panimay ni Felicisima Carbonquillo, samtang nakan an ang mga panimay sa iyang mga silingan nga sila si Ben Falcon, Pedro Orongan ug Ellen Carbonquillo. Matod ni Cariño nga ilang gisubay karon nga angulo mao ang electrical misuse sanglit gikan sa linya sa kurente ang nabati sa tag iya sa panimay nga nagpiti-piti ang linya ug gisundan dayon kini sa pag ulbo sa kayo. Wa hinooy nasakitan o naangol atol sa sunog. ( Najib M. Cubio ) |
Patay na nga nagbitay nga nakaplagan ang usa ka bana nga naghikog sud sa iyang lawak sa sityo Kalubihan, Banawa, Brgy. Guadalupe pasado alas 7 karong buntag. Ang naghikog giila sa ngan nga si Angel Saballa 45 anyos ug amahan sa siyam ka mga bata. Basi sa inbistigasyon sa kapulisan sa Dakbayan sa Sugbo nga adunay stage 3 rectal cancer si Saballa. Si PO2 Judan Batucan sa Homicide Police niingon nga buot magpaadmit sa tambalanan si Saballa sukad pa kagahapon gumikan sa kasakit sa iyang gibati sa iyang sampot. Apan ang iyang mga kapamilya nagdumili sa paghatod kaniya sa tambalanan sanglit wa gyud silay sapi nga ikapatambal kaniya, ug gawas pa, ang usa niya ka anak ang anaa pa sa tambalanan hantod karon gumikan sa sakit nga danlak. Kaganinang buntag mao na lang ang nisugat sa ilang panin aw nga nagbitay na si Saballa sud sa iyang lawak ug wa nay kinabuhi. ( Najib M. Cubio ) |
Ang Election Officer sa North District Atty. Marchel Sarno miingon
mipalyar ang Data Capturing Machine niadtong sabado.
Matud ni Sarno nga gawas sa iyang buhatan dungan sab nga nangaguba ang
makina sa South District ug sa lungsod sa Sibonga.
Hinoon naayo ra nga wa ayoha ang maong mga makina paglabay sa pipila ka oras.
Duda sa mga opisyal sa Comelec nga kini tungod sa kainit sa panahon
diin na problema nang daan sa ilang mga airconditioning unit ang maong
mga buhatan.(June Berongan)
Illegal possession of firearm ang atubangon ni John Pope, 65 anyos nga
kasamtangang nagpuyo sa barangay Kalunasan.
Si Pope giingong nangita sa usa ka babaye nga mikawat sa iyang kwarta
nga kapin sa 70 miel pesos.
Matud ni Pope nga "self defense" ang iyang gihimo tungod sa kahadlok
nga maunhan sa mga kauban sa suspect.
45 kalibre nga pistola ug mga bala ang nakuha sa kapolisan gikan sa
dinakpan. (June Berongan).
Ang pangulo sa Alliance of Progressive Labor kon APL Jose Tumungha
maoy bugtong gituboy sa kahugpongan sa mga mamumuo dinhi sa Central
Visayas hulip kang Marianito Ventura.
Si Atty. Glen TAbon sa RTWPB7 miingon nga perma nalang sa presidente
ang gipaabut aron mahingpit na ang tingog sa mga mamumuo sa Wage
Board.
Si Atty. Ernesto Carreon sa ALU TUCP milingkod na isip labor sector
representative hulip kang Atty. Jose Bocquecosa kinsa atua na sa
Estados Unidos. (June Berongan)
Matud ni DILG Director Pedro Noval nga kini paglikay sa pagduda nga ma
impluwensyahan ang bag-ong hepe sa mga politiko sa ikalimang distrito.
Ang mi resign nga si P/Insp. Rodrigo Giangan molopyo sa dakbayan sa Danao.
Si Noval nagpaabut pa sa tulo ka mga pangalan nga isumeter sa Cebu
Provincial Police Office nga maoy pilian sa mosunod nga hepe sa
kapolisan.(June Berongan).
Ang abogado sa RTWPB 7 Atty. Glen Tabon miingon nga hangtud kagahapon
sa hapon padayong gitun-an kon balido ba 3-2 nga botasyon sa Wage
Board alang sa deklarasyon sa "Supervening Condition".
Matud ni Tabon nga kini ang labing unang higayon nga nakasugat ang
NTWPC sa maong kontrobersiya.
Ubos sa lagda kinahanglang 4 ka botos ang makab-ot sa Wage Board sa
paghukom sa mahinungdanong mga isyu.(June Berongan).
Mihulagway nga walay tulog nga nagtrabaho sa kaso sila si Inspector Hugo Ypong,
Inspector Ricardo Echavez, PO2 Mike Espina, PO3 Rey Bucao, PO2 Roy Lofranco, PO2
Lasque.
Upat ka higayon nga gibalikbalikan sa grupo ang giistahan ni Ramses Abatayo una
naila nadakpan ang suspetsado.
Si Bokal Julian Daan mitataw nga iyang awhagon si Gobernador Gwen Garcia nga
hatagan ug pasidungog ang mga polis, mohimo sab ug lakang si Bise Mayor Alan
Bucao pagpasidungog sa grupo.
Ang hepe sa Talisay Police Station Chief Inspector Eddie Ricamara mitataw wala
sila magpaabot ug pasidungog apan malipay sila kung maila ang ilang
paningkamot. (Marlon Bellita)
Sunod nga gidakop ang gitumbok ni Abatayo nga iyang kauban si Julius Racaza sa
Sitio Iba sa Lagtang Dakbayan sa Talisay.
Nakuha pagbalik ang nagdaiyang mga alahas nila ni Bokal Julian Daan ug sa iyang
kapikas nga si Yolly sa mga kamot ni Abatayo.
Si Abatayo mihulagway nga alas 5 pa sa buntag nakasulod na siya sa compound sa
balay ni Daan og nagpaabot lang nga makalakaw ang uban sa wala pa manulis.
Si Racaza maoy nagbantay sa gawas sa balay.
Apan mihimakak si Racaza sa pasangil.
Matud niya nga gilambigit lang siya ni Abatayo tungod kay nasuko kini kaniya.
Ang pangangkon ni Racaza mag-agad hinoon sa resulta sa kompletong imbistigasyon
sa kapolisan sa iyang kalambigitan.
Sa gibanabanang usa ka milyon nga balor sa alahas sa magtiayong Daan usa ka
mahalong relo ug kwentas mao lang gideklarar nga nawala. (Marlon Bellita)
Si Dr. Eric Lasala sa miingon nga kini ang labing daghan nga nakolekta
sa tambalanan sa ilang mga blood donation campaign.
Gipasalamatan niya ang tanang mga donors mitubag sa dinaliang
panginahanglan sa dugo.
Gipahibawo usab ni Lasala nga ang laing "painless blood donation" nga
ipahigayon karong Hunyo 12 adlaw'ng domingo.(June Berongan)
92 sab ka mga aplikante ang kwalipikado alang sa overseas.
Ang manager sa PESO Dicdic Reuyan miingon nga kini ang ikatulong Job
fair sa lungsod karong tuiga nga gisalmotan sa 36 ka mga empoyers.
Gipahigayon sab dungan sa job fair ang "Halad sa Kapamilya" diin
nagkahiusa ang mga buhatan sa gobyerno sa paghatag og liberng mga
serbesyo sa katawhan.
Ang maong kalihokan hiniusang proyekto sa mga lokal nga mga opisyal sa
Liloan ug ABS-CBN sa sugbo.(June Berongan)
Nagkalapad pa ang epekto sa pagkapakgang sa supply sa tubig dinhi sa sugbo karong adlawa. Sukad pa kaganinang buntag nagpusot-pusot ang mga nadawat nga reklamo sa DYAB Abante pa Bisaya labot sa paghinay ngadto sa pagkawa gyuy agas sa tubig sa pipila ka bahin sa Dakbayan sa Sugbo ug sa Dakbayan sa Mandaue. Ang Metro Cebu Water District MCWD, nipasabot nga adunay nasugatan nga kakulian ang ilang mga sakop nga nagpahigayon ug service maintenance sa mga tubo kagabie. Matod sa MCWD nga aduna silay gipahigayon nga service maintenance sa mga tubo nila kagabie sa Dakbayan sa Mandaue. Apan suma pa sa MCWD nga adunay problemang teknikal nga nasugatan ang maintenance team sa ilang main pipe. Gipasalig sa MCWD nga gihimo nila ang tanan karong higayona nga mapadali ang pag-atiman sa problema sanglit nagkalapad pa ang epekto sa pagkapakgang sa supply sa tubig nga nasinati na karon sa pipila ka lungsod sa amihanang bahin sa Probinsya sa Sugbo. ( Najib M. Cubio ) |
Giseguro sa hepe sa kapulisan sa Dakbayan sa Mandaue nga di tapin-an ang kaso sa usa sa iyang mga sakop nga gipasanginlang nanulis ug namun-og sa usa ka hapon sa Dakbayan sa Lapu-lapu. Si P/Sr. Supt. Noel Gillamac ang pangu sa MCPO nagkanayon nga kon aduna silay makitang basihanan sa pagpasaka ug kasong administratiba batok kang PO2 Bruce Taneo. Gitataw ni Col. Gillamac nga wa ila pang giassess ang mga ebedinsya batok ni PO2 Taneo kon aduna bay igong basihanan ang paghimo sa maong lakang. Matod ni Col. Gillamac nga basi sa iyang record sa MCPO si PO2 Taneo mao ang warrant server sa Pulis Station 3 sa Dakbayan sa Mandaue. Gidugang pa ni Gillamac nga wa hinoon siyay nautingkay nga dautang record ni Taneo sa iyang pagka warrant server. Apan gipamahayag ni Col. Gillamac nga iyang gipamonitor sa kapulisan sa Dakabayan sa Lapu-lapu sanglit nakahipos ug kasayuran si Gillamac nga adis-adis si PO2 Taneo sa ilang baranggay. Nasayran nga si PO2 Bruce Taneo ang giarresto gumikan sa reklamo sa usa ka hapones nga gitulis siya ni Taneo ug wa pa gyud matagbaw gikulata pa gyud siya sa pulis birnes sa gabie sa Dakbayan sa Lapu-lapu. Ang Hapones giila sa ngan nga si Masaki Kon usa ka trabahante sa MEZ II. (Najib M. Cubio) |
Mupatuman sa us-us sa presyo sa mga produkto sa lana ang tulo ka higanteng kompanya. Nipahibaw sa rollback mao ang Petron, Shell ug Chevron (Caltex) nga karong tungang gabie magsugod laslas sa presyo. P2 ang laslas matag litro sa diesel ug kerosene, P1.25 sa regular gasoline ug P1.75 sa unleaded ug premium gasoline. (RC Dalaguit) |
Nakahipos og 136 ka mga bags sa dugo ang Chong Hua Hospital atol sa gipahigayon nga Kapamilya Blood Donation Campaign. Gibutyag ni Dr. Erick Lasala sa Chong Hua hospital nga way sakit ang ilang pamaagi sa pagkuha og dugo gikan sa mga donors. (RC Dalaguit) |
Gisugat ug usa ka Heroes welcome si pound for pound king Manny Pacquiao sa iyang paghibalik dinhi sa nasud karong kadlawn. Sa pagtugpa ni Manny Pacquiao sa Ninoy Aquino International Airport (NAIA) kaganinang kadlawn gisugat siya sa nagdahunog nga abiba sa mga boxing fans nga pulos nagsul ob ug yellow nga sapot. Gikan sa NAIA si Pacquiao nidiritso sa Makati City Hotel aron makapahimutang sa iyang mga bagahe ug dayon niatubang sa mga sakop sa media. Sa interview sa mother station DZMM si Pacquiao mapasalamaton sa tanan nga mga pinoy nga nisuporta ug nangaliya alang kaniya sa iyang sangka batok ni Sugar Shane Mosley. Gikataw-an lang sa boxing superstar ang pong sa nakulatahan nga si Mosley nga siya naggamit ug steroids hinungdan nga kusgan ug paspas siya sa ibabaw sa ring. Matod ni Pacquiao nga wa siyay problema kon si Juan Manuel Marquez ang iyang sunod nga ikasinukliay ug kumo apan mag-agad ang tanan sa hukom sa iyang promoter nga si Bob Arum. Suma pa ni Pacquiao nga di una siya maghuna-huna ug boxing karong higayona sanglit iyang pangandaman ang engrande nga birthday party sa iyang pinanggang inahan nga si Dionisia. ( Najib M. Cubio ) |
GIPAUBOS NA SA CAMP RESTRICTION ANG SAKOP SA REG'L. PUBLIC SAFETY BATALLION NGA NAKIGPINUSILAY SA MGA BATAN ON SA SIBONGA UG NIANGOL SA 3 KA MGA MAMAYLIHAY. SI PO2 ELRAY BRADY KINSA SAKOP SA REG'L. PUBLIC SAFETY BATALLION NGA NAGBASI SA LUNGSOD SA SIBONGA ANG NAKIGSINUKLIAY UG BALA NGADTO SA MGA BATAN ON ATOL SA GIPAHIGAYON NGA BAYLI SA BRGY. KANDAGIT, SIBONGA ALA UNA BAYNTE GANINANG KADLAWN. ANG PAGSINUKLIAY UG BALA NIRESULTA SA PAGKAANGOL SA LAING MGA BATAN ON NGA NAGSAYAW SUD SA BAYLIHAN NGA SILA SI JAYPARD SARDA 25, RICKY LLANOS 37 UG ANG USA KA 13 ANYOS NGA BATANG LALAKE. ANG TULO KA MGA SAMARAN ANG DALING GIDALA SA TAMBALANAN. SUMA SA IMBISTIGADOR SA KAPULISAN SA SIBONGA PINAAGE NI P03 ANTONIO SANCHEZ, NGA ANG PULIS NGA SI PO2 BRADY NITUBAG SA ALARMA SA KAGULIYANG SA GRUPO SA MGA BATAN ON SUD SA BAYLIHAN. GIDUGANG PA NI PO3 SANCHEZ NGA GIUNHAN SA PAGPUSIL SI PO2 BRADY APAN WA SIYA MAIGO HINUNGDAN NGA SIYA NIBAWS SA PAGPUSIL NGADTO SA MGA BATAN ON NGA NIUNA SA PAGPUSIL KANIYA UG WA USAB SIYA MAKAIGO KANILA. ANG SINUKLIAY UG BALA SA PULIS UG SA MGA BATAN ON NAKAPAGAN SA 3 KA MGA MAMAYLIHAY. |
ANDAM NGA DAWATON SA HEPE SA KAPULISAN SA LUNGSOD SA COMPOSTELA KON ASA SIYA ILABAY HUMAN NGA NAKAHUKOM ANG HEPE KAPULISAN SA PROBINSYA SA SUGBO NGA HULIPAN SIYA SA IYANG PWESTO. ANG PANGU SA KAPULISAN SA PROBINSYA SA SUGBO P/SR. SUPT. PATROCENIO COMENDADOR JR. WA MATAGBAW SA PAGPASABOT NI P/SR. INSP. RODRIGO GIANGAN LABOT SA NAHITABO NGA PAGTAKEOVER SA MGA DUMADAPIG NI MAYORALTY CANDIDATE JOEL QUINO SA MUNISIPYO SA LUNGSOD SA COMPOSTELA NIADTONG MERKULES. SUMA PA NI P/SR. INSP. RODRIGO GIANGAN NGA ISIP USA KA SULONDON NGA PULIS ANDAM NIYANG DAWATON ANG BISAN UNSA NGA ASSIGNMENT NGA IHATAG KANIYA HUMAN NGA SIYA MAHULIPAN SA IYANG PWESTO ISIP HEPE SA KAPULISAN SA COMPOSTELA. GIKLARO NI SR. INSP. GIANGAN NGA MUTUMAN SIYA SA BISAN UNSA NGA KAMANDOAN GIKAN SA IYANG MGA LABAW. GITATAW HINOON NI SR. INSP. GIANGAN NGA SA IYANG PAGDUMA SA COMPOSTELA PULIS STATION WA SIYA MAGPABAYA SA IYANG KATUNGDANAN, APAN NAHITABO LAMANG NGA NALUTSAN SILA SA MGA DUMADAPIG NI MAYORALTY CANDIDATE JOEL QUINO NIADTONG MERKULES SANGLIT WA NILA DAMHA NGA HIMOON KADTO SA IYANG MGA SUPORTER. |
NAGPADAYON KARON ANG LAING HUGNA SA KAPAMILYA BLOOD DONATION CAMPAIGN SA CHONG HUA HOSPITAL SUGOD SAYO KARONG BUNTAG. ANG KADAGKOAN SA CHONG HUA HOSPITAL NIPASALIG SA MGA KAPAMILYA BLOOD DONORS NGA WAY SAKIT ANG PAGKUHA NILA SA DUGO. GIDAPIT ANG MGA KAPAMILYA NGA WAY KABILINGGAN SA ILANG PANGLAWAS NGA MUDONAR UG DUGO ARON NGA MAKATABANG SA MGA KAPAMILYA NGA NANGINAHANGLAN UG DUGO. ANG LAING HUGNA SA KAPAMILYA BLOOD DONATION CAMPAIGN HINUGPONG NGA KALIHOKAN SA KADAGKOAN SA CHONG HUA HOSPITAL UG SA DYAB 1512 ABANTE PA BISAYA. |
ANG MGA MOTORISTA DINHI SA SUGBO WA MAHIMOOT NIINING GIPAHIBAWO NGA PAGKUNHOD SA PRESYO SA KRUDO UG SA GASOLINA, SANGLIT ANG TOTAL ADUNA LAMAY DUHA KA MGA GASOLINAHAN DINHI SAMTANG ANG SEA OIL NAGBINUGTONG LANG ANG ILANG GASOLINAHAN NGA ANAA NAHIMUTANG SA DAN HERNAN CORTES SA DAKBAYAN SA MANDAUE. GIPATUMAN SUGOD ALAS 12:01 SA TUNGANG GABII ROLLBACK SA PRESYO PRODUKTONG PETROLYO. ANG TOTAL PHILIPPINES MO-ROLLBACK UG 2 PESOS MATAG LITRO ILANG DIESEL UG KEROSENE, 1.50 SA ILANG PREMIUM UG UNLEADED NGA GASOLINA. SAMTANG PISO USAB SA ILANG REGULAR GHASOLINE. SAMTANG ANG SEA OIL NIPATUMAN NA USAB SA SUSAMA NGA KANTIDAD NGA LASLAS SA PRESYO SA KRUDO, GAS UG GASOLINA. APAN MATOD SA TOTAL, MOPASAKA SILAG PISO MATAG KILO SA ILANG LPG. GIPAABOT NGA MUSUNOD ANG UBAN PANG MGA OIL PLAYER SA PAGLASLAS SA PRESYO SA MGA PRODUKTONG PETROLYO. |
NAGPADAYON NA KARON ANG MGA SAKOP SA PESO DEPT. SA LUNGSOD SA LILOAN ARON SA PAG ATIMAN SA GATOSAN KA MGA KAPAMILYA NGA APLIKANTE UG TRABAHO ALANG SA IPAHIGAYON NGA KAPAMILYA LOKAL UG OVERSEAS JOB FAIR KARONG TIBUOK ADLAW KARON. GIHUGUPAN NA USAB SA GATOSAN KA MGA APLIKANTE UG TRABAHO NGA GIKAN PA SA COMPOSTELA,DAKBAYAN SA DANAO UG SA MGA LUNGSOD SA AMIHANG BAHIN SA PROBINSYA ANG PANFIL FRASCO SPORTS COMPLEX SUBAY SA MAONG KALIHOKAN. ANG STATION MANAGER SA DYAB 1512 ABANTE PA BISAYA LEO LASTIMOSA KUYOG NI MAYOR DUKE FRASCO UG SA MGA OPISYAL SA LUNGSOD SA LILOAN. 30 KA MGA LOKAL NGA MGA EMPLOYER SAMTANG 6 KA MGA LANGYAWNG KOMPANIYA ANG NISALMOT SA JOB FAIR. MGA SKILLED WORKERS, NURSES, UG MGA FACTORY WORKERS PARA SA TAIWAN ANG NAG UNANG GIKINAHANGLAN ALANG SA OVERSEAS JOB FAIR. SAMTANG, MGA TRABAHANTE SA MGA DEPT. STORE, OFFICE STAFF UG MGA TRABAHANTE SA PABRIKA ANG NAG UNANG GIKINAHANGLAN SA MGA EMPLOYER DINHI SA ATO. SAMTANG, PADAYON USAB NGA GIBAHAAN SA MGA KAPAMILYA ANG GIPAHIGAYON NGA HALAD SA KAPAMILYA SA LUNGSOD SA LILOAN. ANG MGA AHENSYA SA GOBERNO NGA NIDUYOG SA MAONG KALIHOKAN ANG GIHUGUPAN SA MGA KAPAMILYA ARON MAPAHIMUSLAN ANG ILANG SERBISYO BISAN UG ADLAW KARON NGA SABADO. ANG MAONG KALIHOKAN HINUGPONG PROYEKTO SA LOKAL NGA MGA OPISYAL SA LUNGSOD SA LILOAN UG SA DYAB 1512 ABANTE PA BISAYA. |
Si Noval pormal nga nakadawat sa kamanduan gikan kang DILG Sec. Jessie
Robredo human muolbo ang tensyon sa mga dumadapig ni mayoral candidate
Joel Quino.
Basi sa kamanduan si Noval molingkod hangtud nga masulbad sa Comelec
ang petesyon nga gisang-at sa naparot nga kandidato Richie Wagas.
Si Noval nakigtagbo gilayon sa mga kawani sa lungsod pagsiguro nga
matarung ang serbesyo sa katawhan.
Ang kapakyas sa paghatag og tukmang serbesyo maoy usa sa hinungdan sa
pag sakmit sa kampo ni Quino sa balay lungsod niadtong myerkules sa
hapon. (June Berongan).
Basi sa talaan sa Regional Epidemilogy and Surveillance Unit kon RESU
sa DOH7 miabut na sab og 10 ka mga tawo ang namatay sa maong sakit.
Ang dakbayan sa Sugbo padayong nag una uban sa 178 ka mga kaso uban sa
7 ang patay.
Gisundan sa dakabayan sa Mandaue nga mitala og 118 ka mga kaso, 114 sa
dakbayan sa Lapulapu, 57 sa dakbayan sa Talisay, 57 sa Dumaguete City.
Hinoon matud sa DOH 7 ubos pa og 76.41% ang kaso karong tuiga itandi
sa nakalabay'ng tuig nga mitala og 2, 237. (June Berongan).
Ang mayor naglisod paggunit sa bulak nga gihatag sa mga vendors kaniya dihang
miatobang siya sa grupo.
Gilista sa Mayor ang mga yangongo sa mga vendors atol sa interview sa DAYB ug
mipasalig nga iyang atimanon ang ilang mga kabalaka.
Si Mayor Soc mipatawag dayon sa mga sakop sa komitiba nga gitahasan sa plano
pagbalhin sa mga vendors sa bag-ong merkado.
Miangkon hinoon ang Mayor nakasabot siya nga supak gyud ang mga vendors sa
lakang.
Ang Mayor wala mopasalig sa mga vendors nga dili sila mabalhin apan naglaom ang
mga vendors nga katabangan sila sa mayor. (Marlon Bellita)
Tumong sa rally ang pagsupak sa lakang sa kagamhanan nga ibalhin sila sa bag-ong
merkado sa Barangay Lagtang.
Mayo 28 ang gikatakda nga pagbalhin, matud sa mga vendors bisan kahapsay pa ang
tumong sa Siyudad supakon nila ang lakang.
Alang nila kagutom ang ilang makuha sa higayon nga ipugos sa Siyudad ang
pagbalhin nila sa bag-ong merkado. (Marlon Bellita)
Nagbakho nga nireklamo sa mga pulis sa Dakbayan sa Carcar ang usa ka 28 anyos nga daga human nga giatake sa manlungkabay ang apartment nga iyang giestaran. Ang biktima naila sa ngan nga si Lovely Canasa 28 anyos nga kasamtangang nanimuyo sa Brgy. Bolinawan Dakabayan sa Carcar. Gitumbok sa biktima nga si Canasa ang iyang silingan nga notado nang hilabtanon ug kabtangan nga mao si Gilbert Alonzo 21 anyos. Basi sa reklamo sa biktima ngadto sa mga pulis, nga pugsanong gisud sa suspetsado ang liko nga bahin sa iyang apartment. Sa diha nga nakasud na ang suspetsado gipangpas-an niini ang iyang mga appliances ug giapil pa gyud pagpamupho ang iyang mga sinsiyo nga tinigum. Niturok ang katahap sa biktima batok ni Alonzo sanglit dungan sa pagkahanaw sa iyang mga kabtangan kalit usab nga nahanaw sa ilang dapit ang gikatahapan. ( Najib M. Cubio ) |
Gipaabot nga ipagawas sa mga sakop sa Theft and Robbery Section sa kapulisan sa Dakbayan sa Sugbo ang hulagway sa mga tulisan nga niigo sa J & A wholesale Trading Fashion Accessories sa Dakbayan sa Sugbo. Ang pangu sa T.R.S. P/C.Insp. Bonifacio Garciano nagkanayon nga nakig alayon sila karon sa mga saksi sa maong krimen aron nga makuha ang hulagway sa 3 ka mga tulisan. Suma pa ni Maj. Garciano nga dako ug matabang ang pagpagawas sa artist sketch sa mga suspetsado sanglit daghan na unyang mga tawo ang makahatag nila ug inpormasyon labot sa mga gikatahapan. Hinoon, nagduda si Maj. Garciano nga taga dinhi ra sa dakbayan ang mga responsable gumikan sa ilang pagtaptap sa ilang dagway. Sigon pa niya nga posibling nahadlok ang mga suspetsado nga mailhan sa mga tindera ang dagway sa mga tulisan hinungdan nga sila nagtaptap sa ilang nawng. ( Najib M. Cubio ) |
Gipasalig sa tigpasiugda sa suway nga pagkulit ug record sa labing dako nga bingka sa tibuok kalibutan sa Dakbayan sa Mandaue nga maluto karong alas 3 sa hapon ang maong bingka. Si Clark Pelaez sa Taga Mandaue Inc. kinsa maoy nipasiugda sa kalihokan niingon nga ila gyud nga kab-oton ang oras nga ilang gitarget sa pagluto sa labing dako nga bingka. Samtang ang mga magtutudlo sa tanang publikong tunghaan sa Dakbayan sa Mandaue kuyog sa ilang mga nitun-an nga nibulontaryo sa pagluto sa labing dako nga bingka nitataw nga ila gyung mahuman ang ilang tahas. Karong buntag nibanos ang laing grupo sa mga tinun-an aron pulihan ang ilang mga kauban nga maoy nagtukaw sukad pa kagabie sa pagluto sa bingka. Suma pa ni Pelaez nga dul-an sa 300 ka mga magtutudlo ug tinun-an sa Dakbayan sa Mandaue ang nagtinabangay sa paghikay sa labing dako nga bingka sa kalibutan nga giluto sa Mandaue. ( Najib M. Cubio ) |
| ||||||||||||||||||
